ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ4/10/2023 at 12:45 PM
ନୂଆଦିଲ୍ଲୀ: ଚୀନର ହଙ୍ଗଝୌରେ ଖେଳା ଯାଉଥିବା ୨୦୨୩ ଏସୀୟ କ୍ରୀଡ଼ାରେ ଭାରତ ଇତିହାସ ରଚିଛି। ୨୦୨୩ ଏସୀୟ କ୍ରୀଡ଼ାର ୧୧ତମ ଦିନର ଖେଳ ଆରମ୍ଭରୁ ଭାରତ ୨ଟି ପଦକ ଜିତି ଏସୀୟ କ୍ରୀଡ଼ାର ଗୋଟିଏ ସଂସ୍କରଣରେ ସର୍ବାଧିକ ପଦକ ଜିତିବାର ନୂତନ ରେକର୍ଡ କରିଛି।
ଭାରତ ଅଦ୍ୟାବଧି ଚଳିତ ଏସୀୟ କ୍ରୀଡ଼ାରେ ୭୧ ପଦକ ଜିତି ସାରିଛି। ଏସୀୟ କ୍ରୀଡ଼ା ଇତିହାସରେ ଏହା ଭାରତର ସର୍ବଶ୍ରେଷ୍ଠ ପ୍ରଦର୍ଶନ। ଏହା ପୂର୍ବରୁ ୨୦୧୮ ଜାକାର୍ତ୍ତା ଏସୀୟ କ୍ରୀଡ଼ାରେ ଭାରତ ୭୦ ପଦକ ଜିତିଥିଲା। ସେହି ସମୟରେ ଭାରତ ୧୬ ସ୍ଵର୍ଣ୍ଣ, ୧୩ ରୌପ୍ୟ ଓ ୩୧ କାଂସ୍ୟ ପଦକ ନିଜ ନାମରେ କରିଥିଲା।
INDIA HAS CREATED HISTORY….!!! 🇮🇳
— Johns. (@CricCrazyJohns) October 4, 2023
71st medal in Asian Games, their best performance over, going past 70 medals in 2018.
– A great day in Indian sporting history. pic.twitter.com/D5AS2SA1aG
ଚଳିତ ଏସୀୟ କ୍ରୀଡ଼ାରେ ଭାରତ ଏ ପର୍ଯ୍ୟନ୍ତ ୧୬ ସ୍ଵର୍ଣ୍ଣ, ୨୬ ରୌପ୍ୟ ଓ ୨୯ କାଂସ୍ୟ ପଦକ ଜିତିଥିଲା। ୧୧ତମ ଦିନରେ ତୀରନ୍ଦାଜିରେ କମ୍ପାଉଣ୍ଡ ମିଶ୍ରିତ ବର୍ଗରେ ଓଜସ ଦେବତାଲେ ଓ ଜ୍ୟୋତି ଭେନ୍ନମ ସ୍ଵର୍ଣ୍ଣ ପଦକ ଜିତିଛନ୍ତି। ଏହା ସହିତ ଭାରତ ଏସୀୟ କ୍ରୀଡ଼ାର ଗୋଟିଏ ସଂସ୍କରଣରେ ଅଧିକ ପଦକ ଜିତିବାର ନୂତନ ରେକର୍ଡ କରିଛି।
ଭାରତକୁ ବୁଧବାର ପ୍ରଥମ ପଦକ ଅଞ୍ଜୁ ରାଣୀ ଓ ରାମ ବାବୁଙ୍କ ଯୋଡ଼ି ଦେଇଛନ୍ତି। ଏହି ଭାରତୀୟ ଯୋଡ଼ି ୩୫ କିଲୋମିଟର ପାଦ ଚଲାରେ କାଂସ୍ୟ ପଦକ ଜିତିଛନ୍ତି। ୨୦୨୩ ଏସୀୟ କ୍ରୀଡ଼ାରେ ଏହା ଭାରତର ୭୦ତମ ପଦକ ଥିଲା। ଏହା ପରେ ଭାରତ ଇତିହାସ ରଚିବାର ଗୋଟିଏ ପାଦ ଦୂରରେ ଥିଲା। ଏହା ପରେ ତୀରନ୍ଦାଜିରେ ଓଜସ ଦେବତାଲେ ଓ ଜ୍ୟୋତି ବେନ୍ନମ କମାଲ କରି ସ୍ଵର୍ଣ୍ଣ ପଦକ ଜିତିଛନ୍ତ।