ଦୁଃଶାସନ ନାୟକ29/08/2025 at 9:11 PM
ଅସ୍ତରଙ୍ଗ୨୯/୮ ଶୁକ୍ରବାର ଦିବା ୧୦ ଘଟିକା ସମୟ ରେ ଖଣ୍ଡାସାହି ସ୍ଥିତ ବିନୋଦିନୀ ମଣ୍ଡପ ରେ ଅସ୍ତରଙ୍ଗ ସାମ୍ବାଦିକ ସଙ୍ଘ ବରିଷ୍ଠ ଉପଦେଷ୍ଟା ପ୍ରତାପ ପରିଡା ଙ୍କ ଅଧକ୍ଷତା ରେ ଅସ୍ତରଙ୍ଗ କାକଟପୁର ର ବିଭିନ୍ନ ସମସ୍ୟା କୁ ନେଇ ଏକ ସ୍ୱତନ୍ତ୍ର କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଛି l ଏହି କାର୍ଯ୍ୟକ୍ରମ ରେ କାକଟପୁର ନିର୍ବାଚନ ମଣ୍ଡଳୀ ର ପୂର୍ବତନ ବିଧାୟକ ରବୀନ୍ଦ୍ର ମଲ୍ଲିକ, ବରିଷ୍ଠ ଶିକ୍ଷାବିତ୍ତ ସ୍ଵପ୍ନେଶ୍ଵର ସାହୁ,ଅଶୋକ ପଢ଼ିଆରୀ ପ୍ରମୁଖ ଅତିଥି ମାନେ ଯୋଗ ଦେଇଥିଲେ l ସଙ୍ଘ ପଞ୍ଜିକରଣ ହେବା ପରେ ଏହା ସଙ୍ଘ ର ୧ମ କାର୍ଯ୍ୟକାରିଣୀ ବୈଠକ, ଏହି ବୈଠକ ଆରମ୍ଭ ରୁ ପୂର୍ବତନ ବିଧାୟକ ରବୀନ୍ଦ୍ର ମଲ୍ଲିକ ବରିଷ୍ଠ ଉପଦେଷ୍ଟା ପ୍ରତାପ ପରିଡା ଙ୍କୁ ଉତ୍ତରୀୟ ଓ ପୁଷ୍ପମାଲ୍ୟ ଅର୍ପଣ କରି ସମ୍ବର୍ଦ୍ଧିତ କରିବା ପରେ ଅସ୍ତରଙ୍ଗ ସାମ୍ବାଦିକ ସଙ୍ଘ ର କାର୍ଯ୍ୟକାରୀ ସଭାପତି ଆର୍ଯ୍ୟ ବିଶ୍ୱାଳ ପ୍ରଥମେ ସଙ୍ଘ ର ସ୍ଥାୟୀ ସ୍ଥାନ ଓ କାର୍ଯ୍ୟାଳୟ ନିର୍ମାଣ ଓ ସାମ୍ବାଦିକ ଙ୍କ ସୁରକ୍ଷା ପାଇଁ ଆଗାମୀ ଦିନରେ ସଙ୍ଘ ତରଫରୁ ଏକ ସ୍ୱତନ୍ତ୍ର ଅଭିଯାନ ଆରମ୍ଭ ପ୍ରକ୍ରିୟା ଉପରେ ସ୍ୱାଗତ ଭାଷଣ ଦେଇ ସଭା ଆରମ୍ଭ କରିବା ପରେ, ବରିଷ୍ଠ ଉପଦେଷ୍ଟା ନିରଞ୍ଜନ ଦାସ, ଦୁଃଶାସନ ନାୟକ ଓ ସମ୍ପାଦକ ଲୋକନାଥ ସ୍ୱାଇଁ ସାମ୍ବାଦିକ ସଙ୍ଘ ର ଏକତା ସହିତ ଆଗାମୀ ଦିନରେ ପ୍ରତ୍ୟେକ ପଞ୍ଚାୟତ ରେ ଲୋକ ଙ୍କ ସମସ୍ୟା ଉପରେ କିପରି ଗୁରୁତ୍ୱ ଦିଆଯାଇ ସଙ୍ଘ କାର୍ଯ୍ୟ କରିବ ଏହି ଉପରେ ନିଜ ନିଜ ଅଭିଭାଷଣ ରଖିଥିଲେ l ବୈଠକ ରେ ସଙ୍ଘ ର କୋଷାଧକ୍ଷ ସମୀର କର, ଉପ ସଭାପତି ସମୀର ବେହୁରା, ସାଂସ୍କୃତିକ ସମ୍ପାଦକ ମନୋଜ ବିଶ୍ୱାଳ, ବରିଷ୍ଠ ସଦସ୍ୟ ପ୍ରଶାନ୍ତ ବାରିକ, ସୁଧୀର କର, ଆର୍ତ୍ତ ତ୍ରାଣ ମହାନ୍ତି, ଆଦିତ୍ୟ ବିଶ୍ୱାଳ ଉପସ୍ଥିତ ରହିଥିଲେ l ପରିଶେଷରେ ସଙ୍ଘ ର ସଭାପତି ବିଶ୍ୱ ରଞ୍ଜନ ବିଶ୍ୱଶ୍ରୀ ଅତିଥି ଙ୍କ ସମେତ ସଙ୍ଘ କୁ ଧନ୍ୟବାଦ ଜ୍ଞାପନ କରି ସଭା କାର୍ଯ୍ୟ ସମାପ୍ତ କରିଥିଲେ l