ପ୍ରଜ୍ଞା ପଟ୍ଟନାୟକ

1/06/2023 at 1:08 PM

ଭୁବନେଶ୍ବର: ଆରମ୍ଭ ହୋଇଛି ବିଜେପିର ମହାଜନସମ୍ପର୍କ ଅଭିଯାନ । ସାରା ଦେଶରେ ୫୧ଟି ମହାରାଲି ଆୟୋଜନ ହେବ। ଏହା ଭିତରେ ଓଡ଼ିଶାରେ ୪ଟି ମହାରାଲି କରାଯିବା ନେଇ ସୂଚନା ମିଳିଛି । ତେବେ ଏହି ମହାଜନସମ୍ପର୍କ ଅଭିଯାନରେ ସାମିଲ ହୋଇପାରନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।

ତେବେ ପ୍ରଧାନମନ୍ତ୍ରୀଙ୍କ ସହ ଗୃହମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ମଧ୍ୟ ପ୍ରମୁଖ ମହାରାଲିରେ ଯୋଗଦେବେ । ଏହା ସହ ରାଜ୍ୟରେ ହଜାରେରୁ ଅଧିକ ଜନସଭା ଅନୁଷ୍ଠିତ ହେବ । କେନ୍ଦ୍ରମନ୍ତ୍ରୀ ଗିରିରାଜ ସିଂହ, ଅର୍ଜୁନ ମୁଣ୍ଡା, ନିତ୍ୟାନନ୍ଦ ରାୟଙ୍କ ସମେତ ଓଡ଼ିଶାର ତିନି ଜଣ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଅଶ୍ୱିନୀ ବୈଷ୍ଣବ ଓ ବିଶ୍ୱେଶ୍ୱର ଟୁଡୁ ଯୋଗଦେବାର କାର୍ଯ୍ୟକ୍ରମ ରହିଛି ।