ଲକ୍ଷ୍ମୀପୁର ରେ କଂଗ୍ରେସ ର ବନ୍ଦ ପାଳନ..ବିଜେପି ଦଳ ର କର୍ମୀ ସୁରକ୍ଷିତ ନୁହଁନ୍ତି… ପବିତ୍ର

ଲକ୍ଷ୍ମୀପୁର ୧୭/୦୭ ..ବାଲେଶ୍ୱର ଜିଲ୍ଲା
ଏଫଏମ  ମହାବିଦ୍ୟାଳୟର ଛାତ୍ରୀ ଙ୍କୁ ନ୍ୟାୟ ଦାବିରେ ଲକ୍ଷ୍ମୀପୁର ବ୍ଲକ କଂଗ୍ରେସ କମିଟି ତରଫରୁ ଆଜି  ଶାନ୍ତି ପୁର୍ଣ ଭାବେ ବନ୍ଦପାଳନ କରାଯାଇଛି।ରାଜ୍ୟ ସଭାପତି ଙ୍କ ନିର୍ଦେଶ କ୍ରମେ ଏହି ବନ୍ଦ ପାଳନ ଯୋଗୁଁ ଜନଜୀବନ  ସମ୍ପୂର୍ଣ ଭାବେ ପ୍ରଭାବିତ ହୋଇଛି।  ଲକ୍ଷ୍ମୀପୁର ବଜାର ମଝିରେ  ବିଧାୟକ ପବିତ୍ର ସାଉନ୍ତା ଙ୍କ ନେତୃତ୍ୱ ରେ ବହୁ କଂଗ୍ରେସ କର୍ମୀ ରାସ୍ତା ରେ ବ୍ୟାରିକେଟ ଲଗାଇ ବନ୍ଦ ପାଳନକୁ ସଫଳ କରିଛନ୍ତି।ବନ୍ଦ ଯୋଗୁଁ ଜରୁରୀକାଳୀନ କାର୍ଯ୍ୟରେ ଥିବା କିଛି ଯାନବାହନ କୁ ଛଡା ଯାଇଥିବା ବେଳେ ବହୁ ସଂଖ୍ୟାରେ ପାସେଞ୍ଜର ବସ ଓ ମାଲ ବାହି ଗାଡ଼ି ରାସ୍ତାର ଦୁଇ ପାର୍ଶ୍ୱରେ ଅଟକି ରହିଥିବା ଦେଖିବାକୁ ମିଳିଥିଲା।ଏଥିରେ କଂଗ୍ରେସ ଦଳର ବ୍ଲକ ସଭାପତି କୈଳାସ ଖସଲା,ଯୁବ ସଭାପତି ମଣ୍ଟି ଖରା,ନିର୍ବାଚନ ମଣ୍ଡଳୀ ଛାତ୍ର କଂଗ୍ରେସ ସଭାପତି ବୁଲୁ ମାଣ୍ଡିଙ୍ଗା,
ଜିଲ୍ଲାପରିଷଦ ସଭ୍ୟା ପିଙ୍କି ହିମେରିକାଙ୍କ ସମେତ ଲକ୍ଷ୍ମୀପୁର,କୁଟିଙ୍ଗା,ଓଡ଼ିଆପେଣ୍ଠ ଓ ବୁର୍ଜା ପଞ୍ଚାୟତର ସଭାପତି
ନବୀନ ମହାନନ୍ଦିଆ, ବସନ୍ତ ମିନିଅକା, ଶମ୍ବୁରୁ ମିନିୟାକା, ପୁର୍ଣ ମାଣ୍ଡିଙ୍ଗା, କାର୍ତିକ ମହାନନ୍ଦିଆ, ବିଭୀଷଣ ହାଲବା, ଧର୍ମେନ୍ଦ୍ର ବାଘଙ୍କ ସମେତ ବହୁ ସଂଖ୍ୟାରେ କଂଗ୍ରେସ କର୍ମୀ ଯୋଗ ଦେଇ ଥିଲେ।