ରାଜପରିବାର କଳି; ପତ୍ନୀଙ୍କ ଅଭିଯୋଗର ପ୍ରତିକ୍ରିୟା ରଖିଲେ ଅର୍କେଶ, କହିଲେ ଡ୍ରାମା କରୁଛନ୍ତି ଅଦ୍ରିଜା


ଭୁବନେଶ୍ୱର: ରାଜପରିବାର କଳିକୁ ନେଇ ଜୋର ଧରିଛି ଚର୍ଚ୍ଚା। ଫିଟୁଛି ଗୁମର। ରାଜପରିବାର ବିରୋଧରେ ଯୌତୁକ ନିର୍ଯାତନା ଭଳି ସାଂଘାତିକ ଅଭିଯୋଗ ଆଣିଛନ୍ତି ଅନଙ୍ଗ ଉଦୟ ସିଂ ଦେଓଙ୍କ ସାନ ବୋହୂ ଅଦ୍ରିଜାମଞ୍ଜରୀ। ଏଭଳି ସଙ୍ଗୀନ ଅଭିଯୋଗ ପରେ ପ୍ରତିକ୍ରିୟା ରଖିଛନ୍ତି ସ୍ବାମୀ ଅର୍କେଶ ସିଂ ଦେଓ।

‘ସେ କହିଛନ୍ତି ଅଦ୍ରିଜା ଘର ଲୋକଙ୍କ ବିରୋଧରେ ମିଛ ଅଭିଯୋଗ କରିଛନ୍ତି। ପତ୍ନୀ ଆଦ୍ରିଜା ୧୦୦ କୋଟି ଟଙ୍କା ଏବଂ ନିର୍ବାଚନ ଟିକେଟ ମାଗୁଛନ୍ତି , ଦେଇ ନ ପାରିବାରୁ ଏପରି ଅଭିଯୋଗ ଆଣିଥିବା କହିଛନ୍ତି ଅର୍କେଶ ।”

‘ ଏହାସହ ଅର୍କେଶ ଆହୁରି କହିଛନ୍ତି ଯେ ଅଦ୍ରିଜା ଡ୍ରାମା କରୁଛନ୍ତି। ଡେରାଡୁନ୍‌ ସ୍ଥିତ ଘରେ ତାଙ୍କ ଭଉଣୀ ୨ ବର୍ଷ ହେବ ରହୁଛନ୍ତି। ତାଙ୍କ ବାପା ସେଠାରେ ମାସ ମାସ ଧରି ରହୁଛନ୍ତି। ମୁଁ ସେ ଘର କେବେଠୁ ଛାଡିସାରିଛି। ୬ରୁ ୮ ମାସ ହେବ ଅଦ୍ରିଜା ମୋ ଉପରେ ଘରୋଇ ହିଂସା ଅଭିଯୋଗ ଆଣିଛନ୍ତି।”

‘ସେ କହିଛନ୍ତି ଯେ ବର୍ଷେ ହେବ ଆମ ଭିତରେ ବିବାଦ ଆରମ୍ଭ ହୋଇଛି। ତାଙ୍କ ବାପା ଆମ ପାଖରେ କିଛି ଡିମାଣ୍ଡ ରଖିଥିଲେ ଯାହାକୁ ପୂରଣ କରିବା ଆମ ସାମର୍ଥ୍ୟ ବାହାରେ ଥିଲା। ତାଙ୍କ ବାପା ଆମ ଘରେ ଗୁଣ୍ଡା ମଧ୍ୟ ପୁରାଉଥିଲେ।”

ଅନ୍ୟପଟେ ଅଦ୍ରିଜା ଅଭିଯୋଗ ଆଣିଛନ୍ତି, ‘ ବିବାହପରଠାରୁ ଶ୍ୱଶୁର ଅନଙ୍ଗ ଉଦୟ ଓ ଶାଶୂ ବିଜୟଲକ୍ଷ୍ମୀ, ଦେଢଶୁର କଳିକେଶ ଓ ତାଙ୍କ ପତ୍ନୀ ତାଙ୍କୁ ମାନସିକ ନିର୍ଯାତନା ଦେଉଥିଲେ । ହେଲେ ଅର୍କେଶଙ୍କ ସହ ତାଙ୍କର ସମ୍ପର୍କ ଭଲ ଥିଲା । ”

‘ ଏପରିକି ୨୦୧୯ ନିର୍ବାଚନରେ ଅର୍କେଶ ବଲାଙ୍ଗିର ବିଧାନସଭା ଆସନ ପାଇଁ ଛିଡା ହୋଇଥିଲା ବେଳେ ତାଙ୍କ ପ୍ରଚାରରେ ବୁଲି ଭୋଟ ଭିକ୍ଷା କରିଥିବା କହିଛନ୍ତି ଅଦ୍ରିଜା। ତେବେ ଅଦ୍ରିଜା ଉତ୍ତରାଖଣ୍ଡର ଡେରାଡୁନ୍ ଥାନାରେ ଅଭିଯୋଗ କରିଥିଲେ । ହେଲେ ପୋଲିସ ଏ ମାମଲାରେ କୌଣସି ପଦକ୍ଷେପ ଗ୍ରହଣ କରୁନଥିବାରୁ ସେ ଉତରାଖଣ୍ଡ ଡିଜିପିଙ୍କୁ ଭେଟିଥିବା କହିଛନ୍ତି।”

