NEET UG 2027: ନିଟ୍ ୨୦୨୭ରେ ଜାରି ରହିପାରେ ପେନ୍-ପେପର୍ ପରୀକ୍ଷା, କମ୍ପ୍ୟୁଟର୍ ଆଧାରିତ ପରୀକ୍ଷା ପାଇଁ ହିପାରେ ଆହୁରି ବିଳମ୍ବ
ନୂଆଦିଲ୍ଲୀ: NEET UG ପରୀକ୍ଷା ପଦ୍ଧତିରେ ପରିବର୍ତ୍ତନ ନେଇ କେନ୍ଦ୍ର ସରକାରଙ୍କ ପ୍ରସ୍ତାବକୁ ଦକ୍ଷିଣ ଭାରତର କିଛି ରାଜ୍ୟ ବିରୋଧ କରୁଥିବାରୁ ସମ୍ପୂର୍ଣ୍ଣ କମ୍ପ୍ୟୁଟର୍ ଆଧାରିତ ପରୀକ୍ଷା ଲାଗୁ ହେବାରେ ବିଳମ୍ବ ହୋଇପାରେ। ବିଶେଷକରି ତାମିଲନାଡୁ ଓ କେରଳ ପକ୍ଷରୁ ଉଠାଯାଇଥିବା ଆପତ୍ତି ଯୋଗୁଁ ଏହି ପରିବର୍ତ୍ତନ ନେଇ ସହମତି ଗଠନ କରିବାକୁ ସମୟ ଲାଗୁଥିବା ଜଣାପଡ଼ିଛି।
ସୂଚନା ଅନୁସାରେ, ନୀଲେକଣି ପ୍ୟାନେଲ୍ NEET UG ପରୀକ୍ଷା ପଦ୍ଧତିରେ ଧୀରେ ଧୀରେ ପରିବର୍ତ୍ତନ ଆଣିବା ଉପରେ ବିଚାର କରୁଛି। ଏହି ପ୍ରସ୍ତାବ ଅନୁଯାୟୀ, ୨୦୨୭ରେ ପରୀକ୍ଷା ପାଇଁ ପେନ୍-ପେପର୍ ବିକଳ୍ପ ଜାରି ରହିପାରେ। ଏହାଦ୍ୱାରା ପରୀକ୍ଷାର୍ଥୀଙ୍କ ସୁବିଧା ଏବଂ ପରୀକ୍ଷା କେନ୍ଦ୍ରରେ ଆବଶ୍ୟକ ବ୍ୟବସ୍ଥା ନେଇ ଉଠିଥିବା ଚିନ୍ତାକୁ ଦୂର କରିବାର ସୁଯୋଗ ମିଳିବ।
ସମସ୍ତ ପରୀକ୍ଷା କେନ୍ଦ୍ରରେ ଡିଜିଟାଲ୍ ସୁବିଧା ଓ ପରୀକ୍ଷାର୍ଥୀଙ୍କ ପହଞ୍ଚ ସମ୍ପର୍କିତ ସମସ୍ୟାର ସମାଧାନ ପରେ ହିଁ NEET UGକୁ ସମ୍ପୂର୍ଣ୍ଣ କମ୍ପ୍ୟୁଟର୍ ଆଧାରିତ କରିବା ଯୋଜନା ରହିଛି। ଏହି ପରିବର୍ତ୍ତନ ୨୦୨୮-୨୯ ପର୍ଯ୍ୟନ୍ତ ଘୁଞ୍ଚିପାରେ ବୋଲି ଆକଳନ କରାଯାଉଛି। ତେବେ ୨୦୨୭ର ପରୀକ୍ଷା ପଦ୍ଧତି ନେଇ ଚୂଡ଼ାନ୍ତ ନିଷ୍ପତ୍ତି ଆଧିକାରିକ ଘୋଷଣା ପରେ ସ୍ପଷ୍ଟ ହେବ।
