ଓଡ଼ିଶା ଡଟ୍ ନ୍ୟୁଜ୍

5/04/2025 at 11:26 AM

ଭୁବନେଶ୍ବର: ଯାତ୍ରା ଅଭିନେତା ପୀୟୁଷଙ୍କୁ ନେଇ ବଡ଼ ଖବର । ଯାହା ତାଙ୍କ ଫ୍ୟାନ ଫଲୋର୍ସଙ୍କ ହୃଦୟ ଭାଙ୍ଗି ଦେବ । କାରଣ ପୀୟୁଷଙ୍କ ଘରୁ ଆସିଛି ଏମିତି ଖବର । ନିଜେ ତାଙ୍କ ବାପା ନରେନ୍ଦ୍ର ନାଥ ତ୍ରିପାଠୀ ଏମିତି କିଛି ସୂଚନା ଦେଇଛନ୍ତି । ନରେନ୍ଦ୍ରଙ୍କ ଅନୁସାରେ ପୀୟୁଷଙ୍କୁ ଆଉ ଯାତ୍ରା ମଞ୍ଚରେ ଦେଖିବାକୁ ମିଳିବ ନାହିଁ । କାରଣ ନରେନ୍ଦ୍ର ଯାତ୍ରା ମାଲିକ ମହାସଂଘଙ୍କୁ ଚିଠି ଲେଖିଛନ୍ତି ।

ଏଥିରେ ସେ ଉଲ୍ଲେଖ କରିଛନ୍ତି, ସ୍ବାସ୍ଥ୍ୟଗତ ସମସ୍ୟା ଓ ପାରିବାରିକ ସସମ୍ୟା ପାଇଁ ମୋ ପୁଅ ଘରେ ରହିବ ବୋଲି ସତ୍ୟ ବାବୁଙ୍କୁ ଜାନୁଆରୀ ମାସରେ ଜଣାଇଥିଲି । ତା’ ପରେ ଅପେରା ସୂର୍ଯ୍ୟମନ୍ଦିର ଓ ସିଂହବାହିନୀ ପାର୍ଟିର ଇସ୍ୟୁ ହେଲା । ସମସ୍ତେ ସମସ୍ତଙ୍କ କଥା କହିଲେ, ହେଲେ ମୋ କଥା ଯାହା ମୁଁ ସତ୍ୟ ବାବୁଙ୍କୁ ଜଣାଇଥିଲି ତାହା ଜଣାପଡ଼ିଲା ନାହିଁ । ତେଣୁ ଘରର ନିଷ୍ପତ୍ତି ଅନୁସାରେ ଆସନ୍ତା ବର୍ଷ ୨୫-୨୬ରେ ମୋ ପୁଅ ମୋ ଘରେ ରହିବ । ଆପଣଙ୍କୁ ଅନୁରୋଧ କି ୨ଟି ପାର୍ଟି ମାଲିକଙ୍କୁ ତାଙ୍କ ଦେଇଥିବା ଅଗ୍ରୀମ ଫେରାଇ ନେବାକୁ ଆପଣ ସଂଘର ସଭାପତି ଅନୁସାରେ ଦାୟିତ୍ୱ ବହନ କରିବେ । ଗୋଟିଏ ବାପ ହିସାବରେ ଆପଣଙ୍କୁ ଏହା ମୋର ଅନୁରୋଧ । ଏମିତି ଚିଠି ଲେଖି ପୀୟୂଷଙ୍କ ବାପା ନରେନ୍ଦ୍ର ନାଥ ତ୍ରିପାଠୀ ଯାତ୍ରା ମାଲିକ ମହାସଂଘକୁ ଅନୁରୋଧ କରିଛନ୍ତି ।

ପୀୟୂଷଙ୍କ ବାପାଙ୍କ ନିବେଦନ ଭାରା ଚିଠି ଲେଖିବା ପରେ ପୁଣି ଚର୍ଚ୍ଚା ଆରମ୍ଭ ହୋଇଛି । ପୁଅର ଅସୁସ୍ଥତା ପାଇଁ ସଂଘର ସଭାପତିଙ୍କୁ ଚିଠି ଲେଖିଛନ୍ତି ପୀୟୁଷଙ୍କ ବାପା ନରେନ୍ଦ୍ର ନାଥ ତ୍ରିପାଠୀ । ଟଙ୍କା ନେଣଦେଣକୁ ନେଇ ଯାତ୍ରା ମାଲିକଙ୍କ ସହ ପୀୟୂଷ ବିବାଦକୁ ଆସିବା ପରେ ଏବେ ସାମ୍ନାକୁ ଆସିଛି ଚିଠି । ଯେଉଁଥିରେ ଯାତ୍ରା ଜଗତରୁ ଗୋଟିଏ ବର୍ଷ ପାଇଁ ପୁଅକୁ ଦୂରାଇ ରଖିବାକୁ ପୀୟୂଷଙ୍କ ବାପା କହିଛନ୍ତି । ପୂର୍ବରୁ ଯାତ୍ରା ଜଗତକୁ ଛାଡ଼ି ଦେବେ ବୋଲି କହିଥିଲେ ପୀୟୂଷ ।