ରାଜୀବ ଲୋଚନ ମିଶ୍ର

3/09/2023 at 4:28 PM

ଗୋପାଳପୁର,୦୩/୦୯ କେନ୍ଦ୍ରୀୟ ବିଦ୍ୟାଳୟ ଗୋପାଳପୁର ମିଲିଟାରି ଷ୍ଟେସନ ପରିସରରେ ଆଞ୍ଚଳିକ ସ୍ତରୀୟ ରାଷ୍ଟ୍ରୀୟ ଏକତା ପର୍ବ ର ଆୟୋଜନ କରାଯାଇଥିଲା। ଏହି ଅବସରରେ ଏକ ଭାରତ ଶ୍ରେଷ୍ଠ ଭାରତ ଏବଂ କଳା ଉତ୍ସବ ର ବିଭିନ୍ନ ପ୍ରତିଯୋଗିତା ର ଆୟୋଜନ କରାଯାଇଥିବା ବେଳେ ଏଥିରେ ୭ ଟି କେନ୍ଦ୍ରୀୟ ବିଦ୍ୟାଳୟ ଛତ୍ରପୁର, ବ୍ରହ୍ମପୁର, ଆସ୍କା,ଚିଲିକା, କନ୍ଧମାଳ, ଗୋପାଳପୁର ଏଵଂ ହିଞ୍ଜିଲି କାଟୁ ରୁ ୨୦୦ ରୁ ଉର୍ଦ୍ଧ୍ବ ବିଦ୍ୟାର୍ଥୀ ଅଂଶ ଗ୍ରହଣ କରିଥଲେ। ବିଦ୍ୟାଳୟ ର ଅଧ୍ୟକ୍ଷ ବି.ଏନ୍. ଦାସ ଙ୍କ ତତ୍ତ୍ଵାବଧାନରେ ଆୟୋଜିତ କାର୍ଯ୍ୟକ୍ରମରେ ମୂଖ୍ୟ ଅତିଥି ଭାବେ ଆର୍ମି ଏ ଡି ସେଣ୍ଟର ର କମାଣ୍ଡ।ନ୍ଟ. ବ୍ରିଗେଡିୟର ଆଇ. ଏସ୍ ପଞ୍ଜରଥ, ଏସ୍. ଏମ୍ ଏବଂ ତାଙ୍କ ସହିତ ଆର୍ମି ମୁଖ୍ୟ ଶିକ୍ଷା ଅଧିକାରୀ ଲେଫ୍ଟନାଣ୍ଟ କର୍ଣ୍ଣେଲ ପ୍ରତାପ ରଜନିଶ୍ ସିଂହ ଯୋଗ ଦେଇଥିଲେ। ଏବଂ ସମ୍ମାନିତ ଅତିଥି ଭାବେ ବିଦ୍ୟାଳୟ ମାନେଜମେଣ୍ଟ କମିଟି ର ସଦସ୍ୟ ଡ : ରାମଚନ୍ଦ୍ର ଜେନା, ,ପ୍ରାଚାର୍ଯ୍ୟ ମହୋଦୟ ଙ୍କ ପତ୍ନୀ ଶ୍ରୀମତୀ ମମତା ଦାସ୍ ଏଵଂ ଅନ୍ୟ ସମ୍ମାନନୀୟ ଅତିଥି ମାନେ ଯୋଗ ଦେଇଥିଲେ |
ମୁଖ୍ୟ ଅତିଥି ମହୋଦୟ ଦୀପ ପ୍ରଜ୍ୱଳନ କରି କାର୍ଯ୍ୟକ୍ରମର ଶୁଭାରମ୍ଭ କରିଥଲେ ଏବଂ ପ୍ରତିଯୋଗୀ ମାନଙ୍କୁ ସମ୍ବୋଧନ କରି ରାଷ୍ଟ୍ରୀୟ ଏକତା କୁ ମଜବୁତ୍ କରିବା ପାଇଁ ପରାମର୍ଶ ଦେଇଥିଲେ। ବିଦ୍ୟାଳୟ ର ଅଧ୍ୟାପିକା କବିତା ଶ୍ରୀବାସ୍ତବ ଏବଂ ଗୀତା ଦାସ ପ୍ରମୁଖ ମଞ୍ଚପରିଚାଳନା କରିଥିଲେ ଏବଂ ବିଭିନ୍ନ ବିଦ୍ୟାଳୟ ର ପ୍ରତିଯୋଗୀ ମାନେ ନିଜ ନିଜ ର ମରାଠୀ ନୃତ୍ୟ ପରିବେଷଣ କରିଥିଲେ। ପ୍ରତିଯୋଗୀ ମାନେ ବିଭିନ୍ନ ପ୍ରତିଯୋଗିତା ସମୂହ ଗାନ,ଏକକ ସଙ୍ଗୀତ(ଶାସ୍ତ୍ରୀୟ, ବାଦ୍ୟଯନ୍ତ୍ର, ଲୋକସଙ୍ଗୀତ) ଏକକ ଅଭିନୟ,ନୃତ୍ୟ(ଲୋକ ଗୀତ, ଶାସ୍ତ୍ରୀୟ), ସମୂହ ନୃତ୍ୟ,ଚିତ୍ର କଳା (୨- ଡି,୩- ଡି), ଖେଳନା ଗଠନ, ପ୍ରୋଜେକ୍ଟ ଆଦି ରେ ଭାଗ ନେଇ ଖୁବ୍ ସୁନ୍ଦର ପ୍ରଦର୍ଶନ କରିଥଲେ। ବରିଷ୍ଠ ଅଧ୍ୟାପକ ବି କେ ଚୌବେ ଧନ୍ୟବାଦ୍ ଅର୍ପଣ କରିଥିଲେ। । ବିଦ୍ୟାଳୟର ସଙ୍ଗୀତ ଶିକ୍ଷକ ଶୁଭ୍ର ସୌରଭ ବେହେରା,ଜୟା ପୁରୁୱାର
ତଥା ସମସ୍ତ ଶିକ୍ଷକ ତଥା କର୍ମୀ ମାନଙ୍କ ସହଯୋଗ ରେ କାର୍ଯକ୍ରମ ସୁଚାରୁ ରୂପେ ପରିଚାଳନା କର।ଯାଇଥିଲା।