କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ ଙ୍କୁ ହତ୍ୟା ଧମକ, କଣ୍ଟାବାଞ୍ଜି ଜି ଆର୍ ପି ଥାନାରେ ଏତଲା !
ବଲାଙ୍ଗୀର : କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ କୁ ହତ୍ୟା ଧମକ ଦିଆଯାଇଥିବା ଅଭିଯୋଗ ହୋଇଛି । ଏନେଇ ବିଧାୟକ ଲକ୍ଷ୍ମଣ ବାଗ କଣ୍ଟାବାଞ୍ଜି ଜି ଆର୍ ପି ଥାନାରେ ଏତଲା ଦେଇଛନ୍ତି । କାଉନସିଲର ବଣ୍ଟି ବେହାରା ଙ୍କ ସମେତ ଅନ୍ୟ ୬ ଜଣ ଙ୍କ ନାଁରେ ଏହି ଏତଲା ଦିଆଯାଇଥିବା ଜଣା ପଡ଼ିଛି । ବାହାର ରାଜ୍ୟକୁ ଦାଦନ ଚାଲାଣ ସମୟରେ ପ୍ରଶ୍ନ କରିବାରୁ ଦୁର୍ବ୍ୟବହାର ସହିତ ହତ୍ୟା ଧମକ୍ ଦିଆଯାଇଥିବା ନେଇ ଅଭିଯୋଗ କରିଛନ୍ତି କଣ୍ଟାବାଞ୍ଜି ବିଧାୟକ । ଅଭିଯୋଗ ପରେ ଜି ଆର୍ ପି ପକ୍ଷରୁ ତଦନ୍ତ ଆରମ୍ଭ କରାଯାଇଛି । ତେବେ ଅଭିଯୋଗକୁ ନେଇ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗଙ୍କ ପ୍ରତିକ୍ରିୟା ମିଳି ପାରିନାହିଁ ।
