୮୯ ଜଣ କ୍ରିକେଟରଙ୍କୁ ପଛରେ ପକାଇଲେ ଏସିଆ କପ୍ ୨୦୨୫ର ରାଇଜିଂ ଷ୍ଟାର
ନୂଆଦିଲ୍ଲୀ ;୨୦|୧୧: ଏସିଆ କପ୍ ରେ କମାଲ କଲେ ବୈଭବ ସୂର୍ଯ୍ୟବଂଶୀ | ଏସିଆ କପ୍ ୨୦୨୫ରେ ନିଜର ଦକ୍ଷତା ଦେଖାଇଛନ୍ତି ବୈଭବ ସୂର୍ଯ୍ୟବଂଶୀ । ସମସ୍ତଙ୍କୁ ପଛରେ ପକାଇ ନିଜ ନାଁରେ ରଚି ଚାଲିଛନ୍ତି ଇତିହାସ। ୮୯ ଜଣ କ୍ରିକେଟରଙ୍କ ମଧ୍ୟରେ ନିଜର ଦକ୍ଷତାକୁ ପ୍ରମାଣିତ କରିଛନ୍ତି । ବିହାରର ୧୪ ବର୍ଷୀୟ ଖେଳାଳି ତିନୋଟି ମୋର୍ଚ୍ଚାରେ ଏହି ସଫଳତା ହାସଲ କରିଛନ୍ତି। ଭାରତ ଏ ରାଇଜିଂ ଷ୍ଟାର ଏସିଆ କପ୍ ୨୦୨୫ ର ସେମିଫାଇନାଲରେ ପହଞ୍ଚିଛି । ବୈଭବ ସୂର୍ଯ୍ୟବଂଶୀ ଦଳକୁ ଏହି ସ୍ଥିତିରେ ପହଞ୍ଚାଇବାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି। ଏପର୍ଯ୍ୟନ୍ତ ବୈଭବ ତିନିଟି ମ୍ୟାଚ୍ରେ ୨୦୧ ରନ୍ ହାସଲ କରିଛନ୍ତି। ସେ ଭାରତୀୟ ଦଳର ସବୁଠାରୁ ସଫଳ ବ୍ୟାଟ୍ସମ୍ୟାନ୍ ଏବଂ ଟୁର୍ଣ୍ଣାମେଣ୍ଟରେ ଦ୍ୱିତୀୟ ସର୍ବାଧିକ ରନ୍ ସ୍କୋର କରିଥିଲେ। ବୈଭବ ସୂର୍ଯ୍ୟବଂଶୀଙ୍କୁ ୧୦ ବର୍ଷ ବୟସ ହୋଇଥିବାବେଳେ ତାଙ୍କ ପିତା ସଞ୍ଜୀବ ନିଷ୍ପତ୍ତି ନେଇଥିଲେ କି ତାଙ୍କ ପୁଅ କ୍ରିକେଟର ହେବ। ଏହି ସ୍ବପ୍ନକୁ ସାକାର କରିବା ପାଇଁ ସେ ନିଜ ଜମି ବିକ୍ରି କରିଦେଇଥିଲେ | କିନ୍ତୁ ସେ ଜାଣି ନଥିଲେ ଯେ ତିନି ବର୍ଷ ମଧ୍ୟରେ ତାଙ୍କ ପୁଅ ତାଙ୍କ ସ୍ବପ୍ନକୁ ପୂରଣ କରିଦେବେ ।
ରାଇଜିଂ ଷ୍ଟାର ଏସିଆ କପ୍ ୨୦୨୫ରେ ବ୍ୟାଟିଂ କରିଥିବା ୮୯ ଜଣ ବ୍ୟାଟ୍ସମ୍ୟାନଙ୍କ ମଧ୍ୟରେ ବୈଭବ ସୂର୍ଯ୍ୟବଂଶୀଙ୍କର ସର୍ବାଧିକ ଷ୍ଟ୍ରାଇକ୍ ରେଟ୍ ଅଛି । ସେ ଟୁର୍ଣ୍ଣାମେଣ୍ଟର ଗ୍ରୁପ୍ ପର୍ଯ୍ୟାୟ ପର୍ଯ୍ୟନ୍ତ ଖେଳାଯାଇଥିବା ମ୍ୟାଚରେ ୨୪୨.୧୬ ଷ୍ଟ୍ରାଇକ୍ ରେଟ୍ ରେ ସ୍କୋର କରିଛନ୍ତି। ଏହା ବ୍ୟତୀତ, ବୈଭବ ସୂର୍ଯ୍ୟବଂଶୀ ଏପର୍ଯ୍ୟନ୍ତ ଟୁର୍ଣ୍ଣାମେଣ୍ଟର ଏକ ଇନିଂସରେ ସର୍ବାଧିକ ସ୍କୋର ମଧ୍ୟ କରିଛନ୍ତି। ସେ UAE ବିପକ୍ଷରେ ପ୍ରଥମ ମ୍ୟାଚ୍ରେ ୧୪୪ ରନର ଏକ ବିସ୍ଫୋରକ ଇନିଂସ ଖେଳିଥିଲେ।
ଭାରତ ଏ ରାଇଜିଂ ଷ୍ଟାର ଏସିଆ କପ୍ ୨୦୨୫ ସେମିଫାଇନାଲରେ ପହଞ୍ଚିଛି । ବୈଭବ ସୂର୍ଯ୍ୟବଂଶୀ ଦଳକୁ ଏହି ମାଇଲଖୁଣ୍ଟରେ ପହଞ୍ଚାଇବାରେ ପ୍ରମୁଖ ଭୂମିକା ଗ୍ରହଣ କରିଛନ୍ତି। ତିନିଟି ମ୍ୟାଚ୍ରେ ୬୭ ହାରରେ ୨୦୧ ରନ୍ କରିଛନ୍ତି। ସେ ଭାରତୀୟ ଦଳର ସବୁଠାରୁ ସଫଳ ବ୍ୟାଟ୍ସମ୍ୟାନ୍ ଏବଂ ଟୁର୍ଣ୍ଣାମେଣ୍ଟରେ ଦ୍ୱିତୀୟ ସର୍ବାଧିକ ରନ୍ ସ୍କୋରର୍।
ବୈଭବ ସୂର୍ଯ୍ୟବଂଶୀ ଏପର୍ଯ୍ୟନ୍ତ ଛକା ମାରିବାରେ ଟୁର୍ଣ୍ଣାମେଣ୍ଟର ନେତୃତ୍ୱ ନେଉଛନ୍ତି। ସେ ଗ୍ରୁପ ପର୍ଯ୍ୟାୟରେ ଏପର୍ଯ୍ୟନ୍ତ ଖେଳାଯାଇଥିବା ତିନୋଟି ମ୍ୟାଚ୍ରେ ମୋଟ ୧୮ଟି ଛକା ମାରିଛନ୍ତି। ପାକିସ୍ତାନର ମାଜ୍ ସଦାକତ୍, ବୈଭବ ସୂର୍ଯ୍ୟବଂଶୀଙ୍କ ପଛରେ ଅଛନ୍ତି। ଯିଏକି ତିନୋଟି ମ୍ୟାଚ୍ରେ ୧୬ଟି ଛକା ମାରିଛନ୍ତି।
