ଓଡ଼ିଶା ଡଟ୍ ନ୍ୟୁଜ୍

31/01/2025 at 11:33 AM

ବାଲେଶ୍ବର: କମର୍ଦା ଥାନା ଅନ୍ତର୍ଗତ ନାଚିନ୍ଦା ଛକ ବାଲିଆପାଳ କମର୍ଦା ମୁଖ୍ୟ ରାସ୍ତାରେ ପଡ଼ିଛି ଏକ ମୃତଦେହ । ତେବେ ମୃତଦେହଟି କାହାର କିଛି ଜଣାପଡିନି । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହାସହ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।

ସୂଚନାଯୋଗ୍ୟ, ଆଜି ସକାଳେ ରାସ୍ତା କଡ଼ରେ ଜଣେ ବୟସ୍କ ବ୍ୟକ୍ତି ପଡିଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ଖବର ପାଇ କମର୍ଦା ପୋଲିସ ଘଟଣାର ପହଞ୍ଚି ତାଙ୍କୁ ଉଦ୍ଧାର କରି ମେଡିକାଲ ନେଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ବୃଦ୍ଧଙ୍କ ମୃତ୍ୟୁର କାରଣ ଅସ୍ପଷ୍ଟ ଥିବା ବେଳେ ଘଟଣାକୁ ନେଇ ଅଧିକ ଖୋଲତାଳ ଆରମ୍ଭ କରିଛି ପୋଲିସ । ବୃଦ୍ଧଙ୍କ ପରିଚୟ ମଧ୍ୟ ମିଳିନାହିଁ ।