ସରପଞ୍ଚ ଚଉକିରୁ ହଟିବେକି ଚାମେଲି ଓଝା? ଆଜି ଅନାସ୍ଥା ପ୍ରସ୍ତାବ ନେଇ ଭୋଟିଂ
କେନ୍ଦ୍ରାପଡା: ତିଖିରୀ ଗ୍ରାମ ପଞ୍ଚାୟତର ସରପଞ୍ଚ ଚାମେଲି ଓଝାଙ୍କ ବିରୋଧରେ ଆଜି ଅନାସ୍ଥା ପ୍ରସ୍ତାବ ନେଇ ଭୋଟିଂ ହେଉଛି। ତିଖିରୀ ଗ୍ରାମ ପଞ୍ଚାୟତ କାର୍ଯ୍ୟାଳୟରେ ଏହି ଭୋଟିଂ ପ୍ରକ୍ରିୟା ଚାଲିଛି। ଅନାସ୍ଥା ପ୍ରସ୍ତାବକୁ ନେଇ ଅଞ୍ଚଳରେ ରାଜନୈତିକ ଚର୍ଚ୍ଚା ମଧ୍ୟ ବଢ଼ିଛି।
ସୂଚନା ଅନୁସାରେ, ପଞ୍ଚାୟତର ମୋଟ ୨୨ ଜଣ ସଭ୍ୟସଭ୍ୟାଙ୍କ ମଧ୍ୟରୁ ୨୧ ଜଣ ୱାର୍ଡ ସଭ୍ୟସଭ୍ୟା ସରପଞ୍ଚଙ୍କ ବିରୋଧରେ ଅନାସ୍ଥା ପ୍ରସ୍ତାବକୁ ସମର୍ଥନ କରିଛନ୍ତି। ତେଣୁ ଆଜିର ଭୋଟିଂ ଉପରେ ସମସ୍ତଙ୍କ ନଜର ରହିଛି। କେତେଜଣ ସଭ୍ୟ ଅନାସ୍ଥା ପ୍ରସ୍ତାବ ସପକ୍ଷରେ ଭୋଟ ଦେଉଛନ୍ତି, ତାହା ଫଳାଫଳ ପାଇଁ ଗୁରୁତ୍ୱପୂର୍ଣ୍ଣ ହେବ।
ଭୋଟିଂ ପରେ ସରପଞ୍ଚ ଚାମେଲି ଓଝା ନିଜ ପଦ ବଜାୟ ରଖିପାରିବେ କି ନାହିଁ, ତାହା ସ୍ପଷ୍ଟ ହେବ। ଅନାସ୍ଥା ପ୍ରସ୍ତାବ ପାସ୍ ହେଲେ ତିଖିରୀ ପଞ୍ଚାୟତର ନେତୃତ୍ୱରେ ପରିବର୍ତ୍ତନ ହୋଇପାରେ। ଅନ୍ୟପକ୍ଷରେ ପ୍ରସ୍ତାବ ବିଫଳ ହେଲେ ଚାମେଲି ଓଝା ନିଜ ପଦରେ ରହିବେ। ଏବେ ଭୋଟ ଫଳାଫଳକୁ ଅପେକ୍ଷା କରିଛନ୍ତି ଅଞ୍ଚଳବାସୀ।
