ଶରତ କୁମାର ଧଳ4/02/2025 at 9:22 AM
ପଟ୍ଟାଙ୍ଗି୦୪/୦୨କୋରାପୁଟ ଜିଲ୍ଲା ପଟ୍ଟାଙ୍ଗି ବ୍ଲକ ଶିକ୍ଷା ବିଭାଗ ଅଧିନରେ ରହିଥିବା UGHS ତଳଗୋଲୁର ବିଦ୍ୟାଳୟର ଷଷ୍ଠ ଶ୍ରେଣୀ ଛାତ୍ର ନଡ଼ିଆ ଗଛରୁ ପଡି ଗୁରୁତର ଆହତ ହୋଇ ଚିକିତ୍ସା ଧିନ ଅବସ୍ଥାରେ ମୃତ ଘଟଣାରେ ଗ୍ରାମବାସୀ ଙ୍କ ମଧ୍ୟରେ ଜାରି ରହିଛି ଅସନ୍ତୋଷ । ସେପଟେ ବିଦ୍ୟାଳୟରେ ରହିଥିବା ୪୦ଶଯ୍ୟା ବିଶିଷ୍ଟ ହଷ୍ଟେଲ୍ ରେ ଅନ୍ତେବାସୀ ମାନଙ୍କ ନିମନ୍ତେ ରହିବା ବ୍ୟବସ୍ଥା ଛଡ଼ା ଅନ୍ୟ କୈଣସି ସୁବିଧା ନଥିବା ବେଳେ ସୌଚାଳୟ ବ୍ୟବସ୍ଥା ନାହିଁ । ଯାହାଫଳରେ ସମସ୍ତ ଛାତ୍ର ବିଦ୍ୟାଳୟ ବାହାରକୁ ଯିବା ନିମନ୍ତେ ବାଧ୍ୟ ହେଉଛନ୍ତି । ସେହିପରି ମୃତ ଛାତ୍ର ଙ୍କ ଶବ ବ୍ୟବଚ୍ଛେଦ ହୋଇ ତଳଗୋଲୁର ପଞ୍ଚାୟତ ରେ ପହଞ୍ଚିବା ପରେ ମୃତ ଦେହ କୁନେଇ ପରିବାର ବର୍ଗ , ସମ୍ପର୍କୀୟ ଏବଂ ଗ୍ରାମବାସୀ ବିଦ୍ୟାଳୟ ସମୁଖରେ ରଖି ବିଳମ୍ବିତ ରାତି ପର୍ଯ୍ୟନ୍ତ ପ୍ରତିବାଦ କରିଥିବା ବେଳେ ରାତି ୧୨ଟା ପରେ ଶିକ୍ଷକ ମାନଙ୍କ ଠାରୁ କ୍ଷତିପୂରଣ ବାବଦକୁ ପ୍ରତିଶ୍ରୁତି ମିଳିବା ପରେ ବିଦ୍ୟାଳୟ ସମୁଖରୁ ମୃତ ଛାତ୍ର ଙ୍କୁ ଉଠାଇ ନିଜସ୍ୱ ଗ୍ରାମ ସିଙ୍ଗାରଗୁଡି କୁ ନେଇଥିଲେ । ସୂଚନା ମୁତାବକ ଉକ୍ତ ବିଦ୍ୟାଳୟଟି ପ୍ରାଥମିକ ଗଣଶିକ୍ଷା ବିଭାଗର ହୋଇଥିବା ବେଳେ ବିଦ୍ୟାଳୟ ରେ ରହିଥିବା ଛାତ୍ରୀ ନିବାସ ପାଇଁ ସମସ୍ତ ଖର୍ଚ୍ଚ ମଙ୍ଗଳ ବିଭାଗ ପକ୍ଷରୁ ହେଉଥିବା ବେଳେ ଛାତ୍ର ନିବାସ ପାଇଁ ଉକ୍ତ ବିଭାଗ ପକ୍ଷରୁ କୈଣସି ଅନୁଦାନ ଯୋଗାଇ ଦିଆ ଯାଉନଥିବା ବେଳେ ଛାତ୍ର ମାନଙ୍କୁ ପ୍ରତି ମାସରେ ହଜାର ଟଙ୍କା ଲେଖାଏଁ ଷ୍ଟାଇପେଣ୍ଡ୍ ପ୍ରଦାନ କରାଯାଉଛି । ଯାହାକି ଛାତ୍ର ଆବାସ ନିମନ୍ତେ କୈଣସି ଆନୁଷଙ୍ଗିକ ବ୍ୟବସ୍ଥା ଯଥା ସୌଚାଳୟ ର କୈଣସି ବ୍ୟବସ୍ଥା ନକରି ଗଣଶିକ୍ଷା ବିଭାଗ ଛାତ୍ର ନିବାସ ମଙ୍ଗଳ ବିଭାଗ କୁ ହସ୍ତାନ୍ତର କରି ନିଜ ମୁଣ୍ଡରୁ ଦାଇତ୍ଵ ହଟାଇ ଦେଇଛି । ସବୁଠାରୁ ବଡ କଥା ହେଲା ଛାତ୍ର ନିବାସ ପାଇଁ ପ୍ରତି ବର୍ଷ ଦୁଇ ବିଭାଗ ମଧ୍ୟରେ ଯୁକ୍ତିନାମ ହେଉଥିବା ବେଳେ ଛାତ୍ର ଆବାସ ନିମନ୍ତେ କିପରି ସୌଚାଳୟ ବ୍ୟବସ୍ଥା ହେଇ ପାରିବ ସେନେଇ ଗଣଶିକ୍ଷା