ରାଜାରାମ ଷଡଙ୍ଗୀ9/12/2023 at 6:20 PM
ସମ୍ବଲପୁର(ହୀରାକୁଦ):ସମ୍ବଲପୁର ମହାନଗର ନିଗମ ଅନ୍ତର୍ଗତ ଶ୍ରମିକ ବହୁଳ ହୀରାକୁଦରେ ଦେଖିବାକୁ ମିଳିଥିଲା ଶ୍ରମ ମନ୍ତ୍ରୀଙ୍କୁ।ଓଡିଶା ସରକାରଙ୍କ ଶ୍ରମମନ୍ତ୍ରୀ ସାରଦା ପ୍ରସାଦ ନାୟକ ନିରାଡମ୍ବର ଭାବେ ଆଜି ଗସ୍ତ କରିଥିଲେ ହୀରାକୁଦ। ଗସ୍ତ ସମୟରେ ବାଇକରେ ବସି ଆସିଲେ ଓ ଚା’ ଦୋକାନରେ ଅଟକି ବିଭିନ୍ନ ଶ୍ରମିକଙ୍କୁ ସିଧାସଳଖ ଭେଟି ସାଙ୍ଗରେ ଚା’ ପିଇ କଥାଭାଷା ହୋଇ ସେମନଙ୍କୁ ସୁଖ ଦୁଃଖ ବୁଝିଥିଲେ । ମନ୍ତ୍ରୀଙ୍କ ସହିତ କାଳିଆ ଯୋଜନା ଉପଦେଷ୍ଟା ସଞ୍ଜୟ ବାବୁଙ୍କ ସହିତ ବିଜେଡିର ବହୁ କର୍ମୀ ଉପସ୍ଥିତ ରହି ସିଧାସଳଖ ଶ୍ରମିକ ମାନଙ୍କୁ ଭେଟି ବିଭିନ୍ନ ବିଷୟରେ ପଚାରି ବୁଝିଥିଲେ । ଶ୍ରମମନ୍ତ୍ରୀଙ୍କ ଏହି ବାଇକ ଗସ୍ତକୁ ନେଇ ଆଜି ସମ୍ବଲପୁର ସହରରେ ବେଶ୍ ଚର୍ଚା ଜମିବାରେ ଲାଗିଛି।