କଟକ ଜଗତପୁର କମ୍ପାନିକୁ ଯାଉଥିବା ୬୦ଲକ୍ଷ ଟଙ୍କାର ସାମଗ୍ରୀ ରାସ୍ତାରୁ ଗାଏବ୍ବିକ୍ରମପୁରରୁ ଜବତ କଲା ଜଗତପୁର ପୁଲିସ।
ଗୋପାଳପୁର, ୨୪/୦୯ କଟକ ଡିଭାଇନ୍ ୟୁନାଇଟେଡ୍ ପ୍ରାଇଭେଟ୍ ଲିମିଟେଡ୍ର ଚୋରି ହୋଇଥିବା ୬୦ଲକ୍ଷ ଟଙ୍କା ମୂଲ୍ୟର ହାଇଡ୍ରୋଜେନ୍ ରିଚ୍ ୱାଟର ଗୋପାଳପୁର ଥାନା ଅନ୍ତର୍ଗତ ବିକ୍ରମପୁରରୁ ପୁଲିସ ଜବତ କରିଛି । ଆଜି ଜଗତପୁର ପୁଲିସ ଟିମ୍ ଗୋପାଳପୁର ଥାନା ସହାୟତାରେ ଚଢ଼ଉ କରି ଏହି ସାମଗ୍ରୀ ଜବତ କରିଥିବା ସୂଚନା ମିଳିଛି । ଅଭିଯୋଗ ପ୍ରକାରେ ଚାଇନାରୁ ଆମଦାନୀ ହୋଇଥିବା ୬୦ ଲକ୍ଷ ଟଙ୍କା ମୂଲ୍ୟର ୧୩୫୮ଟି ହାଇଡ୍ରୋଜେନ୍ ରିଚ୍ ୱାଟର ବଟଲ୍ । ଗତ ୧୨ ତାରିଖରେ ବିଶାଖପାଟଣା ବନ୍ଦରରେ କଷ୍ଟମ୍ ବିଭାଗ ଯାଞ୍ଚ କରିବା ପରେ ଟ୍ରକରେ ଲୋଡିଂ ହୋଇଥିଲା।ଏହା ବିଶାଖପାଟଣା ରୁ କଟକର ଜଗତପୁର ଥାନା ଅଞ୍ଚଳରେ ଥିବା ଡିଭାଇନ୍ ୟୁନାଇଟେଡ୍ ପ୍ରାଇଭେଟ୍ ଲିମିଟେଡ ଗୋଦାମ ଯାଉଥିଲା। ହେଲେ ସେହି ଜିନିଷ ଗୋଦାମରେ ପହଞ୍ଚିନଥିଲା। ରାସ୍ତାରେ ୬୦ଲକ୍ଷ ଟଙ୍କା ମୂଲ୍ୟର କମ୍ପାନି ସାମଗ୍ରୀ ଗାଏବ୍ ହୋଇଯାଇଥିଲା। ସପ୍ତାହେ ପର୍ଯ୍ୟନ୍ତ ଅପେକ୍ଷା କରିବା ପରେ ଜିନିଷ ନପହଞ୍ଚିବାରୁ ଏ ସମ୍ପର୍କରେ ଜଗତପୁର ଥାନାରେ କମ୍ପାନି ମ୍ୟାନେଜର ସୁଲେମାନ ଏହମ୍ମଦ ବକ୍ସ ଲିଖିତ ଅଭିଯୋଗ କରିଥିଲେ।ଏହି ଘଟଣା ନେଇ ଜଗତପୁର ଥାନାରେ ୧୯ ତାରିଖରେ ମାମଲା ରୁଜୁ ହୋଇଥିଲା । ପୁଲିସ ତଦନ୍ତ କରିବା ବେଳେ ସେହି ସାମଗ୍ରୀକୁ କମ୍ପାନିର ଜଣେ ନିର୍ଦ୍ଦେଶିକା ଗୋପାଳପୁର ଥାନା ବିକ୍ରମପୁର ରକ୍ଷା ବିହାରରେ ଆଣି ରଖିଥିବା ଜଣାପଡିଥିଲା। ଜଗତପୁର ଥାନା ଆଇଆଇସି ଅନିରୁଦ୍ଧ ନାୟକ ଏ ସମ୍ପର୍କରେ ଗୋପାଳପୁର ଥାନାକୁ ଜଣାଇଥିଲେ । ଗୋପାଳପୁର ପୁଲିସ ସହାୟତାରେ ଜଗତପୁର ଆଇଆଇସି ଅନିରୁଦ୍ଧ ନାୟକ ଓ ଟିମ୍ ପହଞ୍ଚି ସେହି ସାମଗ୍ରୀ କୁ ଆଜି ଅପରାହ୍ନରେ ଜବତ କରିଥିଲେ । କିନ୍ତୁ ସାମଗ୍ରୀ ଜବତ ବେଳେ ସେଠାରେ ଉପସ୍ଥିତ ଜଣେ ମହିଳା ନିଜକୁ ବିଜେପି ନେତ୍ରୀ ବୋଲି କହି ପୁଲିସକୁ ଅଟକାଇବାକୁ ଚେଷ୍ଟା କରିଥିଲେ । ପୁଲିସ ଚୋରି ହୋଇଥିବା ସାମଗ୍ରୀ ସେଠାରୁ ଜବତ କରିଥିଲା। ପୁଲିସ କୁ ଅଟକାଉଥିବା ସଂପୃକ୍ତ ମହିଳା କମ୍ପାନିର ଆଉଜଣେ ନିର୍ଦ୍ଦେଶିକା ବୋଲି ଜଣାପଡିଛି । କଟକ ଯାଉଥିବା ସାମଗ୍ରୀକୁ କୌଣସି ପ୍ରକାରେ ଗୋପାଳପୁରରେ ଓହ୍ଲାଇ ଦେଇଥିବାରୁ ପୁଲିସ ତାହା ଜବତ କରିଛି। ତେବେ ସେଥିରେ କିଛି ବଟଲ୍ କମ୍ ଥିବା ଅଭିଯୋଗକାରୀ ପୁଲିସକୁ ଜଣାଇଥିଲେ।ତଦନ୍ତ ପରେ ଏହାର ଅଧୂକ ତଥ୍ୟ ଜଣାପଡିବ ବୋଲି ଜଗତପୁର ଆଇଆଇସି ଶ୍ରୀ ନାୟକ କହିଛନ୍ତି । ଏ ନେଇ ମହିଳା ଜଣକ କହିଛନ୍ତି ୨ ଜଣ ପାଟନର ରହିଥିଲୁ l ମୁଁ ଓ ମୋ ସ୍ୱାମୀର ଉଦ୍ୟମରେ ଏହି ପ୍ରୋଡକ୍ଟକୁ ପ୍ରସ୍ତୁତି କରିଥିଲୁ l ବର୍ତ୍ତମାନ ଏହାର ଚାହିଁଡା ବଢିଯିଵା ପରେ ପାଟନର ମଧ୍ୟରେ ମନାନ୍ତର ହୋଇଥିଲା l ସେ ଏହାକୁ ନିଜସ୍ୱ କହି ବହୁ ଲାଭବାନ ପାଇବ ବୋଲି ଯୋଜନା କରିଥିଲା l ଗୋଦାମରେ ସ୍ଥାନ ନଥିବାରୁ ଏଠାରେ ରଖିଥିବା କହିଛନ୍ତି l ତାହାରି ବିଲ ଦେଖାଇ ଥିଲେ ମଧ୍ୟ୍ୟ ପୁଲିସ ଦେଖିନଥିବା କହିଛନ୍ତି lପୁଲିସ ପକ୍ଷରୁ ଘଟଣା ନେଇ ଅଧିକ ତଦନ୍ତ ଜାରି ରଖିଛି।
