ଚିପିଲିମା ଷ୍ଟେଟବ୍ୟାଙ୍କ ଏଟିଏମ ରେ ଅଭିଯୋଗ ନମ୍ବର ଅପଡେଟ କରିବାକୁ ଦାବି

ପ୍ରଦୀପ କୁମାର ନାୟକ

ଚିପିଲିମା,୨୯/୦୬ ସମ୍ବଲପୁର ବୁର୍ଲା ଥାନା ଚିପିଲିମା ଅନ୍ତର୍ଗତ ଚିପିଲିମା ସ୍ଥିତ ଷ୍ଟେଟବ୍ୟାଙ୍କ ଏଟିଏମ ଦୀର୍ଘବର୍ଷ ହେବ ସ୍ଥାପନ ହୋଇଛି।ସେ ସମୟରେ ଯେଉଁ ଅଭିଯୋଗ ନମ୍ବର ସବୁ ଦିଆଯାଇଥିଲା ଏ ପର୍ଯନ୍ତ ତାହା ଅପଡେଟ କରାଯାଇନାହିଁ।ଯେଉଁ ଅଧିକାରୀ ମାନଙ୍କ ଅଭିଯୋଗ ନମ୍ବର ଦିଆଯାଇଛି, ସେମାନେ ପ୍ରାୟତଃ ଅବସର ନେଇ ସାରିଲେଣି।କେତେବେଳେ କିଛି ଅସୁବିଧା ହେଲେ ଅଭିଯୋଗ କରିବା ସମ୍ଭବପର ହେଉନାହିଁ।ଫଳରେ ଏଟିଏମ ଅଚଳ ହେଲେ ଦୀର୍ଘଦିନ ସେମିତି ପଡିରହୁଛି।ଏଣୁ ଷ୍ଟେଟ ବ୍ୟାଙ୍କ ଉଚ୍ଚ ଅଧିକାରୀ ଏ ଦିଗରେ ଧ୍ୟାନ ଦେଇ ଅଭିଯୋଗ ନମ୍ବର ଗୁଡିକ ଅପଡେଟ କରିବାକୁ ସଚେତନମହଲରେ ଦାବିହେଉଛି।