ପ୍ରମୋଦ କୁମାର ଜେନା10/06/2023 at 2:34 PM
କୋରାପୁଟ: କୋରାପୁଟ ଜିଲ୍ଲାର ନାରାୟଣପାଟଣା ଓ ବନ୍ଧୁଗାଁ ବ୍ଲକ ସବୁ ଠାରୁ ଉତ୍ପତ ଅଞ୍ଚଳ ରୁପେ ପରିଚିତ ଥିବା ବେଳେ ସେଠାରେ ଦୈନିକ ୩୫ ରୁ ୪୦ ଡିଗିରି ତାପ ମାତ୍ରା ରହୁଚି।ଫଳରେ ଲୋକେ ଅତ୍ୟଧିକ ଗରମକୁ ନେଇ ଲୋକେ ଛଟପଟ ହେଉଥିଲେ ମଧ୍ୟ ସେମାନଙ୍କ ସମସ୍ୟା ଦେଖିବାକୁ କାହା ପାଖରେ ବି ସମୟ ନାହିଁ।ଏହି କ୍ଷେତ୍ରରେ ବିଜୁଳି ସମସ୍ୟା ସବୁଠୁ ବଡ ସମସ୍ୟା ରୁପେ ଏବେ ଛିଡା ହୋଇଛି।ଏହି ଦୁଇ ବ୍ଲକରେ ସବୁଠୁ ଅଧିକା ବିଜୁଳି ଫେଲ୍ ରହୁଥିବାରୁ ଜନ ଜୀବନ ଅସ୍ତ ବ୍ୟସ୍ତ ହୋଇ ପଡିଛି।ଅତ୍ୟ ଧିକ ଗରମ ହେଉଥିବା ବେଳେ ବିଜୁଳି ଫେଲ ପାଇଁ ଲୋକେ ଘରେ ରହି ପାରୁଛନ୍ତି ନା ବାହାରକୁ ଜାଇ ପାରୁଛନ୍ତି।
ଏଭଳି ସମସ୍ୟାରେ ଏବେ ହଜାର ହଜାର ଲୋକେ ପଡିଥିଲେ ମଧ୍ୟ ବିଜୁଳି ବିଭାଗ ନିଘୋଡ ନିଦରେ ସୋଇ ରହିଛି।ଏଇ କ୍ଷେତ୍ରରେ ବନ୍ଧୁଗାଁ ବ୍ଲକର ରଘୁମଡା ଗ୍ରାମ ଏକ ମାସ ହେଲାଣି ଅନ୍ଧାରରେ ରହିଛନ୍ତି।ପିଲାଙ୍କ ପାଠ ପଢାଠୁ ଆରମ୍ଭ କରି ସବୁ କ୍ଷେତ୍ରରେ ଗ୍ରାମବାସିଙ୍କୁ ହଇରାଣ ହରଗତର ସମୁଖିନ ହେବାକୁ ପଡିଛି।କିନ୍ତୁ କୋରାପୁଟ ଜିଲ୍ଲାର ସବୁ ଅଞ୍ଚଳ ୨୪ ଘଣ୍ଟା ବିଜୁଳି ପାଉଥିବା ରାଜ୍ୟ ସରକାର କହୁଛନ୍ତି।ପ୍ରକୃତରେ ସତ୍ୟତା କଣ ତାହା କେହିବି ଜାଣିବାକୁ ଚେଷ୍ଟା କରି ନାହାନ୍ତି।ନେତା ମାନଙ୍କ କଥା ନକହିବା ଭଲ।ସମୟ ଆସିଲେ ନେତାଙ୍କ ଭିଡ ଜମେ କିନ୍ତୁ ନିଜର ସ୍ଵାର୍ଥ ହାସଲ ପରେ ସେମାନଙ୍କ ଦେଖାମିଳୁନି ବୋଲି।ବର୍ତମାନ ମାସେ ହେଲାଣି ଆମେ ଅନ୍ଧାରରେ ଅଛୁ।ବିଜୁଳି ବିଭାଗକୁ ଅଭିଯୋଗ କଲେ କାହିରି ମଧ୍ୟ ଦେକଜା ମିଳୁନି।କିନ୍ତୁ ଅନ୍ଧାରରେ ଥାଇବି ବିଜୁଳି ବିଲ୍ ଆସୁଛି ବୋଲି ୱାର୍ଡ ସଭ୍ୟ ସିନେୟା କାଡ୍ରାକା, ନାଗେଶ କାଡ୍ରାକା, ରାଜେଶ କାଡ୍ରାକା, ରାଜିନା କାଡ୍ରାକା, ରାମାନା କାଡ୍ରାକା, ଶିବ କାଡ୍ରାକା ପ୍ରଭୁତି କହିଥିବା ବେଳେ ତୁରନ୍ତ ଏହି ସମସ୍ୟାରୁ ଆମକୁ ରକ୍ଷା କରା ଜାଉ ବୋଲି ସାଧାରଣରେ ଦାବି ହୋଇଛି।