କେଭିର ନୂତନ ଅଧ୍ୟକ୍ଷ ଭାବେ ରଣରଞ୍ଜୟ ସିଂ ଙ୍କ ଯୋଗଦାନ
ସମ୍ବଲପୁର: ପିଏମ୍ ଶ୍ରୀ କେନ୍ଦ୍ରୀୟ ବିଦ୍ୟାଳୟ ନଂ.୧ ସମ୍ବଲପୁର ର ନୂତନ ଅଧ୍ୟକ୍ଷ ଭାବେ ରଣରଞ୍ଜୟ ସିଂ ଯୋଗଦାନ କରିଛନ୍ତି I ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ,କର୍ମଚାରୀ ଏବଂ ଛାତ୍ରୀଙ୍କ ତରଫରୁ ଅଧକ୍ଷ ଶ୍ରୀ ସିଂ ଙ୍କୁ ସ୍ଵାଗତ ଜଣାଯାଇଥିଲା I ଆଜି ଅଭିଭାବକ ସଂଘ ପକ୍ଷରୁ ମଧ୍ୟ ପୁଷ୍ପ ଗୁଚ୍ଛ ପ୍ରଦାନ ପୂର୍ବକ ସ୍ୱାଗତ କରାଯାଇଥିଲା I ବିଦ୍ୟାଳୟର ଅଭିଭାବକ ସଂଘ ସଭାପତି ସରୋଜ ଦେଓ, ସରୋଜ ସାହୁ, ଦୁଲାଲ ଚନ୍ଦ୍ର ରାୟ, ସୁଶାନ୍ତ ମହାପାତ୍ର, ମୁନମୁନ୍ ମାଝୀ, ଶ୍ରୀମନ୍ତ ପଣ୍ଡା, ଗୋପାଳଜୀ ପାଢ଼ୀ, ସନ୍ଦୀପ ସିଂ, ସୁବାଷ ଶତପଥି ପ୍ରମୁଖ ସ୍ୱାଗତ କରିଥିଲେ I ପ୍ରକାଶ ଥାଉକି ୨୦୦୯ ମସିହା କେନ୍ଦ୍ରୀୟ ବିଦ୍ୟାଳୟରେ ଯୋଗଦାନ କରିଥିବା ଉତ୍ତର ପ୍ରଦେଶ ର ବନାରସ ସହରରେ ଜନ୍ମିତ ଶ୍ରୀ ସିଂ ପୂର୍ବରୁ ଆସାମ, ତେଲେଙ୍ଗାନା ଆଦି ରାଜ୍ୟରେ ଶିକ୍ଷକ ଭାବରେ କାର୍ଯ୍ୟ ନିର୍ବାହ ଏବଂ କେନ୍ଦ୍ରୀୟ ବିଦ୍ୟାଳୟ ସଙ୍ଗଠନ ହାଇଦ୍ରାବାଦ ଆରଓ ଅନ୍ତର୍ଗତ ବାୟୁ ସେନା କେନ୍ଦ୍ର , ହକିମପେଟ୍ କେଭି ର ଭାଇସ ପ୍ରିନସିପାଲ ଭାବେ କାର୍ଯ୍ୟକରି ଛାତ୍ର ଛାତ୍ରୀ ଓ ସହକର୍ମୀ ମାନଙ୍କର ପ୍ରିୟ ଭାଜନ ହୋଇ ପାରିଛନ୍ତି I ଛାତ୍ରମାନଙ୍କୁ ଗୁଣାତ୍ମକ ଶିକ୍ଷା ପ୍ରଦାନ ସହ ବିଦ୍ୟାଳୟର ସର୍ବାଙ୍ଗୀନ ଉନ୍ନତି ପାଇଁ ଅଧ୍ୟକ୍ଷ ଶ୍ରୀ ସିଂ ବଦ୍ଧପରିକର ବୋଲି ଅଭିଭାବକ ସଂଘ ସହିତ ଆଜିକାର ଆଲୋଚନା ସମୟରେ ପ୍ରକାଶ କରି ଥିବା ନେଇ ସରୋଜ ସାହୁ ସୂଚନା ଦେଇଛନ୍ତି।
