ହେମନ୍ତ କୁମାର ବେହେରା19/06/2023 at 6:26 PM
ଖଡ଼ିଆଳ : ବହୁତ ବର୍ଷ ହେଲା ଭଙ୍ଗା ଦଦରା ହୋଇ ବିପଦ ସଙ୍କୁଲ ଅବସ୍ଥାରେ ଚାଲିଛି ନୂଆପଡା ଜିଲା ଖଡ଼ିଆଳ ବ୍ଲକର ଡୁଆଝର ପ୍ରାଥମିକ କୃଷି ସମବାୟ ସମିତି କାର୍ଯ୍ୟାଳୟ l ଅଭିଯୋଗ ସତ୍ୱେ ପ୍ରଶାସନ ଚୁପ ଥିବା ବେଳେ ଡରି ଡରି ଚାଲିଛି ଅଫିସ କାମ l ବର୍ଷା ହେଲେ ଛାତରୁ ପାଣି ଗଲୁଥିବା ବେଳେ ବାର ମାସ ସିମେଣ୍ଟ ଅତଡ଼ା ଖସୁଛି l ଶୀଘ୍ର ସମସ୍ୟାର ସମାଧାନ ପାଇଁ ଦାବୀ ହେଉଛି l ଏହା ଉପରେ ୯ ଟି ପଞ୍ଚାୟତର ଚାଷୀ ନିର୍ଭୟ କରନ୍ତି l ସବୁ କୋଠରୀର ବିପଦ ସଙ୍କୁଲ ଅବସ୍ଥାରେ ରହିଛି l ଅଳ୍ପ ବର୍ଷାରେ ଛାତରୁ ପାଣି ଝରୁଥିବା ବେଳେ, ବର୍ଷଯାକ ଛାତରୁ ସିମେଣ୍ଟ ଅତଡ଼ା ଖସୁଛି l ଅନେକ ସମୟରେ ଅଫିସ କାର୍ଯ୍ୟ ମଧ୍ୟ ବାଧାପ୍ରାପ୍ତ ହେଉଥାଏ l ବିଭିନ୍ନ କାର୍ଯ୍ୟ ବାବଦକୁ ଚାଷୀ ମାନେ ଆସିଥାନ୍ତି ହେଲେ ପ୍ରାଥମିକ କୃଷି ସମବାୟ ସମିତି କାର୍ଯ୍ୟାଳୟରେ ସୁରକ୍ଷିତ ମନେ କରୁନାହାନ୍ତି l ନୂତନ କାର୍ଯ୍ୟାଳୟ ଗୃହ ନିର୍ମାଣ ପାଇଁ ବାରମ୍ବାର ଦାବୀ ହୋଇଥିଲେ ସୁଧ ସମସ୍ତେ ଚୁପ ରହିଥିବା ଅଭିଯୋଗ ହେଉଛି l ଏହାକୁ ନେଇ ସ୍ଥାନୀୟ ଚାଷୀଙ୍କ ସହ ସମବାୟ ସମିତିର ସଭାପତି ଯୁବରାଜ ଜଗତ, ସମ୍ପାଦକ ଥବିର ତାଣ୍ଡି ଏବଂ ଜନ ପ୍ରତିନିଧି ବାରମ୍ବାର ଜିଲା ପ୍ରଶାସନକୁ ଅବଗତ କରୁଥିଲେ ହେଁ ପ୍ରଶାସନ କର୍ଣ୍ଣପାତ କରୁନ ଥିବା ଅଭିଯୋଗ ହେଉଛି l ଏହି ସମସ୍ୟାର ଶୀଘ୍ର ସମାଧାନ ପାଇଁ ଦାବୀ ହେଉଛି l