ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ

9/06/2025 at 1:37 PM

ସୁକମା: ଛତିଶଗଡ଼ର ସୁକମା ଜିଲ୍ଲାରେ ମାଓବାଦୀଙ୍କ ପ୍ରେସର ଆଇଇଡି ବିସ୍ଫୋରଣରେ କୋଣ୍ଟା ଏଏସପି ଆକାଶ ରାଓ ସହିଦ ହୋଇଛନ୍ତି। ଏହି ସମୟରେ ଆଉ ଜଣେ ପୋଲିସ ଅଧିକାରୀ ଏବଂ କୋଣ୍ଟାର ଷ୍ଟେସନ ଇନଚାର୍ଜ ସୋନାଲ ଗ୍ୱାଲା ଆହତ ହୋଇଛନ୍ତି।

ଏହି ବିସ୍ଫୋରଣ ସକାଳ ୯ରୁ ୧୦ଟା ମଧ୍ୟରେ ହୋଇଥିଲା। ବସ୍ତର ଆଇଜି ସୁନ୍ଦରରାଜ ପି ଘଟଣା ନେଇ ସ୍ପଷ୍ଟ କରିଛନ୍ତି।ବସ୍ତର ଆଇଜି ସୁନ୍ଦରରାଜ ପି କହିଛନ୍ତି ଯେ ମାଓବାଦୀମାନେ ଗତକାଲି ରାତିରେ କୋଣ୍ଟା ଅଞ୍ଚଳର ଚିକୱାରଗୁଡ଼ା ଖଣିରେ ସ୍ଥାପିତ ପୋକଲେନରେ ନିଆଁ ଲଗାଇ ଦେଇଛନ୍ତି। ଘଟଣା ନେଇ ଖବର ପାଇବା ପରେ ସୁକମା ଏଏସପି ଆକାଶ ରାଓ କୋଣ୍ଟା ଏରାବୋର ରାସ୍ତାରେ ପାଟ୍ରୋଲିଂ ପାଇଁ ବାହାରିଥିଲେ। ଏହି ସମୟରେ ଡୋଣ୍ଡ୍ରା ନିକଟରେ ତାଙ୍କ ପାଦ ଏକ ପ୍ରେସର ଆଇଇଡି ବୋମା ଉପରେ ପଡ଼ିଥିଲା, ଯାହା ଫଳରେ ବୋମା ବିସ୍ଫୋରଣ ହୋଇଥିଲା। ଏହି ନକ୍ସଲ ଘଟଣାରେ ଏଏସ୍ପି ଗୁରୁତର ଆହତ ହୋଇଥିଲେ। ଏହା ବ୍ୟତୀତ ଏସଡିଓପି, ଷ୍ଟେସନ ଇନଚାର୍ଜ ଏବଂ କିଛି ସୈନିକ ମଧ୍ୟ ଆହତ ହୋଇଥିଲେ।

ଆଇଇଡି ବିସ୍ଫୋରଣରେ ଆହତ ପୋଲିସ ଅଧିକାରୀ ଏବଂ ଯବାନମାନଙ୍କୁ ତୁରନ୍ତ ଚିକିତ୍ସା ପାଇଁ କୋଣ୍ଟା କମ୍ୟୁନିଟି ହସ୍ପିଟାଲକୁ ନିଆଯାଇଥିଲା। ଯେଉଁଠାରେ ଚିକିତ୍ସା ସମୟରେ ଏଏସପି ଆକାଶ ରାଓଙ୍କ ମୃତ୍ୟୁ ହୋଇଥିଲା।