ରାଜାରାମ ଷଡଙ୍ଗୀ5/04/2025 at 6:38 AM
ସମ୍ବଲପୁର:ଶୁକ୍ରବାର ପୂର୍ବାହ୍ନ ରେ ଯୁଗ୍ମ ଶ୍ରମ ଆୟୁକ୍ତଙ୍କ କାର୍ଯ୍ୟାଳୟ, ସମ୍ବଲପୁର ତରଫରୁ ଓଡିଆ ପକ୍ଷ ପାଳନ ର ଚତୁର୍ଥ ଦିବସରେ ସମସ୍ତ ଦୋକାନ ବଜାର ଓ ବାଣିଜ୍ୟ ପ୍ରତିଷ୍ଠାନ ମାନଙ୍କର ନାମ ଫଳକ ଓଡିଆ ଭାଷାରେ ଲେଖିବା ଉଦ୍ଦେଶ୍ୟ ରେ ଏକ ସଚେତନତା ପଦଯାତ୍ରା ର ଆୟୋଜନ କରାଯାଇଥିଲା l ଏହି ପଦ ଯାତ୍ରା କଚେରି ଛକ, ସମ୍ବଲପୁର ରୁ ପୁରାତନ ମ୍ଯୁନିସିପାଲଟି ଛକ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା। ଯେଉଁଥିରେ ସମସ୍ତ ବାଣିଜ୍ୟ ପ୍ରତିଷ୍ଠାନ ଓ ଦୋକାନ ମାନଙ୍କୁ ନିଜ ନାମ ଫଳକ ଓଡ଼ିଆ ଭାଷାରେ ଲେଖିବାକୁ ସଚେତନ କରାଯାଇଥିଲା l
ଏହି ଅବସରରେ ଏକ ସଚେତନତା ରଥ କୁ ଅତିରିକ୍ତ ଜିଲ୍ଲାପାଳ ଶ୍ରୀ ସୁଧାଂଶୁ କୁମାର ଭୋଇ(ଓ. ପ୍ର.ସେ) ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ। ଏଥିରେ ଜିଲ୍ଲା ଶ୍ରମ ଅଧିକାରୀ, ସମ୍ବଲପୁର, ଯୁଗ୍ମ ଶ୍ରମ ଆୟୁକ୍ତଙ୍କ କାର୍ଯ୍ୟାଳୟ ର କର୍ମଚାରୀ ବୃନ୍ଦ, ସ୍ଵୟଂ ସହାୟକ ଗୋଷ୍ଠୀର ମହିଳା ମାନେ ତଥା ନିର୍ମାଣ ଓ ଅଣସଂଗଠିତ ଶ୍ରମିକ ମାନେ ଅଂଶ ଗ୍ରହଣ କରି ସହର ପରିକ୍ରମା କରିଥିଲେ l ପରିଶେଷରେ ମାନ୍ୟବର ବିଧାୟକ, ସମ୍ବଲପୁର ଜୟନାରାୟଣ ମିଶ୍ର ଙ୍କ ପ୍ରତିନିଧି ଭାବେ ଶୁଭଶ୍ରୀ ମିଶ୍ର ଉପସ୍ଥିତ ରହି ସମସ୍ତଙ୍କୁ ମିଷ୍ଟାନ୍ନ ବଣ୍ଟନ କରିଥିଲେ।