ଟିଠିପାଲି ରାଧେଶ୍ଯାମ ମଠରେ ମଠାଧିସ ପଦ କୁ ନେଇ ବିବାଦ ; ପାଞ୍ଚ ଦିନ ହେଲା ମଠରେ ବନ୍ଦ ରହିଛି ପୂଜାର୍ଚ୍ଚନା
ବୀରମହାରାଜାପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ସଦର ଉଫୁଲା ଗ୍ରା.ପ ଅନ୍ତର୍ଗତ ଟିଠିପାଲିରେ ଥିବା ରାଧେଶ୍ୟାମ ମଠ ରେ ମଠାଧିସ ପଦ ପାଇଁ ୨ ଜଣ ବାବା ଙ୍କ ମଧ୍ୟରେ ବିବାଦ ଲାଗିରହିଛି । ବିବାଦ ତୀବ୍ରତର ହେବାରୁ ମଠ ପରିସର ରେ ଅପ୍ରିତିକର ପରିସ୍ଥିତି ଦେଖା ଦେଇଛି।
ରାଧେଶ୍ୟାମ ମଠ ମଠାଧିସ ପାଇଁ ଚାଲିଥିବା ଟଣାଓଟରା ଯୋଗୁଁ ମଠରେ ପୂଜା ହୋଇ ନ ଥିବା ଜଣାପଡିଛି। ମଠ ରେ ଲାଗିରହିଥିବା ଅବ୍ୟବସ୍ଥା ଦୂର ନ ହେବା ପର୍ଯ୍ୟନ୍ତ ମଠରେ ଅପୂଜା ରହିବା ଆଶଙ୍କା କରାଯାଉଛି । ସୁଚନାମତେ ଉକ୍ତ ମଠ ର ପ୍ରାୟ ୭ ଏକର ଚାଷ ଜମି ସହିତ ଆହୁରି ବହୁ ସମ୍ପତ୍ତି ରହିଛି । ପୂର୍ବରୁ ମଠ ଦାୟିତ୍ବରେ ଥିବା ମଠାଧିଶ ଙ୍କ ସ୍ବର୍ଗାରୋହଣ ପରେ ପୂର୍ବ ମଠାଧିସ କୁଆଡେ ସମସ୍ତ ସମ୍ପତ୍ତି ମାର୍ଫଦାର ଭାବେ ଗୋଟିଏ ବାବା ଙ୍କ ନାମରେ ଉଇଲ କରିଥିବା କୁହାଯାଉଛି l ତେବେ ଅନ୍ୟବାବା ଙ୍କ ସପକ୍ଷରେ ଗ୍ରାମଵାସୀ ଥିବା ରୁ ଲାଗିରହିଛି ଅଚଳାବସ୍ଥା । ତେଣୁ ପ୍ରାୟ ୫ ଦିନ ହେଲା ମଠରେ ପୂଜା ପାଠ ହେଉ ନ ଥିବା ଦେଖିବାକୁ ମିଳିଛି। ମଠର ସମ୍ପତ୍ତି କୁ ନେଇ ବାବା ଙ୍କ ମଧ୍ୟରେ ଲାଗିରହିଥିବା ବିବାଦ ଏବେ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି। ପ୍ରଶାସନ ତୁରନ୍ତ ଏହି ସମସ୍ୟା ପ୍ରତି ଦୃଷ୍ଟି ଦେଇ ସମାଧାନ କରିବାକୁ ସାଧାରଣରେ ଦାବୀ ହେଉଛି।
