ଡିସେମ୍ବର ମାସ ଆରମ୍ଭରେ ଭାରତ ଗସ୍ତ କରିବେ ପୁଟିନ୍ ; ବୈଠକ ପୂର୍ବରୁ ରୁଷ୍ର ବଡ଼ ପଦକ୍ଷେପ
ନୂଆଦିଲ୍ଲୀ;୩୦|୧୧: ମାସର ଆରମ୍ଭରେ ଆସିବେ ଭ୍ଲାଦିମିର ପୁଟିନ | ତାଙ୍କ ସ୍ୱାଗତ ପାଇଁ ଲାଗିପଡିଛନ୍ତି ନରେନ୍ଦ୍ର ପ୍ରଧାନମନ୍ତ୍ରୀ ମୋଦି | ଉଭୟ ଦେଶ ପାଇଁ ପରସ୍ପର ଅଞ୍ଚଳରେ ସାମରିକ କର୍ମଚାରୀ, ଯୁଦ୍ଧ ଜାହାଜ ଓ ଯୁଦ୍ଧ ବିମାନ ମୁତୟନ କରିବାକୁ ଭାରତ ସହ ମିଳିତ ବ୍ୟବସ୍ଥା କରିବାକୁ ପଦକ୍ଷେପ ନେଇଛି ରୁଷ୍ । ଏହି ବ୍ୟବସ୍ଥା ଦ୍ୱାରା ମସ୍କୋ ଓ ନୂଆଦିଲ୍ଲୀ ଯଥାକ୍ରମେ ଭାରତ ଓ ରୁଷ୍କୁ ମିଳିତ ସାମରିକ ଅଭ୍ୟାସ, ତାଲିମ ଅଧିବେଶନ, ମାନବିକ ସହାୟତା, ବିପର୍ଯ୍ୟୟ ମୁକାବିଲା ଓ ଅନ୍ୟାନ୍ୟ କ୍ଷେତ୍ରରେ ମିଳିତ ପଦକ୍ଷେପ ନେବା ପାଇଁ ସୈନ୍ୟ, ଯୁଦ୍ଧ ବିମାନ ଓ ଯୁଦ୍ଧ ଜାହାଜ ପଠାଇବାକୁ ଅନୁମତି ଦେବ।
ନୂଆଦିଲ୍ଲୀରେ ୨୩ତମ ଭାରତ-ରୁଷ୍ ବାର୍ଷିକ ଶିଖର ସମ୍ମିଳନୀ ଅନୁଷ୍ଠିତ ହେବାକୁ ଯାଉଛି | ଏହି ଦ୍ୱିପାକ୍ଷିକ ବାଣିଜ୍ୟ ତଥା ଆଣବିକ ଶକ୍ତି, ପ୍ରତିରକ୍ଷା ଓ ମହାକାଶ କ୍ଷେତ୍ରରେ ସହଯୋଗ ବୃଦ୍ଧି କରିବାର ଉପାୟ ଉପରେ ଆଲୋଚନା କରିବେ। ପୁଟିନ୍ ଡିସେମ୍ବର ୪ରୁ ୫ ପର୍ଯ୍ୟନ୍ତ ନୂଆଦିଲ୍ଲୀରେ ରହିବେ । ୟୁକ୍ରେନ୍ ଯୁଦ୍ଧର କିଛି ସପ୍ତାହ ପୂର୍ବରୁ ସେ ଶେଷ ଥର ପାଇଁ ନୂଆଦିଲ୍ଲୀ ଗସ୍ତ କରିଥିଲେ। ଗସ୍ତରେ ଆସୁଥିବା ପୁଟିନ୍ ଏଥର ମୋଦୀଙ୍କୁ ଭେଟିବା ସହ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ମଧ୍ୟ ଭେଟିବେ। ଅନ୍ୟପଟେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଭାରତକୁ ରୁଷ୍ରୁ ତୈଳ ଆମଦାନି ହ୍ରାସ କରିବାକୁ ଲାଗିପଡିଛନ୍ତି | ନିଜର ମନମୁତାବକ ସବୁ କାର୍ଯ୍ୟ କରିବ ପାଇଁ ଲାଗିପଡିଛନ୍ତି ଟ୍ରମ୍ପ | ଟ୍ରମ୍ପ ତାଙ୍କ କାର୍ଯ୍ୟରେ ସଫଳ ହୋଇଛନ୍ତି ବୋଲି ଦାବି କରିଛନ୍ତି | କିନ୍ତୁ ଅନ୍ୟ ପକ୍ଷରେ ଏହାର ଓଲଟା ପରିସ୍ଥିତି ସୃଷ୍ଟି ଦେଖିବାକୁ ମିଳିଛି | ଭାରତରେ ପୁଟିନଙ୍କ ଆସିବା ନେଇ ତାଙ୍କ ସ୍ୱାଗତ ପାଇଁ ସବୁ ବ୍ୟବସ୍ଥା ଚାଲିଛି | ପୁଟିନଙ୍କ ଗସ୍ତ ତାରିଖ ଶୁକ୍ରବାର ନୂଆଦିଲ୍ଲୀ ଓ ମସ୍କୋରେ ଆନୁଷ୍ଠାନିକ ଭାବେ ଘୋଷଣା କରାଯାଇଥିଲା।
