ନୂଆପଡ଼ା ପୋଲିସଙ୍କ ଅଭିନୟ ପ୍ରୟାସ,ମୋବାଇଲ୍ ଫେରସ୍ତ ମେଳା
ନୂଆପଡା:ନୂଆପଡ଼ା ଜିଲ୍ଳା ଆରକ୍ଷୀ ଅଧିକ୍ଷକ ଜି ଆର୍ ରାଘବେନ୍ଦ୍ରଙ୍କ ନେତୃତ୍ବରେ ପରିଚାଳିତ ଅପରେଶନ୍ ଶୁଦ୍ଧି ମାଧ୍ୟମରେ ଜିଲ୍ଳା ପୋଲିସ୍ କୁ ଆଉ ଏକ ବିରାଟ ସଫଳତା ମିଳିଛି l ଜିଲ୍ଲାରେ ବିଗତ ଦିନ ମାନଙ୍କରେ ଚୋରି କିମ୍ବା ହଜି ଯାଇଥିବା ୧୦୪ ଗୋଟି ମୋବାଇଲ୍ ପୁନରୁଦ୍ଧାର ଓ ଫେରସ୍ତ କାର୍ଯ୍ୟକ୍ରମ ଜରିଆରେ ଫେରସ୍ତ ହୋଇଅଛି। ଜିଲ୍ଲାର ସମସ୍ତ ନଅ ଟି ଥାନାରେ ମୋଟ ୨୦ ଟି ଦଳ ପୁନରୁଦ୍ଧାର ଯୋଜନା କାର୍ଯ୍ୟକାରୀ ହୋଇଥିଲା l ସମସ୍ତଙ୍କ ୪୮ ଘଣ୍ଟାର ଅକ୍ଲାନ୍ତ ପରିଶ୍ରମ ପରେ ୧୦୪ ଟି ମୋବାଇଲ୍ ଉଦ୍ଧାର ହୋଇଥିଲା l ଏହାକୁ ସେମାନଙ୍କ ପ୍ରକୃତ ମାଲିକ ମାନଙ୍କୁ ହସ୍ତାନ୍ତର କରିବା ପାଇଁ ଜିଲ୍ଲା ପୋଲିସ ମୁଖ୍ୟାଳୟରେ ଏକ ସ୍ଵତନ୍ତ୍ର ମୋବାଇଲ୍ ଫେରସ୍ତ ମେଳାର ଆୟୋଜନ କରାଯାଇଥିଲା l ଏଥିରେ ଅଧ୍ୟକ୍ଷତା କରି ଏସ୍ ପି କହିଲେ ଯେ ଜିଲ୍ଲା ପୋଲିସ୍ ବହୁ ନିଷ୍ଠାର ସହିତ ପ୍ରଚେଷ୍ଟା କରି ଏହି ୧୦୪ ଟି ମୋବାଇଲ୍ ଉଦ୍ଧାର କରିବାରେ ସକ୍ଷମ ହୋଇଛି l ଏସବୁର ଆନୁମାନିକ ମୂଲ୍ଯ ୨୫ ଲକ୍ଷ ଟଙ୍କା ହେବ l ଜିଲ୍ଲାର ବିଭିନ୍ନ ଥାନାରେ ପ୍ରାୟ ୧୫୦ ଟି ମୋବାଇଲ୍ ଚୋରି ଏବଂ ହଜି ଯାଇଥିବା କେଶ୍ ଦାୟର ହୋଇଥିଲା l ସେଥିରୁ ଖରିଆର ଥାନା ଅଞ୍ଚଳରୁ ୪୩ ଟି ନୂଆପଡ଼ା ରୁ ୧୯ ଟି ସିନାପାଲି ରୁ ୧୬ ଟି ଏବଂ ବୋଡ଼େନ ଥାନା ଦ୍ଵାରା ୧୧ଟି ମୋବାଇଲ୍ ମାମଲା ରୁଜୁ ହୋଇଥିଲା।