ଅଦ୍ରିଜା ହେଉଛନ୍ତି ପୂର୍ବତନ ପ୍ରଧାନମନ୍ତ୍ରୀ ବିଶ୍ୱନାଥ ପ୍ରତାପ ସିଂହଙ୍କ ନାତୁଣୀ । ୨୦୧୭ ମସିହା ନଭେମ୍ବରରେ ଉଭୟଙ୍କ ବିବାହ ହୋଇଥିଲା।

ଓଡ଼ିଆ ପକ୍ଷ ପାଳନ ଅବସରର ପାରମ୍ପରିକ ପୋଷାକ ପରିଧାନ ଅଭିଯାନପାରଳାଖେମୁଣ୍ଡି:୩/୪(ଗରୁଡ଼ ଧ୍ଵଜ ଚୌଧୁରୀ)ରାଜ୍ୟ ବ୍ୟାପୀ ଓଡ଼ିଆ ପକ୍ଷ ପାଳିତ ଅବସରରେ ଗଜପତି ଜିଲ୍ଲାସ୍ତରୀୟ ଆମ ପୋଷାକ ଆମ ପରିଚୟ କାର୍ଯ୍ୟକ୍ରମ ଜିଲ୍ଲାପାଳଙ୍କ କାର୍ଯ୍ୟାଳୟ ଠାରେ ଅନୁଷ୍ଠିତ ହୋଇଯାଇଅଛି। ଏହି କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ଶ୍ରୀ ରାଜେନ୍ଦ୍ର ମିଞ୍ଜଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା ବେଳେ ମୁଖ୍ୟ ଉନ୍ନୟନ ଅଧିକାରୀ ଜିଲ୍ଲାପରିଷଦ ଶ୍ରୀ ଶଙ୍କର କେରକେଟା, ଉପଜିଲ୍ଲାପାଳ ପାରଳାଖେମୁଣ୍ଡି ଶ୍ରୀ ଅନୁପ ପଣ୍ଡା,ଅତିରିକ୍ତ ନିର୍ବାହୀ ଅଧିକାରୀ ଜିଲ୍ଲାପରିଷଦ ଶ୍ରୀ ପୃଥ୍ୱୀରାଜ ମଣ୍ଡଳ ଓ ଜିଲ୍ଲା ସଂସ୍କୃତି ଅଧିକାରୀ ସୁଶ୍ରୀ ଅର୍ଚ୍ଚନା କୁମାରୀ ମଙ୍ଗରାଜ ସମେତ ସମସ୍ତ ଜିଲ୍ଲାସ୍ତରୀୟ ଅଧିକାରୀ ପ୍ରମୁଖ ଉପସ୍ଥିତ ଥିଲେ। ଜିଲ୍ଲାର ସମସ୍ତ ବିଭାଗୀୟ ଅଧିକାରୀ ଓ କର୍ମଚାରୀମାନେ ପାରମ୍ପରିକ ହସ୍ତତନ୍ତ୍ର ପୋଷାକ ପରିଧାନ କରିଛନ୍ତି। ଓଡିଶା ଭାଷା, ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଧେଶ କ୍ରମେ ଓଡ଼ିଶା ଦିବସ ୧ ଅପ୍ରେଲ ଠାରୁ ମହାବିଷୁବ ସଂକ୍ରାନ୍ତି ୧୪ ଅପ୍ରେଲ ପର୍ଯ୍ୟନ୍ତ ଓଡ଼ିଆ ପକ୍ଷ ପାଳନ କରାଯିବ। ଏହି ଅବସରରେ ପ୍ରତ୍ୟେକ ଦିନ ବିଭିନ୍ନ ବିଭାଗ ଦ୍ଵାରା କାର୍ଯ୍ୟକ୍ରମ ଗୁଡ଼ିକ ସ୍ଥିର କରାଯାଇଛି। ଆମ ବସ୍ତ୍ର ହେଉଛି ଆମ ସ୍ୱାଭିମାନ ଓ ଆମ ପରିଚୟ। ଓଡ଼ିଶା ହସ୍ତତନ୍ତ୍ରର ସମଗ୍ର ବିଶ୍ୱରେ ପ୍ରସିଦ୍ଧ ରହିଛି। ଏଣୁ ଓଡ଼ିଆ ପକ୍ଷ ପାଳନ ଅବସରରେ ଆସନ୍ତୁ, ଆମେ ସମସ୍ତେ ହସ୍ତତନ୍ତ୍ର ପୋଷାକ ପିନ୍ଧିବାକୁ ଅଭ୍ୟାସରେ ପରିଣତ କରିବା। କେବଳ ଆଜି ନୁହେଁ, ସବୁ ଦିନ ପିନ୍ଧିବା ଏବଂ ଆମ ବୁଣାକାର ଓ ଗ୍ରାମ୍ୟ ଅର୍ଥନୀତିକୁ ସଶକ୍ତ କରିବା ସହ ସମୃଦ୍ଧ ଓଡ଼ିଶା ଗଠନରେ ଅଂଶୀଦାର ହେବା।