ଦୁଃଶାସନ ନାୟକ28/07/2025 at 9:24 PM
ଅସ୍ତରଙ୍ଗ :ପୌରାଣିକ କଥା ଅନୁସାରେ ଶ୍ରାବଣ ମାସରେ ପାଣିଭାର ନେଇ ଶିବଙ୍କ ମସ୍ତକରେ ଜଳ ଲାଗି କଲେ ଶୁଭ ଫଳ ମିଳିଵା ସହିତ ମନାସିଥିବା ମନସ୍କାମନା ପୂରଣ ମଧ୍ୟ ହୋଇଥାଏ l ସେଇଥି ପାଇଁ ଶ୍ରାବଣ ମାସ ର ପ୍ରତ୍ୟେକ ସୋମବାର ରେ ହଜାର ହଜାର କାଉଡିଆ ମାନେ ଶିବ ମନ୍ଦିର ରେ ଜଳ ଲାଗି କରିଥାନ୍ତି। କିନ୍ତୁ ଶ୍ରାବଣ ମାସ ତୃତୀୟ ସୋମବାର ଅସ୍ତରଙ୍ଗ ର ପ୍ରତାପ ବିଶ୍ୱାଳ ଙ୍କ ୧୦ବର୍ଷର ପୁତ୍ର ସାଇରୋଶନ ଠାରେ ଦେଖିବାକୁ ମିଳିଥିଲା ଏକ ନିଆରା ଅନୁଭୂତି, ଯାହା ସମାଜ ପାଇଁ ଏକ ମହାନ ବାର୍ତ୍ତା l ସେ ନିଜ ପାଇଁ କୌଣସି ମାନସିକ ନ କରି ମାନସିକ କରିଛନ୍ତି ନିଜ ବାପା ମାଆ ଏବଂ ସାନଭଉଣୀ ର ମଙ୍ଗଳ କାମନା କରି l ତ୍ରେତୟା ଯୁଗରେ ନିଜ ପିତା ମାତା ଙ୍କ ପାଇଁ ଶ୍ରବଣ କୁମାର ଙ୍କ ଯେଉଁ ଚରିତ୍ର ସର୍ବଦା ଆଖି ସାମ୍ନା କୁ ଭିନ୍ନ ଭିନ୍ନ ଉପାୟ ରେ ଆସେ କିନ୍ତୁ ଆଜି ଅସ୍ତରଙ୍ଗ ରେ ଜଣେ ୧୦ ବର୍ଷର କୁନି ବାଳକ ନିଜ ପରିବାର ର ସର୍ବ ଆରୋଗ୍ୟ କାମନା କରି ନିଷ୍ଠା ର ସହ ୧୪ କିଲୋମିଟର ପାଖା ପାଖି ପଦଯାତ୍ରା ଆଜି ସମସ୍ତ ଙ୍କୁ ସ୍ତମ୍ଭି ଭୁତ କରିଛି l ଆଜିର ସମାଜ ର ଅନେକ ସମୟ ରେ ପିଲା ମାନଙ୍କ ନିର୍ଯ୍ୟାତନା ସହ୍ୟ ନ କରି ପାରି ବାପା ମା ବୃଦ୍ଧାଶ୍ରମ ରେ ଜୀବନ କାଟୁଛନ୍ତି ମାତ୍ର,, କେବଳ ଅସ୍ତରଙ୍ଗ ନୁହେଁ ବରଂ ସାରା ଦେଶ ପାଇଁ ସାଇ ରୋସେନ୍ ସୃଷ୍ଟି କରିଛନ୍ତି ନିଆରା ପରିଚୟ, ଯାହାକୁ ଅନେକ ବୁଦ୍ଧିଜୀବୀ ଅସ୍ତରଙ୍ଗ,ଶ୍ରବଣ କୁମାର ନାମ ରେ ବିବେଚିତ କରିଛନ୍ତି,କାକଟପୁର ପ୍ରାଚୀ ତଟ ବିଶ୍ଵାମିତ୍ର ଘାଟ ରୁ ପାଣିଆଣି ଅସ୍ତରଙ୍ଗ ପ୍ରସିଦ୍ଧ ଶିବ ମନ୍ଦିର ଗ୍ରାମେଶ୍ୱର ଙ୍କ ନିକଟରେ ଜଳଲାଗି କରିଥିଲେ। ତାଙ୍କର ଏପରି ମାନସିକତା ସମାଜ ପାଇଁ ଏକ ପ୍ରେରଣା ହେବା ସହିତ ସମସ୍ତ ଙ୍କର ପ୍ରଶଂସା ର ପାତ୍ର ହୋଇଛନ୍ତି।