ବିଭାଗ ପକ୍ଷରୁ କୈଣସି ପଦକ୍ଷେପ ନେବା ପାଇଁ ଉଦ୍ୟମ କରା ଯାଇନାହିଁ । ଯେଉଁଥି ପାଇଁ କି ଶିକ୍ଷକ ମାନଙ୍କ ଠାରୁ ଆରମ୍ଭ କରି ଗ୍ରାମବାସୀ ଏବଂ ଅଭିଭାବକ ମାନେ ଅନେକ ଥର ଲିଖିତ ଭାବେ ଜଣାଇଥିଲେ ମଧ୍ୟ କୈଣସି ପଦକ୍ଷେପ ନିଆ ଯାଇ ନଥିବା ଯୋଗୁଁ ଆଜି ବିଦ୍ୟାଳୟରେ ଏତେ ବଡ ଘଟଣା ଘଟିଥିବା ଗ୍ରାମବାସୀ ଅଭିଯୋଗ ଉଠାଇଛନ୍ତି । ସେହିପରି ବିଦ୍ୟାଳୟରେ ଗୋଟିଏ ଛାତ୍ର ମୃତ୍ୟୁବରଣ କରି ଥିବା ଘଟଣା ଠାରୁ ଆରମ୍ଭ କରି ବିଦ୍ୟାଳୟ ସମୁଖରେ ମୃତ ଦେହ ରଖି ପ୍ରତିବାଦ ପରି ଘଟଣା ଘଟି ଯାଇଥିବା ବେଳେ ବ୍ଲକ ଶିକ୍ଷା ଅଧିକାରୀ ଙ୍କ ଠାରୁ ଆରମ୍ଭ କରି ନିର୍ବାଚିତ ଜନପ୍ରତିନିଧି କେହି ମଧ୍ୟ ପହଞ୍ଚି ଘଟଣା ସମ୍ପର୍କରେ ଜାଣିବା ପାଇଁ ଉଦ୍ୟମ କରି ନଥିବା ବେଳେ ସମସ୍ତ ଘଟଣା ଘଟି ଯିବା ପରେ ବ୍ଲକ ଶିକ୍ଷା ଅଧିକାରୀ ବିଦ୍ୟାଳୟରେ ପହଞ୍ଚି ଘଟଣା ସମ୍ପର୍କରେ ଶିକ୍ଷକ ମାନଙ୍କ ସହ ଆଲୋଚନା କରି ସରପଞ୍ଚ କିମ୍ବା ମୃତ ପରିବାର ଙ୍କ ସହ କୈଣସି ଆଲୋଚନା ନକରି ଫେରିଯିବା ସମ୍ପର୍କରେ ପରିବାର ବର୍ଗ ଅସନ୍ତୋଷ ପ୍ରକାଶ କରିବା ସହ ବ୍ଲକ ଶିକ୍ଷା ଅଧିକାରୀ ଙ୍କ ଏହିପରି ଏକ ତରଫା ପଦକ୍ଷେପ କୁ ନେଇ ଅନେକ କିଛି ପ୍ରଶ୍ନ ଉଠୁଛି ବୋଲି ମୃତ ଛାତ୍ର ପରିବାର ବର୍ଗ ଏବଂ ଗ୍ରାମବାସୀ ଅଭିଯୋଗ ଉଠାଇଛନ୍ତି । ସୋମବାର ତଳଗୋଲୁର ପଞ୍ଚାୟତ କାର୍ଯ୍ୟାଳୟରେ ଜନ ଶୁଣାଣି କାର୍ଯ୍ୟକ୍ରମ ରହିଥିବା ବେଳେ ଉକ୍ତ କାର୍ଯ୍ୟକ୍ରମ କୁ ଆସିଥିବା ଗୋଷ୍ଠୀ ଉନ୍ନୟନ ଅଧିକାରୀ ସୁକାନ୍ତ କୁମାର ପଟ୍ଟନାୟକ ଏବଂ ତହସିଲଦାର ଦେବେନ୍ଦ୍ର ବାହାଦୂର ସିଂ ଧାରୁଆ ମୃତ ଛାତ୍ର ପେଟେଲି କିରଣ ଙ୍କ ବାପା ପେଟେଲି ସୁବାରାଓ ଙ୍କୁ ରେଡ୍କ୍ରସ ଅନୁଦାନରୁ ୧୦ ହଜାର ଟଙ୍କାର ଏକ ଚ୍ୟାକ୍ ପ୍ରଦାନ କରିଥିଲେ । ଏଠାରେ ସୂଚନା ଥାଉକି ଉକ୍ତ ବିଦ୍ୟାଳୟରେ ପ୍ରଥମରୁ ଦଶମ ଶ୍ରେଣୀ ରହିଥିବା ବେଳେ ୩୩୧ ଛାତ୍ରଛାତ୍ରୀ ପାଠ ପଢୁଥିବା ବେଳେ ବିଦ୍ୟାଳୟରେ ଦୁଇଟି ହଷ୍ଟେଲ ରହିଥିବା ସହ ୧୦୦ ଶଯ୍ୟା ବିଶିଷ୍ଟ ଛାତ୍ରୀ ନିବାସ ନିମନ୍ତେ ସମସ୍ତ ସୁବିଧା ରହିବା ବେଳେ ୪୦ଶଯ୍ୟା ବିଶିଷ୍ଟ ଛାତ୍ର ନିବାସ ପାଇଁ ରହିବା ଛଡା ଅନ୍ୟ କୈଣସି ବ୍ୟବସ୍ଥା ନାହିଁ ।