ଜଳବାୟୁ ପରିବର୍ତ୍ତନ ଏବଂ ବିପର୍ଯ୍ୟୟ ପ୍ରଶମନ ଉପରେ ଭିୟୁସ ପକ୍ଷରୁ କର୍ମଶାଳା ଆୟୋଜନ
ଗୋପାଳପୁର: ଓଡ଼ିଶାର ସ୍ବେଚ୍ଛାସେବୀ ସଂଗଠନ ଭିୟୁସ ପକ୍ଷରୁ ଗୋପାଳପୁର ସ୍ଥିତ ହିଲ୍ ଭ୍ୟୁ କୁଟୀରରେ ଜଳବାୟୁ ପରିବର୍ତ୍ତନ ଏବଂ ବିପର୍ଯ୍ୟୟ ପ୍ରଶମନ ଉପରେ ଏକ କର୍ମଶାଳାର ଆୟୋଜନ କରାଯାଇଥିଲା । ଯୁକ୍ତରାଷ୍ଟ୍ର ଆମେରିକାରେ ଗ୍ଲୋବାଲ୍ ଗ୍ରୀନଗ୍ରାଣ୍ଟ ପାଣ୍ଠି ସହଯୋଗରେ, ଉପକୂଳବର୍ତ୍ତୀ ଅଞ୍ଚଳରେ ରହୁଥିବା ଯୁବକମାନଙ୍କ ମଧ୍ୟରେ ଜଳବାୟୁ ପରିବର୍ତ୍ତନ ର ପ୍ରଭାବ ଉପରେ ଆଲୋଚନା କରିବାକୁ ଏହି କର୍ମଶାଳାର ଆୟୋଜନ କରାଯାଇଥିଲା | ଆୟୋଜିତ କର୍ମଶାଳା ରେ ବ୍ରହ୍ମପୁର ବିଶ୍ଵବିଦ୍ୟାଳୟ ର ପ୍ରଫେସର ଅଞ୍ଜନ କୁମାର ପ୍ରୁଷ୍ଟି, ପ୍ରେମ ର ନିର୍ଦ୍ଦେଶକ ଡକ୍ଟର ଯାକବ ଥଣ୍ଡୁଆଲ, ଗୋପାଳପୁର ପାଣିପାଗ ବିଭାଗର ବୈଜ୍ଞାନିକ ଏସ କେ ମୂର୍ତ୍ତି, ଅରୁଣାର ପ୍ରତିଷ୍ଠାତା ଲୋକନାଥ ମିଶ୍ର, ଗୋପାଳପୁର ମହାବିଦ୍ୟାଳୟର ଅଧ୍ୟକ୍ଷ ପ୍ରଫେସର ରାମ ପ୍ରସାଦ ପଣ୍ଡା, ୟାଇ ଏସ ବିଭୂପ୍ରସାଦ ସାହୁ,ସାରା ର ପ୍ରତିଷ୍ଠାତା ରବୀନ୍ଦ୍ରନାଥ ପାତ୍ର, ବିକଳ୍ପ ର ନିର୍ଦ୍ଦେଶକ ଡ କୁମାର ପ୍ରଶାନ୍ତ, ଏବଂ ଦକ୍ଷିଣ ଫାଉଣ୍ଡେସନ୍ ର ବିଶ୍ୱସ୍ବରୂପ ଦାସ ପ୍ରମୁଖ ମଞ୍ଚାସିନ ରହି ଆଲୋଚନାରେ ଅଂଶଗ୍ରହଣ କରିବା ଏବଂ ଜଳବାୟୁ ପରିବର୍ତ୍ତନ ଏବଂ ବିପର୍ଯ୍ୟୟ ପ୍ରଶମନ ହ୍ରାସ ପାଇଁ ଗୁରୁତ୍ୱପୂର୍ଣ୍ଣ ବକ୍ତବ୍ୟ ପ୍ରଦାନ କରିଥିଲେ | ଜଳବାୟୁ ପରିବର୍ତ୍ତନ ବିଷୟରେ ଏକ ମୌଳିକ ବୁ ପ୍ରିଣ୍ଟ ପ୍ରସ୍ତୁତ ସହ ଗଞ୍ଜାମରେ ସମ୍ମୁଖୀନ ହୋଇଥିବା ନିର୍ଦ୍ଦିଷ୍ଟ ଜଳବାୟୁ ପରିବର୍ତ୍ତନ ସମସ୍ୟା ଏବଂ ଏହାର ଆହ୍ବାନ ଉପରେ ଆଲୋଚନା କରିବା, ସ୍ଥାନୀୟ ମତ୍ସ୍ୟଜୀବି ସମ୍ପ୍ରଦାୟ ଉପରେ ଏହାର ପ୍ରଭାବ ଉପରେ ଆଲୋକପାତ କରାଯାଇଥିଲା।
ଏହି ଅବସରରେ ପ୍ରେମ ର ନିର୍ଦ୍ଦେଶକ ଡକ୍ଟର ଯାକବ ଥଣ୍ଡୁଆଲ କହିଛନ୍ତି ଯେ ଜଳବାୟୁ ପରିବର୍ତ୍ତନ କେବଳ ଦୂର ବିପଦ ନୁହେଁ; ଏହା ଆମ ଦ୍ୱାରକୁ ଠକ୍ ଠକ୍ କରିସାରିଛି ଏବଂ ଏହାର ଆହ୍ବାନ କୁ ମଧ୍ୟ ପାଳନ କରିବା ଆବଶ୍ୟକ ବୋଲି ମତପୋଷଣ କରିଥିଲେ। ଆୟୋଜିତ କର୍ମଶାଳା ରେ ଆଖପାଖ ୨୦ଟି ବିଭିନ୍ନ ଗ୍ରାମରେ ରହୁଥିବା ମତ୍ସ୍ୟ ସମ୍ପ୍ରଦାୟର ଯୁବକମାନେ ଜଳବାୟୁ ପରିବର୍ତ୍ତନ ପ୍ରଭାବ ସେମାନଙ୍କ ଜୀବନ ଜୀବିକା ଉପରେ ପ୍ରଭାବ ପକାଇବା ସହ ଉପାର୍ଜନ ଉପରେ ମଧ୍ୟ ପ୍ରଭାବ ପକାଇଥିବା ପ୍ରକାଶ କରିଥିଲେ ।୨୦୦୮ ପରଠାରୁ ଭିୟୁସ ସ୍ବେଚ୍ଛାସେବୀ ସଂଗଠନ ଏକ ସକ୍ରିୟ ତୃଣମୂଳ ସଂଗଠନ ହୋଇ ମହିଳା ଓ ବାଳିକାମାନଙ୍କ ଉପରେ ବିଶେଷ ଗୁରୁତ୍ୱ ଦେଇ ଓଡିଶାର ଦଳିତ ସମ୍ପ୍ରଦାୟକୁ ସଶକ୍ତ କରିବା ପାଇଁ କାମ କରି ଆସୁଥିବା ସହ ଜୀବିକା, ଶିକ୍ଷା, ସ୍ୱାସ୍ଥ୍ୟ, ଜଳବାୟୁ ପରିବର୍ତ୍ତନ ଏବଂ ବିପର୍ଯ୍ୟୟ ପରିଚାଳନା ଉପରେ ସକ୍ରିୟ ଭୂମିକା ଗ୍ରହଣ କରି ଆସିଛି।
