Sonia Gandhi Book Controversy: ସୋନିଆ ଗାନ୍ଧୀଙ୍କ ଆତ୍ମଜୀବନୀରେ ‘୧୯୮୪ ଶିଖ ବିରୋଧୀ ଦଙ୍ଗା’ ଉପରେ ପୁସ୍ତକର ମନ୍ତବ୍ୟକୁ ନେଇ ଦିଲ୍ଲୀରେ ଶିଖ ସଂଗଠନର ଆନ୍ଦୋଳନ
ନୂଆଦିଲ୍ଲୀ: ଦିଲ୍ଲୀରେ ସୋନିଆ ଗାନ୍ଧୀଙ୍କ ଆତ୍ମଜୀବନୀ ‘Belonging: A Journey of Love’କୁ ନେଇ ବିବାଦ ଦେଖାଦେଇଛି। ଶିଖ ସଂଗଠନ ଓ ଦିଲ୍ଲୀ ଶିଖ ଗୁରୁଦ୍ୱାରା ପରିଚାଳନା କମିଟିର ସଦସ୍ୟମାନେ ପୁସ୍ତକର କିଛି ଅଂଶକୁ ବିରୋଧ କରି ପ୍ରଦର୍ଶନ କରିଥିଲେ। ଏହି ସମୟରେ ସେମାନେ ପୁସ୍ତକର କିଛି କପି ଜାଳିବା ସହ ସୋନିଆ ଗାନ୍ଧୀଙ୍କ ବିରୋଧରେ ନାରାବାଜି କରିଥିଲେ। ୧୯୮୪ର ଶିଖ ବିରୋଧୀ ଦଙ୍ଗା ସମ୍ପର୍କରେ ପୁସ୍ତକରେ ଥିବା ବର୍ଣ୍ଣନାକୁ ନେଇ ସେମାନେ ଆପତ୍ତି ଉଠାଇଛନ୍ତି।
ଶିଖ ସଂଗଠନଗୁଡ଼ିକ କଂଗ୍ରେସ ଉପରେ ଇତିହାସକୁ ନିଜ ଅନୁସାରେ ଉପସ୍ଥାପନ କରିବାର ଅଭିଯୋଗ ଆଣିଛନ୍ତି। ଅନ୍ୟପକ୍ଷରେ, କଂଗ୍ରେସ ୧୯୮୪ର ଦଙ୍ଗାକୁ ଦେଶର ଇତିହାସର ଏକ ଲଜ୍ଜାଜନକ ଘଟଣା ବୋଲି କହିଛି। ଏଥିସହ ବିରୋଧୀ ଦଳ ନିର୍ବାଚନକୁ ଦୃଷ୍ଟିରେ ରଖି ଏହି ପ୍ରସଙ୍ଗରେ ରାଜନୀତି କରୁଥିବା କଂଗ୍ରେସ ଅଭିଯୋଗ କରିଛି।
ମଙ୍ଗଳବାର ପ୍ରକାଶିତ ଏହି ପୁସ୍ତକରେ ସୋନିଆ ଗାନ୍ଧୀ ୧୯୮୪ର ଶିଖ ବିରୋଧୀ ଦଙ୍ଗାକୁ ଭାରତୀୟ ଇତିହାସର ଏକ ଦୁଃଖଦ ଓ ଲଜ୍ଜାଜନକ ଅଧ୍ୟାୟ ବୋଲି ଉଲ୍ଲେଖ କରିଛନ୍ତି। ତାଙ୍କ ସ୍ୱାମୀ ତଥା ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ମନରେ କୌଣସି କଟ୍ଟରତା କିମ୍ବା ଦ୍ୱେଷ ନଥିଲା ବୋଲି ମଧ୍ୟ ସେ ଲେଖିଛନ୍ତି। ତେବେ ସେହି ସମୟରେ ଶାସନ ବ୍ୟବସ୍ଥା ବିଫଳ ହୋଇଥିବାରୁ ହିଂସା ପାଇଁ ପରିସ୍ଥିତି ସୃଷ୍ଟି ହୋଇଥିଲା ବୋଲି ପୁସ୍ତକରେ ଉଲ୍ଲେଖ ରହିଛି।
