ଜୀବିକା ମିଶନ ଏବଂ ମିଶନ ଶକ୍ତି ପକ୍ଷରୁ ଏକ ଦିବସୀୟ ଲିଙ୍ଗଗତ ବୈଧତା ଉପରେ ତାଲିମ ଶିବିର

ରବୀନ୍ଦ୍ର ପ୍ରସାଦ ଦାନୀ

ଜମନକିରା : ଜମନକିରା ଜୀବିକା ମିଶନ ଏବଂ ମିଶନ ଶକ୍ତି ପକ୍ଷରୁ ଆଜି ଏକ ଦିବସୀୟ ଲିଙ୍ଗଗତ ବୈଧତା ଉପରେ ତାଲିମ ଶିବିର ସ୍ଥାନୀୟ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ବିଡ଼ିଓ ପ୍ରସନ୍ନ ପଟେଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଆକାଉଣ୍ଟ ଅଫିସର ରୁଷଭ ମାଝୀ ଉପସ୍ଥିତ ରହି ମହିଳା ମାନଙ୍କ ବିଭିନ୍ନ ସମସ୍ୟା ଦିଗରେ ଆଲୋଚନା କରିଥିଲେ। ସମ୍ମାନୀୟ ଅତିଥି ଭାବେ ଓଡ଼ିଶା ଜୀବିକା ମିଶନ ଭାଗିଦାରୀ ରାଜ୍ୟସ୍ତରରେ କାର୍ଯ୍ୟରତ ପିସିଏ ନିର୍ଦ୍ଦେଶିକା ବିରଜାଲକ୍ଷ୍ମୀ ଷଡ଼ଙ୍ଗୀ ଲିଙ୍ଗଗତ ବୈଧତା ଉପରେ ବୁଝେଇ ଥିଲେ। ଜିଲ୍ଲା ସଂଜୋଜିକ ପ୍ରିୟଙ୍କା ସିଂ, ତାଲିମ ଦାତ୍ରି କେତକୀ ବେହେରା, ସୁଜାତା ପଣ୍ଡା, ବୈଷୟିକ ସଂଯୋଜୀକା ସୁନନ୍ଦା ମହାନ୍ତି ପ୍ରମୁଖ ତାଲିମ ପ୍ରଦାନ କରିଥିଲେ। ଓଡ଼ିଶା ଜୀବିକା ମିଶନ ର ଭାରାପ୍ରାପ୍ତ ଗୋଷ୍ଠୀ ପ୍ରକଳ୍ପ ପରିଚାଳକ ସରୋଜ ମିଶ୍ର କାର୍ଯ୍ୟକ୍ରମ କୁ ପରିଚାଳନା କରିଥିଲେ। ଏଥିରେ ମୋଟ ୪୨ ଜଣ ଏମବିକେ ଏବଂ ପ୍ରେରଣା ଦିଦି ଉପସ୍ଥିତ ରହି ତାଲିମ ଗ୍ରହଣ କରିଥିଲେ। ଶେଷରେ ଜୀବିକା ସଂଯୋଜକ ଅକ୍ଷୟ ଟପୋ ଧନ୍ୟବାଦ ଅର୍ପଣ କରିଥିଲେ।