ଜିଲ୍ଲା ନୋଡାଲ ସଚିବଙ୍କ ଉଲୁଣ୍ଡା ବ୍ଲକ ର ବିଭିନ୍ନ ପଞ୍ଚାୟତ ପରିଦର୍ଶନ
ବୀରମହାରାଜାପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡ ଉଲୁଣ୍ଡା ବ୍ଲକର ବିଭିନ୍ନ ପଞ୍ଚାୟତ ଓ ଜଳସେଚନ ପ୍ରକଳ୍ପ ଜିଲ୍ଳା ନୋଡାଲ ସଚିବ ଭୂପିନ୍ଦ୍ର ସିଂ ପୁନିଆ ପରିଦର୍ଶନ କରିଛନ୍ତି l ସୂଚନା ଅନୁସାରେ ବ୍ଲକର ଉଲୁଣ୍ଡା ସମେତ ବିଶିପଡା, ମୁଣ୍ଡଘାଟ ପଂଚାୟତକୁ ପରିଦର୍ଶନ କରିଥିବା ଜଣାପଡିଛି l ଏହି ଅବସରରେ ସମସ୍ତ ପଂଚାୟତର ପିଡିଏସ ଷ୍ଟକ ଓ ମାନ ଯାଞ୍ଚ କରିବା ସହ କେତେ ଜଣ ହିତାଧିକାରୀ ଅଛନ୍ତି ତଦାରଖ କରିଥିଲେ l ଏହା ସହ ବିଭିନ୍ନ କାଗଜାତ ମଧ୍ୟ ଯାଞ୍ଚ କରିଥିଲେ l ଏହି ଅବସରରେ ଶ୍ରୀଯୁକ୍ତ ପୁନିଆ ସରପଞ୍ଚ, ପିଇଓଙ୍କ ସହ ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ l ସେହିପରି ଡାଲଡବା ଏବଂ ହିକୁଡି ସ୍ଥିତ ଜଳସେଚନ ପ୍ରକଳ୍ପ ବୁଲି ଦେଖିଥିଲେ l ଜିଲ୍ଲା ନୋଡାଲ ସଚିବଙ୍କ ଗସ୍ତ ସମୟରେ ଜିଲ୍ଲାପାଳ ସୂର୍ୟନାରାୟଣ ଦାସ, ଜିଲ୍ଲା ପରିଷଦ ସିଇଓ ନିହାର ରଞ୍ଜନ କହଁର, ବିଡ଼ିଓ କରିସ୍ମା ବେସ୍ରା, ଯୋଗାଣ ନିରୀକ୍ଷକ ରାଜକିଶୋର ନାଏକ, ସରପଞ୍ଚ, ପିଇଓଙ୍କ ସମେତ ଅନ୍ୟାନ୍ୟ ଅଧିକାରୀ ଉପସ୍ଥିତ ରହିଥିଲେ
