ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ20/01/2024 at 1:20 PM
ନୂଆଦିଲ୍ଲୀ: ଭାରତର ପୂର୍ବତନ ଟେନିସ ଖେଳାଳି ସାନିଆ ମିର୍ଜାଙ୍କଠୁ ଅଲଗା ହେବାର ଗୁଜବ ମଧ୍ୟରେ ପାକିସ୍ତାନ କ୍ରିକେଟର ଶୋଏବ ମଲିକ ପାକିସ୍ତାନର ପ୍ରସିଦ୍ଧ ଅଭିନେତ୍ରୀ ସନା ଜାଭେଦଙ୍କୁ ବିବାହ କରିଛନ୍ତି । ଶୋଏବ ମଲିକ ଖୋଦ୍ ଶନିବାର ନିକାହର ଫଟୋ ସାମାଜିକ ଗଣମାଧ୍ୟମରେ ସେୟାର କରିଛନ୍ତି ।
କ୍ରିକେଟର ଶନିବାର ନିଜର ନିକାହର ଉତ୍ସବ ଫଟୋ ସାମାଜିକ ଗଣମାଧ୍ୟମରେ ପୋଷ୍ଟ କରିଛନ୍ତି । ଫଟୋରେ ଶୋଏବ ମଲିକ ନିଜର ତୃତୀୟ ପତ୍ନୀ ସନା ଜାଭେଦଙ୍କ ସହିତ ପାରପମ୍ପରିକ ବିବାହ ପରପାଟିରେ ନଜର ଆସିଛନ୍ତି ।
ଶୋଏବ କ୍ୟାପସନରେ ଲେଖିଛନ୍ତି, ଅଲହମଦୁଲିଲ୍ଲା ମୁଁ ତୁମକୁ ମୋ ଯୋଡି କରିଛି । ପାକିସ୍ତାନୀ ଅଭିନେତ୍ରୀ ସନା ଜାଭେଦ ମଧ୍ୟ ଶୋଏବଙ୍କ ସହ ନିଜ ବିବାହର ଫଟୋ ସାମାଜିକ ଗଣମାଧ୍ୟମରେ ସେୟାର କରିଛନ୍ତି । କେବଳ ଏତିକି ନୁହେଁ ଅଭିନେତ୍ରୀ ନିଜର ଇନଷ୍ଟା ବାୟୋରେ ନିଜର ନାମ ବଦଳାଇ ଦେଇଛନ୍ତି ଏବଂ ସନା ଶୋଏବ ମଲିକ କରି ଦେଇଛନ୍ତି ।
ବଡ କଥା ବୁଧବାର ସାନିଆ ମିର୍ଜା ଇନଷ୍ଟାରେ ଏକ ପୋଷ୍ଟ ସେୟାର କରିଥିଲେ, ଯେଉଁଥିରେ ତାଙ୍କର ଓ ଶୋଏବଙ୍କ ମଧ୍ୟରେ ଛାଡପତ୍ର ନେଇ ଗୁଜବ ଜୋର ଧରିଥିଲା । ସାନିଆ ଲେଖିଥିଲେ, ବିବାହ ମୁସ୍କିଲ ଓ ତଲାକ ମୁସ୍କିଲ । ନିଜର ପରିଶ୍ରମ କରନ୍ତୁ । ମୋଟାପଣ ଆସିବା କଠିନ ହେବ । ଫିଟ୍ ରହିବା ମଧ୍ୟ କଠିନ । ଋଣରେ ବୁଡିବା କଠିନ । ଆର୍ଥିକ ଭାବେ ସ୍ୱଚ୍ଛଳ ରହିବା ମଧ୍ୟ କଠିନ । ଯୋଗାଯୋଗ କରିବା କଠିନ । ଆଲୋଚନା କରିବା ମଧ୍ୟ କଠିନ । ଆପଣ କଠିନ ଚୟନ କରନ୍ତୁ । ଜୀବନ କେବେ ସହଜ ନୁହେଁ । ଏହା ସର୍ବଦା ମୁସ୍କିଲ ରହିଥାଏ । ମାତ୍ର ଆମେ ନିଜର ପରିଶ୍ରମକୁ ନେଇ ଆଗକୁ ବଢି ପାରିବା । ବୁଦ୍ଧିମାନର ସହ ସବୁ ଚୟନ କରନ୍ତୁ ।
ସୂଚନାଯୋଗ୍ୟ, ଶୋଏବ ମଲିକ ଓ ସାନିଆ ମିର୍ଜାଙ୍କ ବିବାହ ୨୦୧୦ ଏପ୍ରିଲ ୧୨ରେ ହୋଇଥିଲା । ଉଭୟଙ୍କ ୨୦୧୮ରେ ଏକ ପୁତ୍ର ସନ୍ତାନ ଜନ୍ମ ନେଇଥିଲା ଯାହାର ନାମ ଇଜହାନ । ତେବେ ଶୋଏବ ସନା ଜାଭେଦଙ୍କୁ ତୃତୀୟ ବିବାହ କରିଛନ୍ତି । ସର୍ବପ୍ରଥମେ ସେ ପାକିସ୍ତାନୀ କ୍ରିକେଟର ଆୟଶା ସିଦ୍ଦିକିଙ୍କୁ ବିବାହ କରିଥିଲେ । ଆୟଶାଙ୍କୁ ଛାଡପତ୍ର ଦେବା ପରେ ସେ ସାନିଆ ମିର୍ଜାଙ୍କୁ ବିବାହ କରିଥିଲେ । ଆଉ ଏବେ ସାନିଆଙ୍କୁ ତଲାକ ଦେବା ଗୁଜବ ମଧ୍ୟରେ ସନା ଜାଭେଦଙ୍କୁ ବିବାହ କରିଛନ୍ତି ।