ରାଜାରାମ ଷଡଙ୍ଗୀ

3/12/2023 at 10:09 PM

ସମ୍ବଲପୁର:ଦାଦନ ଖଟିବାକୁ ଯାଇଥିବା ଧନକଉଡ଼ା ବ୍ଲକ୍ ର ପୁର୍ବତନ ଅଧ୍ୟକ୍ଷା ଶ୍ରୀମତୀ କାନ୍ତ୍ରି କୁମ୍ଭାର ଙ୍କୁ ନେ଼ଇ ବର୍ତ୍ତମାନ ଅଞ୍ଚଳ ରେ ଚର୍ଚ୍ଚା । ଖବରକାଗଜ ହେଉ କି ବୈଦ୍ୟୁତିକ ଗଣମାଧ୍ୟମ ସବୁଠି ତାଙ୍କର ଦୁର୍ଦ୍ଦିନ ର ଖବର ରେ ରାଜ୍ୟ ସରକାରଙ୍କ ଅପାରଗତା ଓ ମିଥ୍ୟା ବିଜ୍ଞାପନ କୁ ପ୍ରମାଣିତ କରୁଛି ।
ତଙ୍କ ବିଷୟ ରେ ସବିଶେଷ ବିବରଣୀ ପାଇଲା ପରେ ଆଜି ରେଙ୍ଗାଲି ବିଧାୟକ ଶ୍ରୀଯୁକ୍ତ ନାଉରୀ ନାୟକ ସେଇ ଅଞ୍ଚଳ ର ବିଜେପି କର୍ମୀ ଙ୍କୁ ନେଇ ପହଞ୍ଚିଥିଲେ କାନ୍ତି ଙ୍କ ଭଙ୍ଗା ଘରେ । ବିଧାୟକ ଶ୍ରୀଯୁକ୍ତ ନାଉରୀ ନାୟକ ତାଙ୍କ ଘର କୁ ଯାଇ କାନ୍ତି ଙ୍କ ର ସପରିବାର କୁ ସାକ୍ଷାତ କରିଥିଲେ । ସମସ୍ତ ଆଗତ ବିଗତ ଭବିଷ୍ୟତ ସ୍ଥିତି ସମ୍ପର୍କରେ ପଚାରି ବୁଝିଥିଲେ । କାନ୍ତି ଙ୍କ ର ପରିବାରିକ, ଆର୍ଥିକ, ସାମାଜିକ ପରିସ୍ଥିତି ବିଷୟ ରେ ଆଲୋଚନା କରିଥିଲେ ।
ସମସ୍ତ ବିଷୟ ରେ ଅବଗତ ହେଲା ପରେ ସେ ତାଙ୍କୁ ଆଉ ବାହାର ରାଜ୍ୟ କୁ ଦାଦନ ଖଟିବାକୁ ନ ଯିବାକୁ ଅନୁରୋଧ କରିଥିଲେ । କାନ୍ତି ଙ୍କ ଝିଅ ୨୦୨୦ ରୁ +୨ ପାସ୍ କରି ପାଠ ପଢ଼ା ଛାଡ଼ି ଦେଇଛନ୍ତି । ତେଣୁ ବିଧାୟକ ଝିଅ କୁ ଉଚ୍ଚ ଶିକ୍ଷ୍ୟା ଲାଭ କରିବା ପାଇଁ ପରାମର୍ଶ ଦେଇଥିଲେ । ଝିଅ ର ପାଠ ପଢା ରେ ସେ ସମସ୍ତ ପ୍ରକାର ର ସହାୟତା ଯୋଗେଇ ଦେବେ ବୋଲି ଆଶ୍ଵାସନା ଦେଇଥିଲା। ଏହା ସହିତ କାନ୍ତି ଓ ତାଙ୍କ ପୁଅ ପାଇଁ କିଛି ସ୍ଥାୟୀ କର୍ମ ନିୟୋଜନ ର ବ୍ୟବସ୍ଥା କରିବେ ବୋଲି ପ୍ରତିଶୃତି ମଧ୍ଯ ଦେଇଥିଲେ ।
କାନ୍ତି ଙ୍କ ପରିବାର ପ୍ରତି କେନ୍ଦ୍ର ମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ ଙ୍କ ରହିଥିବା ଚିନ୍ତା ଓ ସେ ଦେଇଥିବା ଆଶ୍ଵାସନା ସମ୍ପର୍କ ରେ ବିଧାୟକ ମହୋଦୟ ତାଙ୍କୁ ଅବଗତ କରାଇଥିଲେ ।
ଆଜି ର ଏହି ବିଶେଷ କାର୍ଯ୍ୟକ୍ରମ ରେ ବିଜେପି କ୍ଷେତ୍ରୀୟ ଗଣମାଧ୍ୟମ ସଂଯୋଜକ ମାନସ ରଞ୍ଜନ ବକ୍ସି, ଗୋଶାଲା ମଣ୍ଡଳ ସଭାପତି ଦେବେନ୍ଦ୍ର ନାୟକ, କଳାମାଟି ସରପଞ୍ଚ ସୁଷମା ସାହୁ, ଧୀରେନ୍ଦ୍ର ନାଗ, ମୂରଲୀଧର ଛୁରିଆ, ବଂଶୀଧର ବେହେରା ପ୍ରମୁଖ ସାମିଲ୍ ଥିଲେ ।