Jantar Mantar Protest Site: ଜନ୍ତର ମନ୍ତରରେ ବିକ୍ଷୋଭ ଉପରେ ରୋକ୍, ସରକାରଙ୍କ ନିଷ୍ପତ୍ତିକୁ CJPର ବିରୋଧ
ନୂଆଦିଲ୍ଲୀ: ନୂଆଦିଲ୍ଲୀର ଜନ୍ତର ମନ୍ତରକୁ ବିକ୍ଷୋଭ ଓ ପ୍ରତିବାଦ ପାଇଁ ନିର୍ଦ୍ଧାରିତ ସ୍ଥାନ ତାଲିକାରୁ ହଟାଇବା ନିଷ୍ପତ୍ତିକୁ Cockroach Janta Party (CJP) ବିରୋଧ କରିଛି। ଦଳର ସହ-ସଂଯୋଜକ ସୌରଭ ଦାସ ଏହି ନିଷ୍ପତ୍ତିକୁ “ଗ୍ରହଣୀୟ ନୁହେଁ” ବୋଲି କହିବା ସହ ଏହାକୁ ମନମୁଖୀ ନିଷ୍ପତ୍ତି ବୋଲି ଅଭିହିତ କରିଛନ୍ତି। ଦିଲ୍ଲୀ ପୋଲିସ ଜନ୍ତର ମନ୍ତରକୁ ନିର୍ଦ୍ଧାରିତ ବିକ୍ଷୋଭ ସ୍ଥଳ ତାଲିକାରୁ ହଟାଇବା ପରେ ଏହି ବିବାଦ ଆରମ୍ଭ ହୋଇଛି।
ସୌରଭ ଦାସ ସୋସିଆଲ ମିଡିଆ ପ୍ଲାଟଫର୍ମ Xରେ ପ୍ରଶ୍ନ ଉଠାଇ କହିଛନ୍ତି, ଜନ୍ତର ମନ୍ତର ଦେଶର ଲୋକଙ୍କର ଏବଂ ଏହାକୁ ନେଇ ନିଷ୍ପତ୍ତି ପୂର୍ବରୁ ସାଧାରଣ ଲୋକ, ସଂଗଠନ ଓ ଅନ୍ୟ ସମ୍ପୃକ୍ତ ପକ୍ଷଙ୍କ ସହ ଆଲୋଚନା କରାଯାଇଥିଲା କି ନାହିଁ, ତାହା ସ୍ପଷ୍ଟ ହେବା ଦରକାର। ଏହି ପଦକ୍ଷେପ ଶାନ୍ତିପୂର୍ଣ୍ଣ ପ୍ରତିବାଦ ଓ ସମାବେଶ କରିବାର ମୌଳିକ ଅଧିକାର ଉପରେ ପ୍ରଭାବ ପକାଇବ ବୋଲି ସେ ଅଭିଯୋଗ କରିଛନ୍ତି। ଏହା ସହ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମଧ୍ୟ ସମାଲୋଚନା କରିଛନ୍ତି।
ଦିଲ୍ଲୀ ପୋଲିସ କମିଶନର ଅନୁରାଗ କୁମାର ଅକ୍ଟୋବର ୧୧ରେ ଜାରି କରିଥିବା ଆଦେଶ ଅନୁସାରେ, ଏବେ ରାମଲୀଳା ମୈଦାନ, ବୁରାଡ଼ି ଗ୍ରାଉଣ୍ଡ ଓ ପୂର୍ବ ଦିଲ୍ଲୀର CBD ଗ୍ରାଉଣ୍ଡକୁ ବିକ୍ଷୋଭ ଓ ପ୍ରତିବାଦ ପାଇଁ ନିର୍ଦ୍ଧାରିତ ସ୍ଥାନ ଭାବେ ଚିହ୍ନଟ କରାଯାଇଛି। ଜନ୍ତର ମନ୍ତରରେ ପ୍ରତିବାଦ ପାଇଁ ଲୋକଙ୍କୁ ଏକାଠି ହେବାକୁ ଆହ୍ୱାନ ଦିଆଯିବା ପରେ ରାଜଧାନୀରେ ସୁରକ୍ଷା ବ୍ୟବସ୍ଥା ବଢ଼ାଯାଇଥିବା ସୂଚନା ମିଳିଛି।
