କାହିଁକି ଲଣ୍ଡନରେ ରହୁଛନ୍ତି ଅନୁଷ୍କା ଶର୍ମା ଏବଂ ବିରାଟ କୋହଲି…
ନୂଆଦିଲ୍ଲୀ: ଅନୁଷ୍କା ଶର୍ମା ଏବଂ ବିରାଟ କୋହଲି ବି-ଟାଉନର ସବୁଠାରୁ ଲୋକପ୍ରିୟ ଯୋଡ଼ି ମଧ୍ୟରୁ ଜଣେ। ଗୋଟିଏ ପଟେ ଅନୁଷ୍କା ଫିଲ୍ମ ଇଣ୍ଡଷ୍ଟ୍ରିରେ ପ୍ରସିଦ୍ଧ ଥିବା ବେଳେ ଅନ୍ୟପଟେ ବିରାଟ କ୍ରିକେଟ ପଡ଼ିଆରେ ତାଙ୍କ ବ୍ୟାଟ୍ ପାଇଁ ଖୁବ୍ ପରିଚିତ।
କିନ୍ତୁ ଯେବେଠାରୁ ଦୁହେଁ ଦେଶ ଛାଡି ବିଦେଶକୁ ଚାଲିଯାଇଛନ୍ତି, ପ୍ରଶଂସକମାନେ ସେମାନଙ୍କ ଗୋଟିଏ ଝଲକ ପାଇବାକୁ ବ୍ୟାକୁଳ। ଅନୁଷ୍କା ଶର୍ମା ଏବଂ ବିରାଟ କୋହଲି ୨୦୨୪ ମସିହାରୁ ଲଣ୍ଡନରେ ରହୁଛନ୍ତି। ଏହି ଅଭିନେତ୍ରୀଙ୍କର ଦ୍ୱିତୀୟ ସନ୍ତାନ ମଧ୍ୟ ଲଣ୍ଡନରେ ଜନ୍ମ ହୋଇଥିଲା। ଏହି ଦମ୍ପତି ଗୁପ୍ତ ଭାବରେ ବିଦେଶକୁ ଯିବାକୁ ଯୋଜନା କରିଥିଲେ ଏବଂ ସେମାନେ ଗତ ବର୍ଷ ସେଠାକୁ ଯାଇଥିଲେ। କିନ୍ତୁ ଏହା ପଛରେ ପ୍ରକୃତ କାରଣ କ’ଣ, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।
ମାଧୁରୀ ଦୀକ୍ଷିତଙ୍କ ସ୍ୱାମୀ ଏବଂ ଡାକ୍ତର ଶ୍ରୀରାମ ନେନେ ଏକ ସାମ୍ପ୍ରତିକ ସାକ୍ଷାତକାରରେ ପ୍ରକାଶ କରିଛନ୍ତି ଯେ ଅନୁଷ୍କା କାହିଁକି ସ୍ୱାମୀ ବିରାଟଙ୍କ ସହ ଲଣ୍ଡନକୁ ସ୍ଥାନାନ୍ତର ହେବାକୁ ନିଷ୍ପତ୍ତି ନେଇଥିଲେ। ରଣବୀର ଆଲ୍ଲାହାବାଦିଆଙ୍କ ସହ ଏକ ଆଲୋଚନାରେ ଶ୍ରୀରାମ ନେନେ କହିଥିଲେ, “ଆମେ ଗୋଟିଏ ଦିନ ଅନୁଷ୍କାଙ୍କ ସହ କଥାବାର୍ତ୍ତା କରିଥିଲୁ ଏବଂ ଏହା ବହୁତ ଆକର୍ଷଣୀୟ ଥିଲା। ସେମାନେ ଲଣ୍ଡନ ଯିବାକୁ ଚିନ୍ତା କରୁଥିଲେ କାରଣ ସେମାନେ ଏଠାରେ ସେମାନଙ୍କର ସଫଳତାକୁ ଖୋଲାଖୋଲି ଉପଭୋଗ କରିପାରିବେ ନାହିଁ। ସୁରକ୍ଷା ଦୃଷ୍ଟିକୋଣରୁ ଅଧିକାଂଶ ସମୟ ସେମାନେ ଏକୁଟିଆ କାଟୁଛନ୍ତି କହିଲେ ଭୁଲ ହେବନି । ଯାହା ବି କିଛି ସେମାନେ କରନ୍ତି ତାହା ପ୍ରଶଂସକ ଏବଂ ମିଡିଆର ଧ୍ୟାନ ଆକର୍ଷଣ କରିଥାଏ । କିନ୍ତୁ ଲଣ୍ଡନରେ ସେମାନେ ପିଲାମାନଙ୍କ ସହ ଖୋଲାଖୋଲି ଭାବେ ସମୟ କାଟି ପାରୁଛନ୍ତି।
