ପ୍ରଭୁଚରଣ ମହାନ୍ତି

15/05/2023 at 12:12 PM

ବରପାଲି: ବରପାଲି ଲିଟିଲ ଏଜଂଲ୍ସ ପବ୍ଲିକ ସ୍କୁଲର ଛାତ୍ରଛାତ୍ରି ସିବିଏସ୍‌ଇ ଦଶମ ଓ ଦ୍ଵାଦଶ ଶ୍ରେଣୀ ବୋର୍ଡ ପରୀକ୍ଷାରେ ଅପୁର୍ବ ସଫଳତା ଅର୍ଜନ କରି ବିଦ୍ୟାଳୟର ସୁନାମକୁ ଅକ୍ଷୁର୍ଣ୍ଣ ରଖିପାରିଛନ୍ତି।ଏହି ଅବସରରେ ପରିଚାଳନା ନିର୍ଦ୍ଦେଶିକା ସୁନିତା ମୁଣ୍ଡ,ସଭାପତି ଡା ସୁବ୍ରତ କୁମାର ମୁଣ୍ଡ କୃତୀ ଛାତ୍ରଛାତ୍ରୀଙ୍କୁ ଅଭିନନ୍ଦନ ଜଣାଇ ଉତ୍ତୋରତ୍ତୋର କାମନା କରିଛନ୍ତି । ଚଳିତ ଦ୍ଵାଦଶ ଶ୍ରେଣୀ ପରୀକ୍ଷାରେ ପ୍ରିୟାଂଶୁ ପଣ୍ଡା,ରାଜ କୁମାର ଅଗ୍ରୱାଲ, ସାଇପ୍ରାପ୍ତି ପଣ୍ଡା ୮୦ ପ୍ରତିଶତରୁ ଊର୍ଦ୍ଧ୍ୱ ନମ୍ବର ରଖି କୃତକାର୍ଯ୍ୟ ହୋଇଛନ୍ତି । ସେହିପରି ଦଶମ ଶ୍ରେଣୀ ପରୀକ୍ଷାରେ ମୋଟ ୧୨୦ ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୯୦ ପ୍ରତିଶତ ଓ ତଦୂର୍ଦ୍ଧ୍ୱ ନମ୍ବର ରଖି ୨୦ ଜଣ, ୮୦% ଓ ତଦୂର୍ଦ୍ଧ୍ୱ ନମ୍ବର ରଖି ୩୩ଜଣ ଉତ୍ତୀର୍ଣ୍ଣ ହେବା ସହ ପାସହାର ଶତ ପ୍ରତିଶତ ମିଳିଛି । ଦ୍ଵାଦଶ ଶ୍ରେଣୀରେ ବିଦ୍ୟାଳୟରୁ ପ୍ରିୟାଂଶୁ ପଣ୍ଡା ସର୍ବୋଚ୍ଚ ୮୭.୮ ପ୍ରତିଶତ ରଖି ସର୍ବୋଚ୍ଚ ସ୍ଥାନ ଅଧିକାର କରିଥିବା ବେଳେ ଦଶମ ଶ୍ରେଣୀରୁ ସଗୁନ ଅଗ୍ରୱାଲ ୯୬.୪ ପ୍ରତିଶତ ନମ୍ବର ରଖି ସଫଳତାର ସହ ଉତ୍ତୀର୍ଣ୍ଣ ହୋଇଛନ୍ତି । ଏହି ସଫଳତା ପାଇଁ ଅଧ୍ୟକ୍ଷା ଶ୍ରୀମତୀ ମଧୁସ୍ମିତା ମୁଣ୍ତ ପ୍ରଶାସନିକ ଅଧିକାରୀ ଶ୍ରୀମତୀ ମିନତି ପ୍ରଧାନ ,ଉପାଧ୍ୟକ୍ଷ ସ୍ମଶୀଳ କୁମାର ରଥ ଶିକ୍ଷକ ଶିକ୍ଷୟିତ୍ରୀ, କର୍ମକର୍ତ୍ତାଗଣ ଓ ଅଞ୍ଚଳର ବହୁ ଶିକ୍ଷାବିତ ଶୁଭେଚ୍ଛା ଜଣାଇଛନ୍ତି ।