ରାଜୀବ ଲୋଚନ ମିଶ୍ର6/05/2023 at 10:25 PM
ଗୋପାଳପୁର: ଜ।ତୀୟ ରାଜପଥ ପାର୍ଶ୍ୱରେ ଥିବା କନିଷି ଢ଼ାବା ନିକଟରେ ପର୍କିଙ୍ଗ ହୋଇଥିବା ଏକ ଟ୍ରକକୁ ଗତ ୩ ତାରିଖ ରେ ଦୁର୍ବୃତ୍ତ ଚୋରୀ କରି ନେଇଥିବା ବେଳେ ଆଜି ଟାଙ୍ଗୀ ନିକଟସ୍ଥ ରାମଦାସପୁର ର ପରିତ୍ୟକ୍ତ ସ୍ଥାନରୁ ଆଜି ଉଦ୍ଧାର କରାଯାଇଛି। ଦୁର୍ବୃତ୍ତ ମାନେ ଟ୍ରକର ୬ ଟି ଚକକୁ ଲୁଟି ନେଇଥିବା ବେଳେ ଟ୍ରକ କୁ ଛାଡି ଦେଇଥିବା ଜଣାପଡ଼ିଛି। ହଳଦିଆପଦର ଅଶୋକ କୁମାର ଦଳବେହେରାଙ୍କ ଟ୍ରକ( ଓଡି ୧୫ ଜି ୬୩୨୯ ) କୁ ଗତ ୨ ତାରିଖ ସନ୍ଧ୍ୟାରେ ଅଟୋ ନଗର ନିକଟ କନିସି ଢ଼ାବା ରାଜପଥ ପାର୍ଶ୍ୱରେ ଟ୍ରକ କୁ ରଖି ଘର କୁ ଯାଇଥିଲେ l ବିଳମ୍ବିତ ରାତ୍ରିରେ ଦୁର୍ବୃତ୍ତ ମାନେ ଟ୍ରକର ଡୋର ଭାଙ୍ଗି ଚୋରୀ କରି ଚମ୍ପଟ ମାରିଥିଲେ l ୩ ତାରିଖ ସକାଳେ ଅଚାନକ ଅଶୋକ ଙ୍କ ମୋବାଇଲ କୁ ଫାଷ୍ଟ ଟ୍ୟାଗ ମେସେଜ ଆସିବା ପରେ ସନ୍ଦେହ ରେ ପାର୍କିଂ ସ୍ଥାନକୁ ଆସି ଟ୍ରକ ନଥିବା ଦେଖିବାକୁ ପାଇଥିଲେ l ଘଟଣା ନେଇ ଗୋଳନ୍ଥରା ଥାନା ରେ ଲିଖିତ ଅଭିଯୋଗ କରିଥିଲେ, ଅଭିଯୋଗ କୁ ଭିତ୍ତି କରି ପୁଲିସ ପକ୍ଷରୁ ୨୨୪/୨୩ ରେ ମାମଲା ରୁଜୁ କରିବା ସହ ଆଇଆଇସି ବିବେକାନନ୍ଦ ମହନ୍ତ ଙ୍କ ପକ୍ଷରୁ ଏକ ସ୍ବତନ୍ତ୍ର ଟିମ୍ ଗଠନ କରାଯାଇ ତଦନ୍ତ ଜାରି ରହିଥିଲା।