ହେମନ୍ତ କୁମାର ବେହେରା25/05/2023 at 5:01 PM
ଖଡ଼ିଆଳ : ଖଡ଼ିଆଳ ସହର ସ୍ଥିତ ୮ ନମ୍ବର ୱାର୍ଡର ଅଖିଳେଶ ଯାଦବ ହାସଲ କଲେ ଇଣ୍ଡିଆ ବୁକ ଅଫ ରେକର୍ଡ ୨୦୨୩ ପୂର୍ବରୁ ଏହି ରେକର୍ଡ ବିଜେତା ଥିଲେ ନେପାଲର ସୁରେଶ ଭଣ୍ଡାରୀ । ଶ୍ରୀ ଭଣ୍ଡାରୀ ଗୋଟିଏ ମିନିଟରେ ୧୦୨ ଥର ପୁସଅପ କରି ଇଣ୍ଡିଆ ବୁକଅପ ରେକର୍ଡ ସୃଷ୍ଟି କରି ନେପାଲର ନା ରଖିଥିଲେ | ଚଳିତ ବର୍ଷ ଏହି ରେକର୍ଡ଼କୁ ଭାଙ୍ଗି ଖଡ଼ିଆଳ ସହରର ଛାତ୍ର ଅଖିଳେଶ କୁମାର ଯାଦବ । ସେ ଗୋଟିଏ ମିନିଟରେ ୧୦୭ ଥର ପୁଷଅପ କରି ଇଣ୍ଡିଆ ବୁକଅପ ରେକର୍ଡ ସୃଷ୍ଟି କରି ଖଡ଼ିଆଳ ପାଇଁ ଗର୍ବ ଆଣିଛନ୍ତି | ଇଣ୍ଡିଆ ବୁକଅପ ରେକର୍ଡ଼ ବିଜେତା ଅଖିଳେଶ କୁମାର ଯାଦବଙ୍କ ବାପା ଖଡ଼ିଆଳର ପୂର୍ବତନ ବିଧାୟକ ହିତେଶ କୁମାର ବଗର୍ତି ହୋଇଥିବା ବେଳେ ତାଙ୍କ ମା ରିତାରାଣୀ ବଗର୍ତି ଅଟନ୍ତି । ୧୬ ବର୍ଷୀୟ ଅଖିଳେଶ କୁମାର ୟାଦବ ଯୁକ୍ତ ୨ ବିଜ୍ଞାନ ଛାତ୍ର ହୋଇଥିବା ବେଳେ ଭବାନୀପାଟଣା ବିକାଶ ରେସିଡେଣ୍ଡିଆଲ କଲେଜରେ ପାଠ ପଢୁଛନ୍ତି | ବାପା ମାଙ୍କ ନିତି ଆଦର୍ଶରେ ଅନୁପ୍ରାଣିତ ହୋଇ ଅଖିଳେଶ କୁମାର ପୁସଅପ ବ୍ୟତୀତ ସଟଫୁଟ ଖେଳରେ ରୁଚି ରଖିଛନ୍ତି |କଳାହାଣ୍ଡି ଜିଲ୍ଲାସ୍ତରୀୟ ଅଣ୍ଡର ୧୮ ରେ ସଟଫୁଟ ଖେଳରେ ଅଖିଳେଶ କୁମାର ଚମ୍ପିୟାନ ହୋଇଛନ୍ତି |ରାଜ୍ୟସ୍ତରୀୟ ସଟଫୁଟ ପ୍ରତିଯୋଗିତା ପାଇଁ ଚୟନ ହୋଇସାରିଛି | ଆସନ୍ତା ଜୁନ ମାସରେ ଅଖିଳେଶ ରାଜ୍ୟସ୍ତରରେ ସଟଫୁଟ ଖେଳରେ ଯୋଗଦେବେ ଏଥିପାଇଁ ଜୋରଦାର ଅଭ୍ୟାସ ଜାରି ରଖିଛନ୍ତି| ଆଗକୁ ପୁସଅପରେ ଗିନିଜ ବୁକ ଅପ ରେକର୍ଡ କରିବା ଲକ୍ଷ ରଖିଛନ୍ତି ଅଖିଳେଶ । ତାଙ୍କର ସଫଳତାକୁ ନେଇ ଶୁଭେଚ୍ଛାର ସୁଅ ଛୁଟୁଥିବା ବେଳେ ଅଖିଳେଶର ସଫଳତାକୁ ନେଇ ବାପା, ମା ସମ୍ପର୍କୀୟ ବେଶ ଖୁସି ଜାହିର କରିଛନ୍ତି |