ଓଡ଼ିଶା ଡଟ୍ ନ୍ୟୁଜ୍

3/04/2025 at 3:22 PM

ବଲାଙ୍ଗୀର: ସ୍ତ୍ରୀ କାହା ସହ ବାରମ୍ବାର ଫୋନରେ କଥା ହେଉଥିଲେ । ସ୍ବାମୀରଙ୍କ ହେଲା ସନ୍ଦେହ । ଆଉ ସ୍ତ୍ରୀଙ୍କ ଚରିତ୍ରକୁ ସନ୍ଦେହ କରି ଟାଙ୍ଗିଆରେ ହାଣି ହତ୍ୟା କଲେ ସ୍ବାମୀ । ଏମିତି ଘଟଣା ଘଟିଛି ବଲଙ୍ଗୀର ଜିଲ୍ଲା ଦେଓଗାଁ ଥାନା ଅନ୍ତର୍ଲା ଗାଁରେ । ସ୍ତ୍ରୀ ଅମୁଲ୍ୟାଙ୍କୁ ଟାଙ୍ଗିଆରେ ହାଣି ହତ୍ୟା କରିଛନ୍ତି ସ୍ୱାମୀ ଗୌତମ ବିଶ୍ୱାଳ ।

ସ୍ତ୍ରୀ ଅମୂଲ୍ୟା ଫୋନରେ କାହା ସହ ବାରମ୍ବାର କଥା ହେଉଥିବାରୁ, ତା ଚରିତ୍ରକୁ ସନ୍ଦେହ କରୁଥିଲେ ଗୌତମ । ମଙ୍ଗଳବାର ଦିନ ଖିଆପିଆ ସାରି ଶୋଇବାକୁ ଯାଇଥିଲେ ଗୌତମ ଓ ପରିବାର । ହେଲେ ଭୋର ୪ଟା ସମୟରେ ହଠାତ ରକ୍ତମୁଖା ହୋଇଗଲା ଗୌତମ । ଶୋଇଥିବା ଅବସ୍ଥାରେ ସ୍ତ୍ରୀକୁ ଟାଙ୍ଗିଆରେ ହାଣି ହତ୍ୟା କରିଥିଲେ । ମିଳିଥିବା ସୂଚନା ଅନୁସାରେ, ଗୌତମଙ୍କ ଆଗରୁ ମୁଣ୍ଡ ଦୋଷ ଥିଲା । ଆଉ ସ୍ୱାମୀ ସ୍ତ୍ରୀଙ୍କ ଭିତରେ ପ୍ରାୟ ସମୟରେ ଝଗଡ଼ା ହେଉଥିଲା ବୋଲି ଗୌତମଙ୍କ ଭାଇ କହିଛନ୍ତି ।

ସକାଳେ ରକ୍ତ ଜୁଡୁବୁଡୁ ମୃତଦେହ ଦେଖି ପୋଲିସକୁ ଖବର ଦେଇଥିଲେ ପଡୋଶୀ । ସାଇଣ୍ଟିଫିକ ଟିମ ଦେଓଗାଁ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଥିଲା । ଅନ୍ୟପଟେ ସ୍ତ୍ରୀକୁ ହତ୍ୟା କରି ଘର ଭିତରେ ଏକା ବସିରହିଥିଲା ଗୌତମ । ପୋଲିସ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି । ମଦ ପିଇ ଝଗଡା ହେବା ଯୋଗୁଁ ଗୌତମ ହତ୍ୟା କରିଥିଲା ବୋଲି ଅତିରିକ୍ତ ଏସ.ପି. କହିଛନ୍ତି ।