ରାଜୀବ ଲୋଚନ ମିଶ୍ର

28/06/2023 at 12:28 AM

ଗୋପାଳପୁର: ବ୍ରହ୍ମପୁର ବିଶ୍ଵବିଦ୍ୟାଳୟରେ ଆଜି ଅପରାହ୍ନରେ କୁଳପତି ପ୍ରଫେସର ଗୀତାଞ୍ଜଳି ଦାଶଙ୍କ ଅଧକ୍ଷତାରେ ପିଜି କାଉନସିଲ ପରିସରରେ ଥିବା ସଭା କକ୍ଷରେ ଶିକ୍ଷକ ସଂଘ ପକ୍ଷରୁ ବିଦାୟ କାଳୀନ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଥିଲା l ଅବସର ଗ୍ରହଣ କରୁଥିବା କମ୍ପ୍ୟୁଟର ବିଜ୍ଞାନ ବିଭାଗର ପ୍ରଫେସର୍ ମାନସ ପାତ୍ର,ଗୃହ ବିଜ୍ଞାନ ବିଭାଗର ପ୍ରଫେସର ପୁଷ୍ପାଞ୍ଜଳି ସାମନ୍ତରାୟ, ଆଇ ଆର୍ ଏଣ୍ଡ ପି ଏମ୍ ବିଭୂତି ଭୂଷଣ ମହାପାତ୍ର ଏବଂ ଏମ୍ ବି ଏ ବିଭାଗର ପ୍ରଫେସର୍ ନିହାର ରଞ୍ଜନ ମିଶ୍ର ଅବସର ନେଉଥୂବା ବେଳେ ସମ୍ବର୍ଦ୍ଧନା ଉତ୍ସବ ପ୍ରଫେସର ମିଶ୍ର ଉନୁଉପସ୍ଥିତ ରହିଥିଲେ l ସଂଘର ସଭାପତି ପ୍ରଫେସର୍ ସୁଧାକର ପାତ୍ର,ଉପସଭାପତି ପ୍ରଫେସର ସିଦ୍ଧାର୍ଥ ଶଙ୍କର ପଣ୍ଡା,ସମ୍ପାଦକ ପ୍ରଫେସର୍ ସଦାନନ୍ଦ ନାୟକ ମଞ୍ଚସୀନ ରହି ଅବସର ନେଉଥିବାଙ୍କ ଗୁଣଗାନ କରିଥିଲେ l ସଂଘ ପକ୍ଷରୁ ବିଦାୟୀଙ୍କୁ ପୁଷ୍ପଗୁଛ, ଉପଢୌକନ ସହ ମାନପତ୍ର ପ୍ରଦାନ କରି ସମ୍ବର୍ଦ୍ଧନା କରାଯାଇଥିଲା l ଏହି କାର୍ଯ୍ୟକ୍ରମରେ ସମ୍ମାନିତ ଅତିଥି ଭାବେ ଅବସରପ୍ରାପ୍ତ ସାମୁଦ୍ରିକ ବିଜ୍ଞାନ ବିଭାଗର ପ୍ରଫେସର ପ୍ରତାପ କୁମାର ମହାନ୍ତି ଯୋଗ ଦେଇଥିଲେ l ଏଥିରେ ପିଜି କାଉନସିଲ ଅଧ୍ୟକ୍ଷ ପ୍ରଫେସର ସୁଶାନ୍ତ କୁମାର ବରାଳଙ୍କ ସମେତ ସମସ୍ତ ବିଭାଗର ପ୍ରାଧ୍ୟାପକ, ପ୍ରାଧ୍ୟାପିକା, ଅଧ୍ୟାପକ, ଅଧ୍ୟାପିକା ଉପସ୍ଥିତ ଥିଲେ l ଶେଷରେ ସଂଘର ସହ ସମ୍ପାଦକ ଡ଼.ସଙ୍କର୍ଷଣ ମଲ୍ଲିକ ଧନ୍ୟବାଦ ଅର୍ପଣ କରିଥିଲେ l