ଯୁଧିଷ୍ଠିର ମହାପାତ୍ର19/04/2023 at 12:55 PM
ଅତାବିରା: ସମ୍ବଲପୁର ହିଂସା ପ୍ରତିବାଦରେ ଆଜି ପଶ୍ଚିମ ଓଡିଶା ପରିପ୍ରେକ୍ଷୀରେ ବରଗଡ଼ ଜିଲ୍ଲା ଠପ ହୋଇଯାଇଥିଲା। ତେବେ ଆଜି ଅତାବିରା ଏନଏସି ଉପାଧ୍ୟାକ୍ଷା ନିର୍ବାଚନ ଅନୁଷ୍ଠିତ ହେବାର ଥିଲା। ଆଜି ଦିନ ୧୧ଟା ସମୟରେ ନିର୍ବାଚନ ପ୍ରକ୍ରିୟା ଆରମ୍ଭ କରିବା ପାଇଁ ବରଗଡ଼ ଉପଜିଲ୍ଲାପାଳ ତଥା ନିର୍ବାଚନ ଅଧିକାରୀ ଲଲାଟ ଲୁହା ଏନଏସିକୁ ଆସି ପହଂଚିଥିଲେ। ତେବେ ଏହି ଖବର ପାଇ ବନ୍ଦ ଆୟୋଜକ ବଜରଙ୍ଗ ଦଳ କର୍ମୀମାନେ ଏନଏସିକୁ ପହଁଛି ଆଜି ବନ୍ଦ ଥିବାରୁ ନିର୍ବାଚନ ସ୍ଥଗିତ କରିବାକୁ ଦାବି କରିଥିଲେ। ଏନେଇ ନିର୍ବାଚନ ଅଧିକାରୀ ଶ୍ରୀ ଲୁହା ତାଙ୍କ ଉପରିସ୍ଥ ଅଧିକାରୀ ଓ ରାଜ୍ୟ ନିର୍ବାଚନ ଅଧିକାରୀଙ୍କ ସହ ଟେଲିଫୋନିକ ଆଲୋଚନା କରି ନିର୍ବାଚନକୁ ସ୍ଥଗିତ କରିବାକୁ ଚିଠି କରି ନିର୍ବାଚନ କୁ ସ୍ଥଗିତ କରାଯାଇଥିବା ଗଣମାଧ୍ୟମ କୁ ସୂଚନା ଦେଇଥିଲେ। ପରେ ସେଠାରୁ ଆୟୋଜକମାନେ ଫେରିଯାଇଥିଲେ l
