AI Warning: ଆଗାମୀ ୩ ବର୍ଷରେ AI ମାନବ ଜାତି ପାଇଁ ବଡ଼ ବିପଦ ହୋଇପାରେ! AIର ଦ୍ରୁତ ବିକାଶକୁ ନେଇ ବଡ ଚେତାବନୀ ଦେଲେ ନୋବେଲ ପୁରସ୍କାର ବିଜେତା ‘ଜେଫ୍ରି ହିଣ୍ଟନ୍’
ନୂଆଦିଲ୍ଲୀ: କୃତ୍ରିମ ବୁଦ୍ଧିମତ୍ତା ବା AIର ଦ୍ରୁତ ବିକାଶକୁ ନେଇ ପୁଣି ଚିନ୍ତା ପ୍ରକାଶ କରିଛନ୍ତି ନୋବେଲ ପୁରସ୍କାର ବିଜେତା ତଥା AI କ୍ଷେତ୍ରର ଅଗ୍ରଣୀ ବୈଜ୍ଞାନିକ ପ୍ରଫେସର ଜେଫ୍ରି ହିଣ୍ଟନ୍। ନଭେମ୍ବର ୧୪ରେ ଡବଲିନ୍ରେ ହେବାକୁ ଥିବା ୟୁରୋପୀୟ ନେତାଙ୍କ ଏକ ବୈଠକରେ ସେ ଉନ୍ନତ AI ବ୍ୟବସ୍ଥା ଭବିଷ୍ୟତରେ ମଣିଷଙ୍କ ନିୟନ୍ତ୍ରଣରୁ ବାହାରିଯିବାର ଆଶଙ୍କା ଉଠାଇବେ। ଏହି ବିପଦ ଆଗାମୀ କିଛି ବର୍ଷ ମଧ୍ୟରେ ଗୁରୁତର ରୂପ ନେଇପାରେ ବୋଲି ତାଙ୍କ ଚିନ୍ତା।
ହିଣ୍ଟନ୍ଙ୍କ ଚିନ୍ତାର ମୁଖ୍ୟ କାରଣ ହେଉଛି AIର କ୍ଷମତା ଦ୍ରୁତ ଗତିରେ ବଢ଼ିବା ଏବଂ ନିଜକୁ ଆହୁରି ଉନ୍ନତ କରିବାର ସମ୍ଭାବନା। ତାଙ୍କ ମତରେ, ଯଦି ଭବିଷ୍ୟତରେ AI ମଣିଷଠାରୁ ଅଧିକ ବୁଦ୍ଧିମାନ ହୋଇଯାଏ, ତେବେ ଏହାକୁ ନିୟନ୍ତ୍ରଣରେ ରଖିବା କଷ୍ଟକର ହୋଇପାରେ। ଏପରି ବ୍ୟବସ୍ଥା ଭୁଲ ଦିଗରେ କାମ କଲେ ମାନବ ସମାଜ ପାଇଁ ବଡ଼ ବିପଦ ସୃଷ୍ଟି ହୋଇପାରେ।
ଏହି ପ୍ରସଙ୍ଗରେ AI ସୁରକ୍ଷା ବିଶେଷଜ୍ଞ ପଲ୍ କ୍ରିଷ୍ଟିଆନୋ ମଧ୍ୟ ଆଗାମୀ ୩ ବର୍ଷ ମଧ୍ୟରେ AI ନିୟନ୍ତ୍ରଣ ହରାଇବାର ଆଶଙ୍କା ଥିବା କହିଛନ୍ତି। ତେବେ ଏହା ଏକ ବିଶେଷଜ୍ଞଙ୍କ ଆକଳନ, ନିଶ୍ଚିତ ଭବିଷ୍ୟବାଣୀ ନୁହେଁ। AIର ବିକାଶ ସହ ଏହାର ସୁରକ୍ଷା ଉପରେ ମଧ୍ୟ ଗବେଷଣା, ନିୟମ ଓ ନିୟନ୍ତ୍ରଣ ବ୍ୟବସ୍ଥାକୁ ଗୁରୁତ୍ୱ ଦେବା ନିହାତି ଆବଶ୍ୟକ ବୋଲି ହିଣ୍ଟନ୍ଙ୍କ ମତ ପ୍ରକାଶ କରିଛନ୍ତି ।
