ଦୁଃଶାସନ ନାୟକ

18/12/2024 at 7:50 PM

ଝୁଲନ୍ତା ଅବସ୍ଥା ରେ ଯୁବକ ଙ୍କ ମୃତ ଶରୀର ଉଦ୍ଧାର
ଅସ୍ତରଙ୍ଗ୧୮/୧୨ ଅସ୍ତରଙ୍ଗ ବ୍ଲକ ଝାଡ଼ଲିଙ୍ଗ ଓ ନଗର ପଞ୍ଚାୟତ ମଧ୍ୟରେ ଥିବା ଦେବି ନଦୀ ପଠା ରେ ବୁଧବାର ଦିନ ଏକ ଗଛରୁ ଝୁଲନ୍ତା ଅବସ୍ଥା ରେ ଜଣେ ଅଜଣା ଯୁବକ ର ମୃତ ଶରୀର ଠାବ ହୋଇଛି। ବର୍ତମାନ ଧାନ କଟାକଟି ଚାଲୁଥିବାରୁ ସକାଳୁ ସ୍ଥାନୀୟ କୃଷକ ଭାଇ ମାନେ କ୍ଷେତ କୁ ଧାନ କାଟିବାକୁ ଯାଇଥିବା ବେଳେ ଏହି ଦୃଶ୍ୟ ଦେଖିବାକୁ ପାଇଥିଲେ।ଏହାକୁ ଦେଖିବା ପରେ ଅସ୍ତରଙ୍ଗ ପୋଲିସ କୁ ଖବର ଦିଆଯାଇଥିଲା, ଘଟଣା ସ୍ଥଳରେ ଅସ୍ତରଙ୍ଗ ପୋଲିସ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରି ଫରେନଶିକ୍ ଟିମ୍ ର ସାହାଯ୍ୟ ଲୋଡ଼ିଛି। ଯୁବକ ଙ୍କ ନିକଟରୁ ଏକ ବ୍ୟାଙ୍କ ସଞ୍ଚୟ ଖାତା ପୋଲିସ ଜବତ କରିବା ପରେ ଜାଣିବାକୁ ପାଇଥିଲା ଏହା କଟକ ଜିଲ୍ଲା ଅଡସପୁର ସଲେଇବେଦପୁର ଅଞ୍ଚଳ ର, ବ୍ୟାଙ୍କ ଗ୍ରାହକ ଙ୍କ ନାମ କାହ୍ନୁ ଚରଣ ନାୟକ, ଉକ୍ତ ଠିକଣା ରେ ତାଙ୍କ ପରିବାର କୁ ଯୋଗାଯୋଗ କରାଯାଇଥିଲା, ଘଟଣା ସ୍ଥଳରେ ତାଙ୍କ ପରିବାର ଲୋକ ପହଞ୍ଚି ମୃତ ଶରୀର କୁ ଚିହ୍ନଟ କରିଛନ୍ତି, ତା ପରେ ମୃତ ଶରୀର ବ୍ୟାଙ୍କ ଖାତା ଠିକଣା ଅନୁସାରେ କାହ୍ନୁ ଚରଣ ନାୟକ ବୋଲି ପୋଲିସ ଜାଣିବାକୁ ପାଇଛି,l ଘଟଣା ସ୍ଥଳରେ
ମୃତ ଯୁବକ ଧଳା ପ୍ୟାଣ୍ଟ ଓ ବ୍ଲୁ ଟିସାର୍ଟ ପିନ୍ଧିଛନ୍ତି ଏକ ନାଲି ଗାମୁଛା ରେ ଝୁଲନ୍ତା ଅବସ୍ଥା ରେ ରହିଥିବା ବେଳେ ନିକଟରେ ତାଙ୍କ ର ଏକ ବାଇସାଇକେଲ ପଡିଛି ଉକ୍ତ ସାଇକେଲ ରେ ଏକ ଜରି ରେ ଶଙ୍ଖା ସିନ୍ଦୁର ସହିତଠାକୁର ଙ୍କ ପ୍ରସାଦ ରହିଛି । ତାଙ୍କ ପାଖରେ ଏକ ମୋବାଇଲ ଫୋନ, ବ୍ୟାଙ୍କ ପାସବୁକ ରହିଥିଲା, ଉକ୍ତ ପାସବୁକ ରୁ ପୋଲିସ ଅନୁଧ୍ୟାନ କରିଥିଲେ ଯେ ଉକ୍ତ ଯୁବକ ଙ୍କ ଘର କଟକ ଜିଲ୍ଲା ଅଡଶପୁର ରେ ବୋଲି। ହେଲେ ଏତେ ଦୂରରୁ ଯୁବକ କିପରି ଏହି ସ୍ଥାନ କୁ ଆସିଲେ, କଣ କରୁଥିଲେ, ଆଉ ଜନବସତି ସ୍ଥାନ ରୁ ୨ କିଲୋମିଟର ଦୁରକୁ କିପରି ଗଲେ ଏ ସବୁ ଘଟଣା ଅସ୍ପଷ୍ଟ ରହିଛି। ସାଇଣ୍ଟିଫିକ୍ ଟିମ୍ ପହଂଚି ତଦନ୍ତ କରିବା ପରେ ଘଟଣା ର ପ୍ରକୁତ ସତ୍ୟାସତ୍ୟ ସାମ୍ନା କୁ ଆସିବ ବୋଲି ଆଶା କରାଯାଉଛି । ଘଟଣା ସ୍ଥଳରେ ତାଙ୍କ ପରିବାର ଲୋକ ମତାମତ ଦେଇଛନ୍ତି ଯେ ବ୍ୟାଙ୍କ ରୁ ପଇସା ଉଠାଇବା ପାଇଁ ଘରୁ ଆସିଥିଲେ କିନ୍ତୁ ଦୀର୍ଘ ସମୟ ହେବ ଘରକୁ ଫେରିନଥିଲେ କାହ୍ନୁ, ତାଙ୍କ ମୋବାଇଲ କୁ ପରିବାର ଲୋକ ବାରମ୍ବାର ଯୋଗାଯୋଗ କରିଥିଲେ ବି ସେଥିରେ ବିଫଳ ହୋଇଥିଲେ, ତେଣୁ ଏହା ହତ୍ୟା କି ଆତ୍ମହତ୍ୟା ତାହା ଏବେ ଅଞ୍ଚଳ ରେ ପ୍ରଶ୍ନବାଚୀ ସୃଷ୍ଟି କରିଥିବା ବେଳେ ବାହାର ଜିଲ୍ଲା ର ପିଲା ଅସ୍ତରଙ୍ଗ କୁ ଆସି ଏଭଳି ମୃତ୍ୟୁ ଘଟଣା ଅଞ୍ଚଳ ବାସି ଙ୍କୁ ସ୍ତମ୍ଭିଭୁତ କରାଇଛି । ଏହି ମୃତ୍ୟୁ ଏକ ରହସ୍ୟ ଭଳି ଲାଗୁଥିବା ବେଳେ ଏହି ଘଟଣା ର ସତ୍ୟାସତ୍ୟ ପୋଲିସ ର ତଦନ୍ତ ଉପରେ ନ୍ୟସ୍ତ କରାଯାଇଛି l