ଓଡ଼ିଶା ଡଟ୍ ନ୍ୟୁଜ୍

12/06/2024 at 9:02 PM

କଣ୍ଟାବାଞ୍ଜି: ରାଗ ସବୁ ବିପଦର କାରଣ । ରାଗ ଉପରେ ନିୟନ୍ତ୍ରଣ ହରାଇଲେ ହୋଇତାଏ ଅନର୍ଥ । ଏହା ଅକ୍ଷରେ ଅକ୍ଷରେ ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ଥାନା ଅଞ୍ଚଳରେ ଦେଖିବାକୁ ମିଳିଛି । ସ୍ତ୍ରୀଙ୍କ ଉପରେ ସ୍ବାମୀ ଏତେ ରାଗି ଯାଇଥିଲେ ଯେ, ହିତାଧିତ ଜ୍ଞାନ ଭୁଲି ଟାଙ୍ଗିଆରେ ମରଣାନ୍ତକ ଆକ୍ରମଣ କଲେ । ହେଲେ, ଏହି ଆକ୍ରମଣରୁ ପତ୍ନୀ ଅଳ୍ପକେ ବର୍ତ୍ତି ଯାଇଥିବା ବେଳେ ଶାଳୀ ଶିକାର ହୋଇଛନ୍ତି ।

ମିଳିଥିବା ସୂଚନା ଅନୁସାରେ, ଲାଠୋର ଥାନା କୁରୁଆଝେର ଗାଁ ସୁରେଶ ତାଣ୍ଡି କଣ୍ଟାବାଞ୍ଜି ଥାନା କୁଲିଆଦରୋ ଗାଁର ବିଜୟ କୁମ୍ଭାରଙ୍କ ବଡ଼ ଝିଅକୁ ବିବାହ କରିଥିଲେ । ବାହାଘର ପରେ ପାରିବାରିକ ଜୀବନ ଠିକଠାକ ଚାଲିଥିଲା । ଆଜି କୌଣସି କଥାକୁ ନେଇ ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ ଝଗଡ଼ା ହୋଇଥିଲା । ଏଥିରେ ଉତ୍‌କ୍ଷିପ୍ତ ହୋଇ ବିଜୟ ଏକ ଟାଙ୍ଗିରେ ତାଙ୍କ ପତ୍ନୀଙ୍କୁ ଆକ୍ରମଣ କରିବାକୁ ଆସୁଥିଲେ । ହେଲେ ତାଙ୍କୁ ବିରୋଧ କରିଥିଲେ ଶାଳୀ ବାସୁବତୀ କୁମ୍ଭାର । ତେଣୁ ଟାଙ୍ଗିଆ ଚୋଟଟି ତାଙ୍କ ଦେହରେ ବାଜିଥିଲା । ଫଳରେ ସେ ଗୁରୁତର ଆହତ ହୋଇଥିଲେ ।

ପରିବାର ଲୋକେ ବାସୁମତୀଙ୍କୁ ମେଡ଼ିକାଲ୍‌ରେ ଭର୍ତ୍ତି କରିଥିଲେ । ସେଠାରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ବଲାଙ୍ଗି ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି । ଏନେଇ ଅଭିଯୋଗ ପରେ କଣ୍ଟାବାଞ୍ଜି ଥାନା ପୋଲିସ ଏକ ମାମଲା ରୁଜୁ କରି ମେଡ଼ିକାଲ୍‌ରେ ପହଞ୍ଚି ପଚରାଉଚରା କରୁଛି । ସେପଟେ ଘଟଣା ଘଟିବା ପରଠାରୁ ସୁରେଶ ଫେରାର ହୋଇଯାଇଛନ୍ତି ।