ଦୁଃଶାସନ ନାୟକ20/01/2025 at 8:36 PM
ଅସ୍ତରଙ୍ଗ,, କୋଣାର୍କ ନିକଟସ୍ଥ ବାଙ୍ଗର ବରପଦା ନିକଟରେ ଥିବା ବିଶ୍ଵଶାନ୍ତି ସେବାଶ୍ରମ ପକ୍ଷରୁ ୩୨ ତମ ବିଶ୍ଵଶାନ୍ତି ମହାଯଜ୍ଞ ରବିବାର ଦିନ ଅନୁଷ୍ଠିତ ହେଉଅଛି। ଏହି ଅବସରରେ ରବିବାର ପୂର୍ବାହ୍ନରେ ସାହିତ୍ୟ ଉତ୍ସବ ଅନୁଷ୍ଠିତ ହୋଇଯାଇଛି । ପ୍ରାରମ୍ଭରେ ଅନୁଷ୍ଠାନର ମୁଖପାତ୍ର କଲ୍ୟାଣୀ ଅତିଥି ମାନଙ୍କ ଦ୍ବାରା ଉନ୍ମୋଚନ ହେବା ପରେ, ରାଜ୍ୟର ବିଭିନ୍ନ କୋଣ ଅନୁ ଆସିଥିବା କବି ଓ କବୟିତ୍ରୀ ମାନେ ସେମାନଙ୍କର ଆଧ୍ୟାତ୍ମିକ କବିତା ପାଠ କରିବା ସହ ଆଧ୍ୟାତ୍ମିକ ସାହିତ୍ୟ ଉପରେ ଆଲୋଚନା କରିଥିଲେ। ଅତିଥି ଭାବେ ଶିକ୍ଷାବିତ୍ ତଥା ସମାଜସେବୀ ଶଶଧର ପଣ୍ଡା, ପ୍ରସିଦ୍ଧ ବ୍ୟଙ୍ଗକବୀ ସମ୍ପଦ କୁମାର ରଥ , ପ୍ରଫେସର ତ୍ରିଲୋଚନ ବରାଳ ପ୍ରମୁଖ ଯୋଗ ଦେଇଥିଲେ । ସେବାଶ୍ରମ ପ୍ରତିଷ୍ଠାତା, ପାଲାକାର ତଥା ସାହିତ୍ୟିକ ଲକ୍ଷ୍ମୀଧର ଦାସ ସଭାପତିତ୍ବ କରିଥିଲାବେଳେ ସମ୍ପାଦକ ମଙ୍ଗରାଜ ବିଶ୍ବାଳ ମଞ୍ଚ ପରିଚାଳନା କରିଥିଲେ। ସାହିତ୍ୟ କ୍ଷେତ୍ରରେ ଅନୁଦାନ ପାଇଁ କିଛି ପ୍ରତିଭାଙ୍କୁ ଅନୁଷ୍ଠାନ ତରଫରୁ ସମ୍ବର୍ଦ୍ଧନା ପ୍ରଦାନ କରାଯାଇ ଥିବା ବେଳେ,ବରିଷ୍ଠ ସାମ୍ବାଦିକ ଶ୍ରୀ ଦୁଃଶାସନ ନାୟକ ଙ୍କୁ ଅନୁଷ୍ଠାନ ତରଫରୁ, ବିଶ୍ବଶାନ୍ତି ଶ୍ରେଷ୍ଠ ବରିଷ୍ଠ ସାମ୍ବାଦିକ ସମ୍ମାନ ୨୦୨୫ ମାନପତ୍ର,ଉତ୍ତରୀୟ ,ଓ ଫୁଲତୋଡ଼ା ଦିଆଯାଇ ସମ୍ମାନିତ କରାଯାଇ ଥିଲା।