ଶ୍ରୀମନ୍ଦିରରେ ନୂଆ ନିୟମ: ଦର୍ଶନ ପାଇଁ ଆଗୁଆ ସ୍ଲଟ୍ ବୁକିଂ ବ୍ୟବସ୍ଥା…
ପୁରୀ, ୧୫|୪ : ଶ୍ରୀଜଗନ୍ନାଥ ମନ୍ଦିରରେ ଭକ୍ତମାନଙ୍କ ଭିଡ଼କୁ ସୁଚାରୁ ଭାବେ ପରିଚାଳନା କରିବା ପାଇଁ ସରକାର ନୂଆ ଦର୍ଶନ ବ୍ୟବସ୍ଥା ଆଣିବାକୁ ଯାଉଛନ୍ତି । ଏହି ନୂତନ ପ୍ରଣାଳୀ ଅନୁଯାୟୀ, ଭକ୍ତମାନେ ଆଗୁଆ ସ୍ଲଟ୍ ବୁକିଂ କରି ନିର୍ଦ୍ଧାରିତ ସମୟରେ ଦର୍ଶନ କରିପାରିବେ ।
ଆଇନ ମନ୍ତ୍ରୀଙ୍କ ସୂଚନା ଅନୁସାରେ, ଏହି ସିଷ୍ଟମ୍ ଲାଗୁ ହେଲେ ଦୀର୍ଘ ସମୟ ଧରି ଲାଇନ୍ରେ ଅପେକ୍ଷା କରିବାର ଆବଶ୍ୟକତା କମିଯିବ ଏବଂ ଦର୍ଶନ ପ୍ରକ୍ରିୟା ଅଧିକ ସୁବିଧାଜନକ ହେବ । ସ୍ଲଟ୍ ବୁକ୍ କରିଥିବା ଭକ୍ତମାନେ ନିର୍ଦ୍ଧାରିତ ସମୟରେ ଅଲଗା ବ୍ୟବସ୍ଥାରେ ମନ୍ଦିର ପ୍ରବେଶ କରିପାରିବେ । ତଥାପି ପୁରୁଣା ଲାଇନ୍ ବ୍ୟବସ୍ଥାକୁ ମଧ୍ୟ ଚାଲୁ ରଖାଯିବ, ଯାହାଦ୍ୱାରା ସମସ୍ତ ଭକ୍ତମାନେ ସୁବିଧାରେ ଦର୍ଶନ କରିପାରିବେ । ନୂଆ ବ୍ୟବସ୍ଥା ପ୍ରଥମେ ପାଇଲଟ୍ ଆଧାରରେ ଆରମ୍ଭ ହେବ । ଶ୍ରୀମନ୍ଦିରକୁ ପ୍ରତିଦିନ ହଜାର ହଜାର ଭକ୍ତ ଆସୁଥିବାରୁ ଏହି ପଦକ୍ଷେପ ଗ୍ରହଣ କରାଯାଇଛି । ନୂଆ ନିୟମ ଲାଗୁ ହେଲେ ଭିଡ଼ ନିୟନ୍ତ୍ରଣ ସହିତ ଦର୍ଶନର ଅନୁଭବ ଅଧିକ ସୁବିଧାଜନକ ହେବ ବୋଲି ଆଶା କରାଯାଉଛି ।
