ହାରିବୁ ବୋଲି ଜାଣିଛୁ ତଥାପି ରାଜ୍ୟର ସ୍ୱାର୍ଥ୍ୟ ପାଇଁ ଆମେ ଲଢିବୁ; ପିସିସି ସଭାପତି ଭକ୍ତ ଚରଣ ଦାସ।
ଭୁବନେଶ୍ୱର,୨।୨: ବିରୋଧୀ ଦଳର ନେତା ନବୀନଙ୍କୁ ଭେଟିବେ କଂଗ୍ରେସର ପିସିସି ସଭାପତି ଭକ୍ତ ଚରଣ ଦାସ। ଏନେଇ ସେ ସୂଚନା ଦେଇଛନ୍ତି | ସେ କହିଛନ୍ତି,ରାଜ୍ୟର ସ୍ୱାର୍ଥ ପାଇଁ ମୁଁ ନବୀନଙ୍କୁ ଭେଟିବି | ଦିନେ କି ଦୁଇ ଦିନ ମଧ୍ୟରେ ଜଣାପଡିବ କେବେ ନବୀନଙ୍କ ସହ ସାକ୍ଷାତ କରିବି। ବିରୋଧୀ ଦଳ ପାଖରେ ସୁଯୋଗ ରହିଛି । ଏବେ ଆମକୁ ଏହି ସୁଯୋଗର ଫାଇଦା ଉଠାଇବାକୁ ପଡ଼ିବ ବୋଲି କହିଛନ୍ତି ପିସିସି ସଭାପତି।
ସେ ଆହୁରି ମଧ୍ୟ କହିଛନ୍ତି ଯେ, ରାଜ୍ୟସଭା ନିର୍ବାଚନ ପରିପ୍ରେକ୍ଷୀରେ ଖୁବଶୀଘ୍ର ନବୀନ ପଟ୍ଟନାୟକଙ୍କୁ ଭେଟିବେ ପିସିସି ସଭାପତି । ତେବେ ଏହା ପୂର୍ବରୁ ରାଜ୍ୟସଭା ନିର୍ବାଚନ ବିଷୟ ନେଇ ନବୀନଙ୍କୁ ଭେଟିବେ ବୋଲି ସୂଚନା ଦେଇଥିଲେ । ଆଉ ଏବେ ଏହି ପ୍ରସଙ୍ଗରେ ଆସିଛି ଭକ୍ତଙ୍କ ଆଉ ଏକ ବୟାନ । ଯାଜପୁରରେ ଅନୁଷ୍ଠିତ ହୋଇଥିବା ଏକ କାର୍ଯ୍ୟକ୍ରମରେ ଯୋଗ ଦେବା ଅବସରରେ ଭକ୍ତ ଦାସ କହିଛନ୍ତି ଯେ, ମୁଁ ଖୁବଶୀଘ୍ର ନବୀନ ପଟ୍ଟନାୟକଙ୍କୁ ଭେଟିବି। ଦିନେ କି ଦୁଇ ଦିନ ମଧ୍ୟରେ କେଉଁ ତାରିଖରେ ନବୀନଙ୍କ ଭେଟିବି । ସେ ତାରିଖ ଜଣାପଡିବ । ବିରୋଧୀ ଦଳ ପାଖରେ ସୁଯୋଗ ରହିଛି । ତେଣୁ ଆଲୋଚନା କଲେ ଅନେକ କଥା ସାମ୍ନାକୁ ଆସିବ । ବିଜେଡି ଓ କଂଗ୍ରେସ ସଂଖ୍ୟାକୁ ନେଇ ସମ୍ଭାବନା ଦେଖାଯାଉଛି । ସମ୍ଭାବ ନା ପାଇଁ ଉଦ୍ୟମ କରିବା ରାଜନୈତିକ ଅପରାଧ ନୁହେଁ । ଆମେ ଜାଣିଛୁ ଆମେ ଜିତିପାରିବୁନି ତଥାପି ରାଜ୍ୟର ସ୍ୱାର୍ଥ୍ୟ ପାଇଁ ଆମେ ନିହାତି ଭାବେ ଲଢିବୁ । ଏହି ଲଢ଼ିବା ଦଳର ମର୍ଯ୍ୟାଦା ଆବଶ୍ୟକ।
ତେବେ କଥା ହେଉଛି ଏହି ଦୁଇ ଦଳ କେବେବେ ଏକାକୀ ହୋଇ ନିର୍ବାଚନ ଲଢିନାହାନ୍ତି | ଏକାସାଙ୍ଗେ କୌଣସି ପ୍ରେସ ମିଟ୍ ରେ କେବେ ବୟାନ ମଧ୍ୟ ଦେଇନାହାନ୍ତି । ଆଉ ଆଜି ଏକାଠି ହୋଇ ରାଜ୍ୟସଭା ନିର୍ବାଚନ ଲଢିବାକୁ କଥା କହୁଛନ୍ତି । ତେବେ ଆଗାମୀ ନିର୍ବାଚନରେ କିଏ ପରାକ୍ରମ ଦେଖାଇବା ତାହାକୁ ଅପେକ୍ଷା | ଆଗକୁ ରାଜ୍ୟସଭା ନିର୍ବାଚନରେ ବିଜେଡି ସୁପ୍ରିମୋ କାହା ପଟକୁ ବିଜେଡି ଢ଼ାଲିବେ ସେଟା ସମୟ କହିବା |
ସୂଚନା ଯୋଗ୍ୟ’ ସୂଚନା ଅନୁସାରେ, ଏ ବର୍ଷ ଏପ୍ରିଲ ମାସରେ ଓଡ଼ିଶାର ୪ ରାଜ୍ୟସଭା ଆସନ ଖାଲି ହେବାର ରହିଛି । ଆସନ୍ତା ଏପ୍ରିଲରେ ରାଜ୍ୟସଭା ସାଂସଦ ସୁଜିତ କୁମାର, ମମତା ମହାନ୍ତ, ନିରଞ୍ଜନ ବିଶି, ମୁନ୍ନା ଖାଁଙ୍କ କାର୍ଯ୍ୟକାଳ ଅବଧି ସରୁଛି । ତେବେ ୨୦୨୪ ନିର୍ବାଚନ ପୂର୍ବରୁ ଏହି ଚାରୋଟି ଯାକ ଆସନ ବିଜେଡିର ରହିଥିଲା। କିନ୍ତୁ ଗତ ନିର୍ବାଚନ ପରେ, ବିଜେଡିର ପରାଜୟ ପରେ,ସୁଜିତ କୁମାର ଓ ମମତା ମହାନ୍ତ ବିଜେଡି ଦଳ ଛାଡ଼ି ପୁନର୍ବାର ବିଜେପିରୁ ରାଜ୍ୟସଭା ଯାଇଥିଲେ । ଆଉ ଏବେ ଏହି ୪ ଆସନରୁ ୨ଟି ବିଜେଡିର ଥିବାବେଳେ ୨ଟି ବିଜେପିର । ସେପଟେ ରାଜନୈତିକ ବିଶେଷଜ୍ଞ ଅନୁମାନ ଅନୁସାରେ, ୨ଟି ଆସନ ବିଜେପିକୁ ଯିବା ବେଳେ ଆଉ ଗୋଟିଏ ବିଜେଡି ଖାତାକୁ ଯିବ। ଏଥିରେ କୌଣସି ସନ୍ଦେହ ନାହିଁ ତେବେ ତୃତୀୟ ଆସନକୁ ନେଇ ହେବ ଲଢେଇ।
