ଛେଳି ଚରାଳି ବୃଦ୍ଧା ଙ୍କ ମୃତଦେହ ଫାର୍ମ ପଣ୍ଡ ରୁ ଉଦ୍ଧାର, ପାଣି ରେ ବୁଡି ମୃତ୍ୟୁ ।
କଳାହାଣ୍ଡି ୧୯/୦୫
କଳାହାଣ୍ଡି ଜିଲ୍ଲା କୋକସରା ବ୍ଲକ ରେଙ୍ଗାଳପାଲି ପଞ୍ଚାୟତ ରେଙ୍ଗାଳପାଲି ଗ୍ରାମ କଟାପଡା ନିକଟରେ ଥିବା ମାଛ ଚାଷ ପାଇଁ ଥିବା ଫାର୍ମ ପଣ୍ଡ ପୋଖରୀ ରୁ ଆଜି ସନ୍ଧ୍ୟାରେ ଗ୍ରାମ ର ଜଣେ ଛେଳି ଚରାଳି ବୃଦ୍ଧା ଙ୍କ ମୃତଦେହ ଠାବ ହୋଇଛି। ସୂଚନା ମତେ ଗ୍ରାମ ର ମକର ଚଣ୍ଡି ଙ୍କ ସ୍ତ୍ରୀ ବୃଦ୍ଧା ସନ୍ତ ଚଣ୍ଡି (୬୫) ପ୍ରତିଦିନ ଭଳି ଆଜି ମଧ୍ୟ ଛେଳି ଚରାଇବାକୁ ଯାଇ ମଧ୍ୟାହ୍ନ ରେ ଘର କୁ ନ ଫେରିବାରୁ ପରିବାର ଲୋକେ ଖୋଜାଖୋଜି କରିବା ସମୟରେ ଗାଁ ନିକଟରେ ଥିବା ଏକ ଫାର୍ମ ପଣ୍ଡ ର ହୁଡା ରେ ବୃଦ୍ଧା ଙ୍କ ଚପଲ ଓ ବାଡ଼ି ଥିବା ଦେଖି ପାଣି ରେ ବୁଡି ଯାଇଥିବା ସନ୍ଦେହ କରି ସନ୍ଧ୍ୟାରେ କୋକସରା ଅଗ୍ନିଶମ ବିଭାଗ ୧୧୨ କୁ ଫୋନ କରିବା ପରେ ଅଗ୍ନିଶମ ଓଆଇସି ପ୍ରଶାନ୍ତ ବାଘ ଙ୍କ ନେତୃତ୍ୱରେ ଟିମ ପହଞ୍ଚି ରାତି ପ୍ରାୟ ୮ ଘଣ୍ଟା ସମୟରେ ଫାର୍ମ ପଣ୍ଡ ପାଣି ରୁ ବୃଦ୍ଧା ଙ୍କ ଶବ ଉଦ୍ଧାର କରିଥିଲେ। ଗାଧେଇବା ସମୟରେ ଗଭୀର ପାଣି ରେ ବୁଡି ମୃତ୍ୟୁ ହୋଇଥିବା ଜଣାପଡିଛି।
