T20I Record: ଟି-୨୦ ଅନ୍ତର୍ଜାତୀୟରେ ୧୫୦ ୱିକେଟ୍ ନେବାରେ ପ୍ରଥମ ଭାରତୀୟ ବୋଲର ଭାବେ ସଫଳତା ହାସଲ କଲେ ଅର୍ଶଦୀପ ସିଂହ
ନୂଆଦିଲ୍ଲୀ: ନ୍ୟୁଜିଲାଣ୍ଡ ବିପକ୍ଷ ଚତୁର୍ଥ ଟି-୨୦ ଅନ୍ତର୍ଜାତୀୟ ମ୍ୟାଚ୍ରେ ନୂଆ ରେକର୍ଡ କରିଛନ୍ତି ଭାରତୀୟ ବାମହାତୀ ଦ୍ରୁତ ବୋଲର ଅର୍ଶଦୀପ ସିଂହ। ଶୁକ୍ରବାର ଅକଲାଣ୍ଡରେ ଖେଳାଯାଇଥିବା ଏହି ମ୍ୟାଚ୍ରେ ସେ ଟି-୨୦ ଅନ୍ତର୍ଜାତୀୟ କ୍ରିକେଟ୍ରେ ୧୫୦ ୱିକେଟ୍ ପୂରଣ କରିଛନ୍ତି। ଏହି ସଫଳତା ହାସଲ କରିବାରେ ସେ ପ୍ରଥମ ଭାରତୀୟ ବୋଲର ହୋଇଛନ୍ତି।
ନିଜ ବୋଲିଂର ଶେଷ ଓଭରରେ ନ୍ୟୁଜିଲାଣ୍ଡ ଅଧିନାୟକ ମିଚେଲ୍ ସାଣ୍ଟନରଙ୍କୁ ଆଉଟ୍ କରି ଅର୍ଶଦୀପ ଏହି ମାଇଲଖୁଣ୍ଟ ଛୁଇଁଥିଲେ। ସାଣ୍ଟନର ମାତ୍ର ୫ ରନ୍ କରି ଆଉଟ୍ ହୋଇଥିଲେ। ଏହି ୱିକେଟ୍ ସହ ଅର୍ଶଦୀପଙ୍କ ନାଁ ଭାରତୀୟ ଟି-୨୦ କ୍ରିକେଟ୍ର ରେକର୍ଡ ବହିରେ ସ୍ଥାନ ପାଇଛି।
ଟି-୨୦ ଅନ୍ତର୍ଜାତୀୟରେ ନିୟମିତ ଭାବେ ୱିକେଟ୍ ନେଇ ଆସୁଥିବା ଅର୍ଶଦୀପଙ୍କ ପାଇଁ ଏହା ଏକ ବଡ଼ ବ୍ୟକ୍ତିଗତ ସଫଳତା। ତାଙ୍କର ଏହି ରେକର୍ଡ ଭାରତୀୟ ଦଳର ବୋଲିଂ ବିଭାଗରେ ତାଙ୍କ ଅବଦାନକୁ ଦର୍ଶାଉଛି।
