ପ୍ରଭୁଚରଣ ମହାନ୍ତି

6/07/2023 at 7:05 AM

ବରପାଲି : ମଧ୍ୟପ୍ରଦେଶର ରାଜଧାନୀ ଭୋପାଳ ଏକ ନିର୍ଦଳୀୟ ପ୍ରକାଶନ ସଂସ୍ଥା ପକ୍ଷରୁ ଆୟୋଜିତ ସୁବର୍ଣ୍ଣ ଜୟନ୍ତୀ ସମାରୋହରେ ବରଗଡ ଜିଲ୍ଲା ସ୍ବଭାବ କବି ଗଙ୍ଗାଧର ମେହେରଙ୍କ ଜନ୍ମ ମାଟିର ବାସିନ୍ଦା ରେଣୁ ଅଗ୍ରୱାଲ ଏକ୍ ଅର୍ ରାଧା ପୁସ୍ତକ ପାଇଁ ‘ଗ୍ଲୋବାଲ୍ ସାହିତ୍ୟ ପୁରସ୍କାର’ ସମ୍ମାନରେ ସମ୍ମାନିତ ହୋଇଯାଇଛି ।
ଆୟୋଜିତ କାର୍ଯ୍ୟକ୍ରମରେ ଆମେରିକା, ଅଷ୍ଟ୍ରେଲିଆ, କାନାଡା, ନେଦରଲ୍ୟାଣ୍ଡ, ନ୍ୟୁଜିଲ୍ୟାଣ୍ଡ, ନେପାଳ ସହିତ ଛତିଶଗଡ, ଝାରଖଣ୍ଡ, ବିହାର, ଉତ୍ତରପ୍ରଦେଶ, ଉତ୍ତରପ୍ରଦେଶ, ଦିଲ୍ଲୀ, ହରିୟାଣା, ମହାରାଷ୍ଟ୍ର, ରାଜସ୍ଥାନ, କର୍ଣ୍ଣାଟକ, ମଧ୍ୟପ୍ରଦେଶ ଏବଂ ଓଡିଶାରୁ ବହୁ ଲେଖକ ସାହିତ୍ୟିକ ମାନେ ସାମିଲ ହୋଇଥିଲେ।
ନୂଆଦିଲ୍ଲୀ ଆଇଆଇଏମସି ମହାନିର୍ଦ୍ଦେଶକ ସଞ୍ଜୟ ଦ୍ୱିବେଦୀ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ରାମାଚର ପୂର୍ବତନ ଜିଲ୍ଲା ତଥା ଅଧିବେଶନ ଜଜ୍ ସୁରେନ୍ଦ୍ର ସିସୋଡିଆ, ଅଲ ଇଣ୍ଡିଆ ମୁସଲିମ୍ ଫେଷ୍ଟିଭାଲ୍ କମିଟି ମୁଖ୍ୟ, ଲେଖକ ତଥା ସାମ୍ବାଦିକ ଆୟୁଷ ଶାହମିରୀ ଖୁରାମ ପ୍ରମୁଖ ସମ୍ମାନିତ ଅତିଥି ଭାବରେ ମଞ୍ଚାସିନ ହୋଇଥିଲେ ।
ରେଣୁ ଅଗ୍ରୱାଲ ଉତ୍ତରପ୍ରଦେଶ ଗୋରଖପୁରରେ ଜନ୍ମିତ ହୋଇଥିବା ବେଳେ ବିଇଡି ସହିତ ସାହିତ୍ୟରେ ଏମ୍ଏ, ଏବଂ ବୈଷୟିକ ଶିକ୍ଷା ଉତ୍ତରପ୍ରଦେଶ ଲଖ୍ନୌ ବିଟେକ କେନ୍ଦ୍ରରୁ ଓ ଗୋରଖପୁର ସରକାରୀ ମହିଳା ପଲିଟେକ୍ନିକରୁ କମ୍ପ୍ୟୁଟର ପ୍ରୟୋଗରେ ଦୁଇ ବର୍ଷ ପୋଷ୍ଟ ଗ୍ରାଜୁଏଟ୍ ଡିପ୍ଲୋମା ପାଠ୍ଯକ୍ରମ ହାସଲ କରିଛନ୍ତି । ବରପାଲି ଗୋ-
ରକ୍ଷକ ତଥା ଜଣାଶୁଣା ବ୍ୟବସାୟୀ ଜୟପ୍ରକାଶ ଅଗ୍ରୱାଲଙ୍କ ଧର୍ମପତ୍ନୀ ରେଣୁ ଅଗ୍ରୱାଲଙ୍କୁ ପୁର୍ବରୁ ଅନେକ ସାହିତ୍ୟ ସଂସ୍ଥା ପକ୍ଷରୁ ଲେଖିକା ଭାବରେ ସମ୍ମାନିତ ମଧ୍ଯ କରାଯାଇଛି ।