୨୦୨୪ ନିର୍ବାଚନକୁ ନେଇ ମୁଖ୍ୟମନ୍ତ୍ରୀଙ୍କ ଅନୁଦାନ ବର୍ଷା

ପ୍ରମୋଦ କୁମାର ଜେନା

କୋରାପୁଟ: ୨୦୨୪ ନିର୍ବାଚନକୁ ନେଇ ରାଜ୍ୟ ସରକାର ଏବେ ଠାରୁ ସଜାଗ ହୋଇ ଉଠିଲେଣି। ଲକ୍ଷ୍ମୀପୁର ନିର୍ବାଚନ ମଣ୍ଡଳିକୁପାଇଁ ବିଭିନ୍ନ ପ୍ରକାରର ଅନୁଦାନ ରାଷି ଘୋଷଣା କରିଥିବା ବେଳେ ଲକ୍ଷ୍ମୀପୁର ବ୍ଲକ ପାଇଁ କୌଣସି ଅନୁଦାନ ମିଳିନି। କିଛି ମାସ ତଳେ ୫-ଟି ସଚିବ ଭି.କେ.ପାଣ୍ଡିଆନ୍ କୋରାପୁଟ ଜିଲ୍ଲା ଗସ୍ତ ସମୟରେ ଆସିଥିବା ବେଳେ ଲକ୍ଷ୍ମୀପୁର ଓ ନାରାୟଣପାଟଣା ଜଗନ୍ନାଥ ମନ୍ଦିର କମିଟି,ନିଲାବାଡି ଅଗ୍ନି ଗଙ୍ଗାମା ମନ୍ଦିର କମିଟି ତାଙ୍କୁ ଭେଟି ସମସ୍ୟା ଉପରେ ଅବଗତ କରାଇଥିଲେ। ହେଲେ ଏବେ ନାରାୟଣପାଟଣା ଓ ବନ୍ଧୁଗାଁ ମନ୍ଦିର ପାଇଁ ରାଜ୍ୟ ସରକାର ଛଅ କୋଟି ଟଙ୍କା ଅନୁଦାନ ରାଶି ଘୋଷଣା କରିଥିବା ବେଳେ ଲକ୍ଷ୍ମୀପୁର ଜଗନ୍ନାଥ ମନ୍ଦିର ପାଇଁ କୌଣସି ଅନୁଦାନ ଘୋଷଣା କରି ନଥିବାରୁ ସବୁ ମହଲରେ ଦୁଃଖ ପ୍ରକାଶ କରାଯାଇଛି।