ଆତଙ୍କବାଦ ଆକ୍ରମଣକୁ ନେଇ ଏଭଳି କହିଲେ ଜୟଶଙ୍କର
ନୂଆଦିଲ୍ଲୀ: ଭାରତୀୟ ବୈଦେଶିକ ମନ୍ତ୍ରୀ ଜୟଶଙ୍କର ବର୍ତ୍ତମାନ ବ୍ରୁସେଲ୍ସ ଗସ୍ତରେ ଅଛନ୍ତି। ଭାରତ ଏବଂ ପାକିସ୍ତାନ ବିବାଦ ପରେ ଏସ ଜୟଶଙ୍କର ପାକିସ୍ତାନକୁ ଚେତାବନୀ ଦେଇ କହିଛନ୍ତି ଯେ ଯଦି ଆଉ ଏକ ଆତଙ୍କବାଦୀ ଆକ୍ରମଣ ହୁଏ, ତେବେ ଭାରତ ଏହାର ଉଚିତ ଜବାବ ଦେବାକୁ ପଛାଇବ ନାହିଁ। ଜୟଶଙ୍କର ବର୍ତ୍ତମାନ ବ୍ରୁସେଲ୍ସ ଗସ୍ତରେ ଅଛନ୍ତି।
ସେଠାରେ ଏକ ସାକ୍ଷାତକାର ସମୟରେ ଜୟଶଙ୍କର କହିଛନ୍ତି ଯେ ‘ଯଦି ପାକିସ୍ତାନ ଭିତରେ ଆତଙ୍କବାଦୀ ଆଡ୍ଡା ଅଛି, ତେବେ ଆମେ ପାକିସ୍ତାନ ଭିତରେ ଆକ୍ରମଣ କରିବୁ।’ ଭାରତ ସରକାରଙ୍କ ପକ୍ଷରୁ ଲଗାତାର ଭାବରେ କୁହାଯାଇଛି ଯେ ଅପରେସନ ସିନ୍ଦୁର ଏପର୍ଯ୍ୟନ୍ତ ଶେଷ ହୋଇନାହିଁ ଏବଂ ଯଦି ପାକିସ୍ତାନରୁ ଆଉ ଏକ ଆତଙ୍କବାଦୀ ଆକ୍ରମଣ ହୁଏ ତେବେ ଭାରତ ପୁଣି ସାମରିକ କାର୍ଯ୍ୟାନୁଷ୍ଠାନ ନେବାକୁ ପଛାଇବ ନାହିଁ। ବୈଦେଶିକ ମନ୍ତ୍ରୀ ସରକାରଙ୍କ ଏହି ମତକୁ ମଧ୍ୟ ଦୋହରାଇଛନ୍ତି। ବୈଦେଶିକ ମନ୍ତ୍ରୀ କହିଛନ୍ତି ଯେ ‘ଆତଙ୍କବାଦ ଏହି ଦେଶ (ପାକିସ୍ତାନ)ର ଜାତୀୟ ନୀତିର ଏକ ଅଂଶ। ଏହା ହେଉଛି ସମସ୍ୟା। ଗତ ଏପ୍ରିଲରେ ଭାରତର ଜମ୍ମୁ କାଶ୍ମୀରରେ ଏକ ଆତଙ୍କବାଦୀ ଆକ୍ରମଣ ହୋଇଥିଲା, ଯେଉଁଥିରେ ୨୬ ଜଣ ନିର୍ଦ୍ଦୋଷ ପର୍ଯ୍ୟଟକଙ୍କୁ ସେମାନଙ୍କ ଧର୍ମ ପଚାରି ହତ୍ୟା କରାଯାଇଥିଲା। ଏଥିପାଇଁ ଭାରତ ପାକିସ୍ତାନ ସମର୍ଥିତ ଆତଙ୍କବାଦୀ ସଂଗଠନକୁ ଦାୟୀ କରିଥିଲା। ଏହା ପରେ ମେ ମାସରେ ଭାରତ ପାକିସ୍ତାନରେ ଆତଙ୍କବାଦୀ ଆଡ୍ଡା ଉପରେ ଆକ୍ରମଣ କରିଥିଲା। ଯାହାର ଜବାବରେ ପାକିସ୍ତାନ ଭାରତ ଉପରେ ଆକ୍ରମଣ କରିବାକୁ ଚେଷ୍ଟା କରିଥିଲା।
୧୦ ମଇରେ ଭାରତ ଏକ ବଡ଼ ଆକ୍ରମଣ କରିଥିଲା ଏବଂ ପାକିସ୍ତାନର ଅନେକ ଏୟାରବେସ୍ ଧ୍ୱଂସ କରିଥିଲା। ଏହା ପରେ ପାକିସ୍ତାନ ଯୁଦ୍ଧ ବନ୍ଦ କରିବାକୁ ଆବେଦନ କରିଥିଲା, ଯାହାକୁ ଭାରତ ଗ୍ରହଣ କରିଥିଲା।
